Выбрать язык
Книги Ветхого Завета
Книги Нового Завета
с русским текстом1Веселеил, Аголиав и сембе маштыкядь ломаттне, конатненди Азорсь макссь смузьши и шарьхкодема, кода тиемс сембе тефнень, конат эрявихть иняру кошть тиеманцты-стяфтоманцты, ушедсть покодема Азорть мярьгоманц коряс.2Моисей тердезе Веселеилонь, Аголиавонь и сембе маштыкядь ломаттнень, конатненди Азорсь макссь смузьши и кинь седиец тердсь покодемс тя тевса.3Синь сявозь Моисеень кядьста сембе казнетнень, конатнень Израилень ломаттне кандозь иняру кошть тиеманцты. А ломаттне сембе сяка эрь шобдаваня мяльвельде каннесть Моисеенди казнет.4Эста сембе маштыкядь ломаттне, конат покодсть эрь кодама тевса иняру кошть тиемаса, кадозь тевснон, састь Моисеенди5и мярьгсть тейнза: «Ломаттне эрявикста лама каннихть ся тефненди, конатнень Азорсь мярьгсь тиемс».6И Моисей макссь кошаркс – пачфтемс ломаньтналть лоткама вастонц келес: аф алятне, аф аватне оду тязаст канне казнет иняру кошти. И ломаньтналсь лоткась каннемда,7сяс мес кочкафта ульсь сатомшка сембе тефнень тиемаснонды, и мянь лядсь.
8Сембе маштыкядь покодихне тиезь кошть кемонь котфста, конат кодафтольхть пяльтьф иляназонь сюреста, валда-сенем, якстерь и шобда-якстерь понань сюреста, и лангсост маштозь сёрмадсть херувипт-ангелхт.9Эрь котфть кувалмоц ульсь комсь кафкса кенерь, и эрть келец – ниле кенерьхть; сембе котфне ульсть фкя кувалмоса и фкя келеса.10Веселеил и маштыкядь ломаттне стазь вете котфнень марс, кувалмос, лия вете котфненьге стазь марс, кувалмос.11Синь тисть килькшт валда-сенем сюреста васенце оцю котфть пезонза, ся вастса, коса ня кафта котфне пункставихть фкя-фкянь мархта. Тяконь тиезь омбоце оцю котфть пезонза, ся вастса, коса ня кафта котфне пункставихть фкя-фкянь мархта.12Синь тисть ведьгемонь килькш васень оцю котфть пезонза и ведьгемонь килькш – омбоце оцю котфть пезонза, ся вастса, коса сон пункстави васенцеть мархта. Килькшнень тиезь фкя-фкянь каршес.13Тяфта жа тисть ведьгемонь зрнянь кячказ, и кячкаснень вельде пункстазь котфнень фкя-фкянь мархта, и котфне арасть фкя марстонь вельхтердакс – иняру кошекс.
14Меле иняру кошть вельхтямс синь кодасть сявань понаста кефкие котф.15Котфть кувалмоц ульсь колмогемонь кенерь, и келец – ниле кенерьхть. Сембе кефкие котфне ульсть фкя кувалмоса и фкя келеса.16Вете котфнень стазь марс, кувалмос, кота котфненьге стазь марс, кувалмос.17Васенце оцю котфть пезонза тисть ведьгемонь килькш, конатнень вельде тя котфсь пунксневсь омбоцеть мархта; и омбоце оцю котфть пезонза тисть ведьгемонь килькш, ня кафта котфнень фкя-фкянь мархта пункстаманкса.18И тисть серень ведьгемонь кячказ, конатнень вельде кафцьке котфне тиевихть фкя вельхтердакс.19Вярде иняру кошть вельхтямс синь тисть вельхкс боранонь кеттнень эзда, конат архтфт якстерьста, и тянь ланга – нинге фкя вельхкс сенем кеттнень эзда.
20Синь тисть иняру кошти акация шуфтста стена-седяфт, и путозь синь стяда:21эрь седяфть кувалмоц ульсь кемонь кенерьхть, и келец фкя пяле мархта кенерь;22эрь седяфть ульсть кафта пяльнянза, конат тифтольхть фкя-фкянь каршес. Тяфтамкс синь тиезь сембе седяфнень иняру кошти.23Иняру кошть лямбе ширдень пяльксонцты синь тисть комсь седяф,24и ня комсь седяфнень алу тисть нильгемонь сиянь алкс: кафтонь алкс фкя седяфть алу, сонь кафта пяльнянзонды, и кафтонь алкс омбоце седяфть алу, сонь кафта пяльнянзонды.25Иняру кошть омба пяльксонцтывок, кона кельме ширеса, синь тисть комсь седяф,26и алост нильгемонь сиянь алкс: кафтонь алкс фкя седяфть алу, и кафтонь алкс омбоце седяфть алу.27А иняру кошть фталдонь пяльксонцты, кона шинь валгома ширеса, тисть кота седяфт,28и фталдонь пяльксти тисть кафта ужень кирди седяфт.29Ужень кирди седяфне кемокстафтольхть эсь ётковаст алга, кафтонь-кафтонь, и вярьге синь сотфтольхть-кемокстафтольхть фкя сурксса. Тяфта тифоль кафцьке ужень седяфнень мархта.30Марнек ульсь кафкса седяфт и кемготува сиянь алкс: кафтонь алкс эрь седяфть алу.
31Синь тисть акация шуфтста олкт: вете олкт иняру кошть васень ширдень седяфонзонды,32и вете олкт – иняру кошть омба ширдень седяфонзонды, и вете олкт – иняру кошть фталдонь седяфонзонды.33Синь тисть кучкастонь олга, кона ётнесь седяфнень кучкава, фкя стенать песта ушедозь омбоцети молемс.34Синь вельхтязь седяфнень зрняса и тисть зрнянь суркст, конатнень потмос кармайхть тонгондовома олкне. Тяфта жа олкненьге синь вельхтязь зрняса.
35Синь тисть котфонь перяфкс валда-сенем, якстерь и шобда-якстерь понань сюреста и шуваняста пяльтьф иляназонь сюреста. Лангозонза маштозь сёрмадсть херувипт-ангелхт.36Котфонь перяфксти тисть акация шуфтста ниле орват и вельхтязь синь зрняса. Лангсост тисть зрнянь кячкаст, а алост тисть-валсть ниле сиянь алкст.37Иняру кошть сувама вастонцты синь тисть котфонь перяфкс валда-сенем, якстерь и шобда-якстерь понань сюреста и пяльтьф иляназонь сюреста, сёрма мархта.38Котфонь перяфксть повфтамс синь тисть кячказ мархта вете орват. Орва прятнень и орва сотксснень синь вельхтязь зрняса, и алост тисть-валсть серень вете алкст.
Глава 36