Выбрать язык
Книги Ветхого Завета
Книги Нового Завета
без русского текстаМОИСЕЙЛЭН КУИНЕТӤ КНИГАЕЗ. ЛЕВИТ | ТРЕТЬЯ КНИГА МОИСЕЕВА. ЛЕВИТ |
16-тӥ ЛЮКЕТ | Глава 16 |
| 1Ааронлэн кык пиосыз Кузё-Инмар азе [мурт тылын] лыктэм понна кулэмзы бере Кузё-Инмар Моисейлы вераз, | 1И говорил Господь Моисею по смерти двух сынов Аароновых, когда они, приступив пред лице Господне, умерли, |
| 2соку Кузё-Инмар Моисейлы шуиз: «Аарон агаедлы вера: со котькыӵе но дыре вӧсяськон интылэн катанчи сьӧраз, [сӥзён-косонэн] ковчеглэн шобрет [сьӧлыкъёслэсь чылкытатон-сузян интылэн] азяз, медаз лыкты, кулоно медаз луы шуыса, уго пилем пушкысен шобрет вылын Мон возьматскыло. | 2и сказал Господь Моисею: скажи Аарону, брату твоему, чтоб он не во всякое время входил во святилище за завесу пред крышку, что на ковчеге, дабы ему не умереть, ибо над крышкою Я буду являться в облаке. |
| 3Тани маръёсын Аарон вӧсяськон инты пушкы пырыны кулэ: сьӧлык понна курбон сётыны ошпи вайыны кулэ, тылын сутӥськись курбон сётыны така вайыны кулэ; | 3Вот с чем должен входить Аарон во святилище: с тельцом в жертву за грех и с овном во всесожжение; |
| 4вылаз етӥнлэсь куэм дун-чылкыт дэрем мед дӥсялоз, улдэремез но етӥнлэсь куэмын мед луоз, етӥн шортлэсь куэм кускерттонэн куссэ мед думоз, йыраз етӥн дэралэсь вурем кидар изьы мед изьыялоз – та вӧсяськон дӥськут; мугорзэ вуын мед миськоз, собере мед дӥсяськоз; | 4священный льняной хитон должен надевать он, нижнее платье льняное да будет на теле его, и льняным поясом пусть опоясывается, и льняной кидар надевает: это священные одежды; и пусть омывает он тело свое водою и надевает их; |
| 5огазе люкаськем израиль пиослэсь ваем [кеч уллёысь] кык кечтакаоссэс сьӧлык понна курбон сётыны мед кутоз, одӥгзэ таказэс тылын сутӥськись курбон сётыны мед кутоз. | 5и от общества сынов Израилевых пусть возьмет двух козлов в жертву за грех и одного овна во всесожжение. |
| 6Аарон ачиз понна, сьӧлык понна ошпиез курбон сётоз, озьы ассэ но, семьязэ но чылкытатоз-сузялоз. | 6И принесет Аарон тельца в жертву за грех за себя и очистит себя и дом свой. |
| 7Кык кечтакаосты вӧсяськон скинияе пырон доры, Кузё-Инмар азе, вайыса султытоз; | 7И возьмет двух козлов и поставит их пред лицем Господним у входа скинии собрания; |
| 8кыкез ик кеч пумысен Аарон пус чӧлтоз: одӥгез пус Кузё-Инмар понна, нош мукетыз пус – кыре лэзён понна; | 8и бросит Аарон об обоих козлах жребии: один жребий для Господа, а другой жребий для отпущения; |
| 9Кузё-Инмар понна пус усем кечтакаез Аарон ваёз но сьӧлык понна курбонлы сётоз, | 9и приведет Аарон козла, на которого вышел жребий для Господа, и принесет его в жертву за грех, |
| 10нош кыре лэзён понна пус усем кечтакаез улэпкын Кузё-Инмар азе со султытоз калыклы чылкытатон-сузян сямез ортчытон понна, собере сое луоё кыр дуннее келяса лэзьыны мед луоз шуыса [пыраны-потаны луонтэм дуннее со ас вылаз мед нуоз калыклэсь законлы пумит улэмъёссэ]. | 10а козла, на которого вышел жребий для отпущения, поставит живого пред Господом, чтобы совершить над ним очищение и отослать его в пустыню для отпущения. |
| 11Аарон ошпиез ачиз понна, сьӧлык понна курбон сётыны ваёз, ассэ но, семьязэ но чылкытатоз-сузялоз; ачиз понна, сьӧлык понна ошпиез вандоз; | 11И приведет Аарон тельца в жертву за грех за себя, и очистит себя и дом свой, и заколет тельца в жертву за грех за себя; |
