Выбрать язык
Книги Ветхого Завета
Книги Нового Завета
без русского текстаМОИСЕЙЛЭН КУИНЕТӤ КНИГАЕЗ. ЛЕВИТ | ТРЕТЬЯ КНИГА МОИСЕЕВА. ЛЕВИТ |
10-тӥ ЛЮКЕТ | Глава 10 |
| 1Ааронлэн Надавен Авиуд пиосыз кыксы ик асьсэлэсь кадилозэс басьтӥзы, отчы тыл понӥзы, ческыт зын поттӥсь арбериос понӥзы но Кузё-Инмар азе ярантэм, Кузё-Инмарлэсь соосты вайыны косымтэзэ тылэз вайизы; | 1Надав и Авиуд, сыны Аароновы, взяли каждый свою кадильницу, и положили в них огня, и вложили в него курений, и принесли пред Господа огонь чуждый, которого Он не велел им; |
| 2соку Кузё-Инмар дорысь тыл потыса соосты сутӥз, Кузё-Инмарлэн син азяз соос кулӥзы. | 2и вышел огонь от Господа и сжег их, и умерли они пред лицем Господним. |
| 3Соку Моисей Ааронлы шуиз: «Тани Кузё-Инмар мар сярысь вераз, тазьы шуыкуз: ”Мынам матам лыктӥсьёс бордын Аслэсьтым дун-сьӧлыктэм луэмме возьмато, вань калык азьын данэ пото”». Аарон чус улӥз. | 3И сказал Моисей Аарону: вот о чем говорил Господь, когда сказал: в приближающихся ко Мне освящусь и пред всем народом прославлюсь. Аарон молчал. |
| 4Ааронлэн атаезлэн Узиил вынызлэсь Мисаилэн Елцафан пиоссэ Моисей ӧтьытӥз но соослы шуиз: «Мынэ, вӧсяськон интыысь станлэн сьӧраз ӵыжы-выжыостылэсь шӧйёссэс поттэ». | 4И позвал Моисей Мисаила и Елцафана, сынов Узиила, дяди Ааронова, и сказал им: пойдите, вынесите братьев ваших из святилища за стан. |
| 5Лыктӥзы но, дэременызы шобыртыса, соосты станлэн сьӧраз поттӥзы, Моисейлэн косэмезъя лэсьтӥзы. | 5И пошли и вынесли их в хитонах их за стан, как сказал Моисей. |
| 6Нош Ааронлы но солэн Елеазар, Ифамар пиосызлы Моисей шуиз: «Медад кулэ, вань калык вылэ вожпотон медад вае шуыса, йырдэс гольык эн кельтэ, дӥськуттэс эн кесялэ; нош тӥляд агай-вынъёсты, быдэс израиль калык, Кузё-Инмарлэн тылын сутэмъёсыз понна бӧрдыны быгатӥськоды; | 6Аарону же и Елеазару и Ифамару, сынам его, Моисей сказал: голов ваших не обнажайте и одежд ваших не раздирайте, чтобы вам не умереть и не навести гнева на все общество; но братья ваши, весь дом Израилев, могут плакать о сожженных, которых сожег Господь, |
| 7медад кулэ шуыса, вӧсяськон скиниялэн ӧстӥз эн потэ, уго тӥляд вылады Кузё-Инмарлэн зырӟем вӧйыз». Моисейлэн верам кылызъя лэсьтӥзы. | 7и из дверей скинии собрания не выходите, чтобы не умереть вам, ибо на вас елей помазания Господня. И сделали по слову Моисея. |
| 8Кузё-Инмар Ааронлы тазьы вераз, тазьы шуиз: | 8И сказал Господь Аарону, говоря: |
| 9«Тон но, тынад пиосыд но медад кулэ шуыса, вӧсяськон скинияе пырыкуды [яке курбон сётон ӝӧк доры лыктыкуды], вина но, кудӟытӥсь юонъёсты огзэ но эн юэ; та тӥляд выжыостылы пумтэм вапумъёс ӵожелы сётэм пуктон-косон, | 9вина и крепких напитков не пей ты и сыны твои с тобою, когда входите в скинию собрания, чтобы не умереть. Это вечное постановление в роды ваши, |
| 10дун-чылкытэз дун-чылкыт луисьтэмлэсь, кырсез чылкытлэсь висъяны мед быгатоды, | 10чтобы вы могли отличать священное от несвященного и нечистое от чистого, |
| 11израиль пиосты Кузё-Инмарлэн Моисей пыр соослы верам вань пуктон-косонъёсызлы дышетыны мед быгатоды». | 11и научать сынов Израилевых всем уставам, которые изрек им Господь чрез Моисея. |
