Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета про «Ташта Соткс»Содержаниесловари1-я книга Моисеева. Бытие2-я книга Моисеева. ИсходПритчиИонаПритчиИона

Книги Нового Завета Выбрать книгупро «Од Соткс»СодержаниесловариОт МатфеяОт МаркаОт ЛукиОт ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудаК Римлянам1-е Коринфянам2-е КоринфянамК ГалатамК ЕфесянамК ФилиппийцамК Колоссянам1-е Фессалоникийцам2-е Фессалоникийцам1-е Тимофею2-е ТимофеюК ТитуК ФилимонуК ЕвреямОткровение

МОИСЕЕНЬ ОМБОЦЕ КНИГАЦ

ЛИСЕМАСЬ

Глава 24

Сотксонь ладяма Синай пандть лангса

1Азорсь мярьгсь Моисеенди: «Куцть Азорти, тон и Аарон, Надав, Авиуд и сизьгемонь Израилень оцюнятне, и сюконяда Тейнза ичкозде.2Катк аньцек Моисей нежеди Азорть малас, а лиятне тязаст малаткшне, и ломаньтналсь катк аф куценди мархтост пандть лангс».

3Моисей мрдась и азондозень ломаньтналти Азорть сембе валонзон и сембе Сонь кошардоманзон. Эста сембе ломаньтналсь фкя вайгяльса мярьгсь каршезонза: «Семботь, мезе Азорсь мярьгсь, минь тисаськ».

4Меле Моисей сёрмадозень Азорть сембе валонзон. Омбоце шиня сон стясь варьхмодемшовор, тись пандала алтарь и путсь кемгафтува кев Израилень кемгафтува юропнень лувксснон коряс.5Сон кучсь Израилень ломаньтналста од цёрат кандомс Азорти марнек плхтамань озксказнет и печкомс Тейнза букат сетьмошинь озксказненди.6Моисей сявозе озксказненди кантф жувататнень верснон пяленц и каязе сонь кядьгова, а лятф верса валондозе алтарть.7Меле сон сявозе сотксонь книгать и кайгиста лувозе сонь ломаньтналти. Синь каршезонза мярьгсть: «Семботь, мезе Азорсь мярьгсь, тисаськ и ульхтяма кулхцондыкс».8Моисей сявсь вер и мархтонза валозе ломаньтналть, мярьгомок: «Тя сотксонь вер, ся сотксть, конань Азорсь тиезе тинь мархтонт сембе ня валхнень коряс».

9Меле Моисей куцсь пандть лангс Аарононь, Надавонь, Авиудонь и Израилень сизьгемонь оцюнятнень мархта,10и синь няезь Израилень Шкайть. Сонь пильгалонза ульсь бта сапфирста тиф киякс, кона валдоль, кода сонць менельсь.11Азорсь ашезень тока ня Израилень вятихнень. Синь няезь Шкайть, и синь ярхцасть и симсть.

Моисей васеди Азорть мархта Синай пандть лангса

12Азорсь мярьгсь Моисеенди: «Куцть Тейне пандть лангс и ащек тоса. Мон максан тейть кевонь седяфт, кой и кошаркст, конатнень Мон сёрмадыне ломаньтналть тонафтоманкса».13Моисей и сонь покодиец Иисус*а тусть Азорть пандонцты,14а ломаньтналонь оцюнятненди мярьгсь: «Ащеда тязк, мзярс минь аф мрдатама тейнть. Вага, мархтонт лядыхть Аарон и Хур. Улендяряй кинь кодама пялькстомац, катк сай тейст».15Мзярда Моисей куцсь пандть лангс, пандть вельхтязе ковол,16и Азорть иневалдоц валгсь Синай пандть лангс. Кота шит пандсь ульсь ковол потмоса, а сисемце шиня Азорсь пшкядсь коволста Моисеенди.17Азорть иневалдоц, кона ульсь пандть пряса, няевсь Израилень ломаньтналти, кода сембонь плхтай тол.18Моисей шятясь коволть кучкас и кеподсь пандть пряс. Сон ащесь панда пряса нильгемонь ши и нильгемонь ве.

*а 24:13 Тяса корхтави Иисус Навинонь колга.

 Глава 24