Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета про «Ташта Соткс»Содержаниесловари1-я книга Моисеева. Бытие2-я книга Моисеева. ИсходПритчиИонаПритчиИона

Книги Нового Завета Выбрать книгупро «Од Соткс»СодержаниесловариОт МатфеяОт МаркаОт ЛукиОт ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудаК Римлянам1-е Коринфянам2-е КоринфянамК ГалатамК ЕфесянамК ФилиппийцамК Колоссянам1-е Фессалоникийцам2-е Фессалоникийцам1-е Тимофею2-е ТимофеюК ТитуК ФилимонуК ЕвреямОткровение

МОИСЕЕНЬ ОМБОЦЕ КНИГАЦ

ЛИСЕМАСЬ

Глава 11

Мекольце кальдявсь

1Азорсь мярьгсь Моисеенди: «Мон кучан нинге фкя кальдяв фараонть и Египетонь ломаттнень лангс. Тяда меле сон нолдатядязь тинь тяста, и аф аньцек нолдатядязь, но панезь паттядязь.2А тон мярьк ломаньтналти, катк эрсь, аляське-аваське, анай шабранц кядьста сиянь и зрнянь паршихть».3И Азорсь ладязень Египетонь ломаттнень седиснон кельгозь Эсь ломаньтналонцты. Тяфта жа Моисееньге Египетонь ломаньтналсь и фараонть покодиенза лувозь оцю ломанькс Египетонь масторса.

4Моисей мярьгсь фараонти: «Тяфта корхтай Азорсь: "Пялевеста Мон ётан Египетонь масторга,5и эста кулыхть сембе васень шачф цёратне Египетонь масторса, оцязорондай фараонть васень шачф цёранц эзда сявомок и яжама кефнень видеса покоди авауреть васень шачф цёранц самс, и кудонь жувататнень эзда сембе васень шачф атялефксне.6Сембе Египетонь масторть келес кеподи пяк оцю авардема, кодама вестевок ашель и оду афи ули.7А Израилень ломаньтналть и синь жуватаснон лангс пинеське аф увазеви". Тянь вельде тинь содасасть: Азорсь тии явфтома Египетонь ломаттнень и Израиленнетнень ёткса.8Сембе тонь покодихне сайхть тейне, сюконяйхть инголен и мярьгихть: "Листь тяста, тон и сембе ломаньтналце, конань тон вятьсак". Тяда меле мон лисян». И Моисей кяжиста тусь фараонть эзда.

9Азорсь мярьгсь Моисеенди: «Фараонць аф кулхцонтядязь тинь, тя эряви вага мезенди: сяда лама дивань тевдон улель тиф Египетонь масторса».10Моисей и Аарон тиезь сембе ня дивань тефнень фараонть инголе. Но Азорсь кевонзафтозе фараонть седиенц, и сон ашезе нолда Израилень ломаньтналть эсь масторстонза.

 Глава 11