| 12Соку Моисей Ааронлы, Елеазарлы, Ифамарлы – Ааронлэн улэп кылем пиосызлы – шуиз: «Кузё-Инмарлы курбонлы ваем салам нянь пӧлысь кылем люкетсэ басьтэ но та юмалын пыжемез курбон сётон ӝӧк дорын сие, уго та быдӟым святыня; | 12И сказал Моисей Аарону и Елеазару и Ифамару, оставшимся сынам его: возьмите приношение хлебное, оставшееся от жертв Господних, и ешьте его пресное у жертвенника, ибо это великая святыня; |
| 13сое святой интыын сие, уго Кузё-Инмарлы сётэм курбонъёс пӧлысь та тынад люкетэд, тынад пиосыдлэн но люкетсы: тазьы [Кузё-Инмар дорысь] мыным лэсьтыны косон сётэмын. | 13и ешьте его на святом месте, ибо это участок твой и участок сынов твоих из жертв Господних: так мне повелено от Господа; |
| 14Курбон сӥльлэсь сэзъяса вылэ ӝутэм люкетсэ – мӧлязэ, пельпумзэ – чылкыт интыын сие, тон ачид но, пиосыд но, нылъёсыд но ваньды огазьын сие, уго та израиль пиослэн тупаса улонлы сӥзьыса сётэм курбонзы пӧлысь тыныд но, пиосыдлы но люкетлы сётэмын. | 14и грудь потрясания и плечо возношения ешьте на чистом месте, ты и сыновья твои и дочери твои с тобою, ибо это дано в участок тебе и в участок сынам твоим из мирных жертв сынов Израилевых; |
| 15Кӧй курбонъёсын ӵош соос пудолэсь мӧлязэ, пельпумзэ, Кузё-Инмар азьын сэзъяса, вылэ ӝутыны кулэ, пумтэм вапумъёслы та тыныд но, пиосыдлы но, [нылъёсыдлы но] тонэн огазьын люкетлы мед луоз, кызьы Кузё-Инмар [Моисей пыр] косон сётӥз». | 15плечо возношения и грудь потрясания должны они приносить с жертвами тука, потрясая пред лицем Господним, и да будет это вечным участком тебе и сыновьям твоим с тобою, как повелел Господь. |
| 16Сьӧлык понна курбон сётыны ваем кечтакаез Моисей утчаз, но тани, со сутэмын ни. Соку [Моисей] Ааронлэн Елеазарен Ифамар улэп кылем пиосыз вылэ вожзэ поттӥз, со шуиз: | 16И козла жертвы за грех искал Моисей, и вот, он сожжен. И разгневался на Елеазара и Ифамара, оставшихся сынов Аароновых, и сказал: |
| 17«Малы тӥ сьӧлык понна курбон сётэм пудо сӥлез святой интыын ӧд сие? Уго со быдӟым святыня, тӥледлы со сётэмын калык вылысь сьӧлыкъёсты быдтон понна, Кузё-Инмар азьын соосты чылкытатон понна; | 17почему вы не ели жертвы за грех на святом месте? ибо она святыня великая, и она дана вам, чтобы снимать грехи с общества и очищать их пред Господом; |
| 18тани, солэн вирыз вӧсяськон скиния пушкы пыртэмын ӧвӧл, нош тӥ сое святой интыын сиыны кулэ вал, кызьы мыным косэмын вал». | 18вот, кровь ее не внесена внутрь святилища, а вы должны были есть ее на святом месте, как повелено мне. |
| 19Аарон Моисейлы шуиз: «Тани, туннэ соос Кузё-Инмар азьын сьӧлык понна курбонзэс вайизы, тылын сутӥськись курбонзэс вайизы, озьы ке но та учыр монэн луиз; туннэ мон сьӧлык понна курбон сётэм пудолэсь сӥльзэ сии ке, со Кузё-Инмарлэн син азяз ярамон луоз-а?» | 19Аарон сказал Моисею: вот, сегодня принесли они жертву свою за грех и всесожжение свое пред Господом, и это случилось со мною; если я сегодня съем жертву за грех, будет ли это угодно Господу? |
| 20Тае Моисей кылӥз, кабыл басьтӥз. | 20И услышал Моисей и одобрил. |
Глава 10