| 12Кузё-Инмар азьын сылӥсь курбон сётон интыысь кадило тыраз ӝуась эгыръёсты тыроз, кык кырым тыр векчи пыргытэм ческыт зын поттӥсь арбериез поноз но катанчи сьӧры кадилозэ нуоз; | 12и возьмет горящих угольев полную кадильницу с жертвенника, который пред лицем Господним, и благовонного мелко истолченного курения полные горсти, и внесет за завесу; |
| 13ческыт зын поттӥсь арбериез Кузё-Инмарлэн азяз тыл вылэ поноз, ӵындытонлэн пилемез сӥзён-косонэн ковчеглэсь шобретсэ шобыртоз, со медаз кулы шуыса; | 13и положит курение на огонь пред лицем Господним, и облако курения покроет крышку, которая над ковчегом откровения, дабы ему не умереть; |
| 14ошпилэсь вирзэ басьтоз но чиньыеныз шобретлэн азьпалтӥз но, шобрет азьтӥ но пазьгоз, сизьым пол чиньыеныз вир пазьгоз. | 14и возьмет крови тельца и покропит перстом своим на крышку спереди и пред крышкою, семь раз покропит кровью с перста своего. |
| 15Калык понна, сьӧлык понна кечтакаез вандоз, солэсь вирзэ катанчи сьӧры пыртоз, ошпилэн вирыныз кызьы но мар кариз, талэн вирыныз но озьы ик кароз, шобрет вылэ, шобрет азе вир пазьгоз, – | 15И заколет козла в жертву за грех за народ, и внесет кровь его за завесу, и сделает с кровью его то же, что делал с кровью тельца и покропит ею на крышку и пред крышкою, -- |
| 16тазьы вӧсяськон интыез израиль пиослэн кырсьсылэсь, йыружъёссылэсь, вань сьӧлыкъёссылэсь сузялоз-чылкытатоз. Тазьы со лэсьтыны кулэ вӧсяськон скинияен но, кудӥз соос дорын, соослэн кырсь макеоссы пӧлын сылэ. | 16и очистит святилище от нечистот сынов Израилевых и от преступлений их, во всех грехах их. Так должен поступить он и со скиниею собрания, находящеюся у них, среди нечистот их. |
| 17Аарон вӧсяськон интыез чылкытатыны-сузяны пырон дыръя, со отысь потытозь, вӧсяськон скиния пушкын одӥг адями но луыны кулэ ӧвӧл. Тани тазьы со ассэ но, ас семьяоссэ но, вань израиль калыкез но чылкытатоз-сузялоз. | 17Ни один человек не должен быть в скинии собрания, когда входит он для очищения святилища, до самого выхода его. И так очистит он себя, дом свой и все общество Израилево. |
| 18Кузё-Инмар азьын сылӥсь курбон сётон ӝӧк доры потоз но сое чылкытатоз-сузялоз: ошпилэсь вирзэ, кечтакалэсь вирзэ басьтоз но курбон сётон ӝӧклэн сюръёсыз вылэ котыр ласянь со вирез поноз, | 18И выйдет он к жертвеннику, который пред лицем Господним, и очистит его, и возьмет крови тельца и крови козла, и возложит на роги жертвенника со всех сторон, |
| 19курбон сётон ӝӧк вылэ, чиньызэ вире веттыса, сизьым пол пазьгоз, озьы сое израиль пиослэн кырсьсылэсь чылкытатоз-сузялоз, дун-чылкыт кароз. | 19и покропит на него кровью с перста своего семь раз, и очистит его, и освятит его от нечистот сынов Израилевых. |
| 20Вӧсяськон интыез, вӧсяськон скинияез, курбон сётон ӝӧкез чылкытатэм-сузям бере, [священникъёсты но чылкытатэм-сузям бере] со улэп кечтакаез ваёз, | 20И совершив очищение святилища, скинии собрания и жертвенника, приведет он живого козла, |
| 21соку Аарон кык кизэ ик улэп кечтакалэн йыр вылаз поноз но со вылын израиль пиослэсь вань законлы пумит улэмъёссэс, вань йыружъёссэс, вань сьӧлыкъёссэс ватытэк шара вералоз, озьы соосты кечтакалэн йыр вылаз поноз но юри быръем муртэн сое луоё кыр дуннее келялоз: | 21и возложит Аарон обе руки свои на голову живого козла, и исповедает над ним все беззакония сынов Израилевых и все преступления их и все грехи их, и возложит их на голову козла, и отошлет с нарочным человеком в пустыню: |
| 22та кечтака ас вылаз соослэсь законлы пумит вань улэмъёссэс пырыны-потыны луонтэм музъеме нуоз, собере кечтакаез луоё кыр дуннее лэзёз. | 22и понесет козел на себе все беззакония их в землю непроходимую, и пустит он козла в пустыню. |
| 23Аарон вӧсяськон скинияе пыроз, вӧсяськон интые пырыку дӥсям етӥн дӥськутсэ вылысьтыз кылёз но соосты отчы кельтоз, | 23И войдет Аарон в скинию собрания, и снимет льняные одежды, которые надевал, входя во святилище, и оставит их там, |
| 24святой интыын мугорзэ вуэн миськоз, дӥськутсэ дӥсялоз, потоз но ачиз понна тылын сутӥськись курбон сётоз, калык понна но тылын сутӥськись курбон сётоз, ассэ, [семьяоссэ но,] калыкез, [священникъёсты но] чылкытатоз-сузялоз; | 24и омоет тело свое водою на святом месте, и наденет одежды свои, и выйдет и совершит всесожжение за себя и всесожжение за народ, и очистит себя и народ; |
| 25нош сьӧлык понна сётӥськись пудолэсь кӧйзэ курбон сётон интыын сутоз. | 25а тук жертвы за грех воскурит на жертвеннике. |
| 26Кин кечтакаез кыр дуннее кельтыны нуллӥз, дӥськутсэ миськыны кулэ, мугорзэ но вуэн гылтыны кулэ, собере ини станэ пырыны быгатоз. | 26И тот, кто отводил козла для отпущения, должен вымыть одежды свои, омыть тело свое водою, и потом может войти в стан. |
| 27Нош сьӧлык понна курбон сётэм ошез, кечтакаез, кудъёсызлэн вирзы вӧсяськон интыез чылкытатыны-сузяны пыртэмын вал, станлэн сьӧраз мед поттозы но кузэс но, сӥльзэс но, сӥтьсюлъёссэс но тыл вылын мед сутозы; | 27А тельца за грех и козла за грех, которых кровь внесена была для очищения святилища, пусть вынесут вон из стана и сожгут на огне кожи их и мясо их и нечистоту их; |
| 28таосты сутӥсь мурт дӥськутсэ миськыны кулэ, мугорзэ вуэн гылтыны кулэ, собере стан пушкы пырыны быгатоз ни. | 28кто сожжет их, тот должен вымыть одежды свои и омыть тело свое водою, и после того может войти в стан. |
| 29Тӥ понна та пумтэм вапумъёс ӵожелы сётӥськем пуктон-косон мед луоз: сизьыметӥ толэзе, толэзьлэн дасэтӥ [нуналаз], асьтэдыз зӥбыт-востэм возе, номыр но эн ужалэ, та музъемын пырак улӥсь адями но, тӥ пӧлы мукет азьысь улыны лыктэм мурт но, | 29И да будет сие для вас вечным постановлением: в седьмой месяц, в десятый день месяца смиряйте души ваши и никакого дела не делайте, ни туземец, ни пришлец, поселившийся между вами, |
| 30уго та нуналэ тӥледыз вань сьӧлыкъёстылэсь чылкытато-сузяло, Кузё-Инмар азьын чылкытэсь мед луоды шуыса; | 30ибо в сей день очищают вас, чтобы сделать вас чистыми от всех грехов ваших, чтобы вы были чисты пред лицем Господним; |
| 31та тӥ понна суббота, шутэтскон нунал, мед луоз, асьтэдыз зӥбыт-востэм возе: та пумтэм вапумъёс ӵожелы сётэм пуктон-косон. | 31это суббота покоя для вас, смиряйте души ваши: это постановление вечное. |
| 32Чылкытатон-сузян сямез ортчытыны кулэ, вӧйын зырӟыса, атаез интые священниклэсь ужзэ нуыны пуктэм священник: етӥнлэсь куэм дӥськутсэ, вӧсяськон дӥськутэз, дӥсялоз, | 32Очищать же должен священник, который помазан и который посвящен, чтобы священнодействовать ему вместо отца своего: и наденет он льняные одежды, одежды священные, |
| 33святойлэсь но святой интыез, вӧсяськон скинияез, курбон сётон ӝӧкез чылкытатоз-сузялоз, священникъёсты, вань израиль калыкез чылкытатоз-сузялоз. | 33и очистит Святое-святых и скинию собрания, и жертвенник очистит, и священников и весь народ общества очистит. |
| 34Тӥ понна та пумтэм вапумъёс ӵожелы пуктон-косон луоз: арлы быдэ одӥг пол израиль калыкез вань сьӧлыкъёсызлэсь чылкытатоно-сузяно». Кызьы Кузё-Инмар Моисейлы косон сётӥз, со озьы ик лэсьтӥз. | 34И да будет сие для вас вечным постановлением: очищать сынов Израилевых от всех грехов их однажды в году. И сделал он так, как повелел Господь Моисею. |
Глава 16