Выбрать язык
Книги Ветхого Завета
Книги Нового Завета
без русского текстаМОИСЕЙЛЭН КУИНЕТӤ КНИГАЕЗ. ЛЕВИТ | ТРЕТЬЯ КНИГА МОИСЕЕВА. ЛЕВИТ |
19-тӥ ЛЮКЕТ | Глава 19 |
| 1Кузё-Инмар Моисейлы тазьы вераз, тазьы шуиз: | 1И сказал Господь Моисею, говоря: |
| 2«Вань израиль калыклы тазьы ялыса шу: ”Дун-чылкытэсь луэлэ, уго Мон Кузё-Инмар, тӥляд Инмарды, дун-чылкыт. | 2объяви всему обществу сынов Израилевых и скажи им: святы будьте, ибо свят Я Господь, Бог ваш. |
| 3Ваньды ас анайдылэсь, ас атайдылэсь кышкалэ, Мынэсьтым субботаосме утьыса улэ. Мон Кузё-Инмар, тӥляд Инмарды. | 3Бойтесь каждый матери своей и отца своего и субботы Мои храните. Я Господь, Бог ваш. |
| 4Сульдэръёслы-идолъёслы эн йыбыртъялэ, ӵыжатыса-дурыса асьтэлы инмаръёс эн лэсьтэ. Мон Кузё-Инмар, тӥляд Инмарды. | 4Не обращайтесь к идолам и богов литых не делайте себе. Я Господь, Бог ваш. |
| 5Кузё-Инмарлы тупаса улонлы сӥзем курбон сётӥськоды ке, со курбонэз Инмар дорысь асьтэлы ӟеч эрик басьтон понна сётэ: | 5Когда будете приносить Господу жертву мирную, то приносите ее, чтобы приобрести себе благоволение: |
| 6курбон сётон нуналады, ӵуказеяз но сое сие, нош куинетӥ нуналлы кылем курбон сӥльдэс тылын сутэ; | 6в день жертвоприношения вашего и на другой день должно есть ее, а оставшееся к третьему дню должно сжечь на огне; |
| 7куинетӥ нуналаз но сое сииды на ке, со юрӟым уж, со Инмарлы ярамон уз луы; | 7если же кто станет есть ее на третий день, это гнусно, это не будет благоприятно; |
| 8кин со сӥлез сииз, со мурт ас вылаз сьӧлыкез нуоз, уго Кузё-Инмарлэсь святынязэ саптаз, со адями ас калыкез пӧлысь быдтэмын луоз. | 8кто станет есть ее, тот понесет на себе грех, ибо он осквернил святыню Господню, и истребится душа та из народа своего. |
| 9Ас музъем вылысьтыды юдэс аракуды, анадылэн пумозяз ик юдэс эн аралэ, арам бервылад усьылэм шепъёсты эн бича, | 9Когда будете жать жатву на земле вашей, не дожинай до края поля твоего, и оставшегося от жатвы твоей не подбирай, |
| 10виноград пурыостэ но одӥгтэм эн бича, виям виноград мульыостэ но эн бича – соосты куанер муртлы, сьӧрлось лыктэм муртлы кельты. Мон Кузё-Инмар, тӥляд Инмарды. | 10и виноградника твоего не обирай дочиста, и попадавших ягод в винограднике не подбирай; оставь это бедному и пришельцу. Я Господь, Бог ваш. |
| 11Эн лушкаське, эн ӧрекчаське, огдэс огды эн пӧялэ. | 11Не крадите, не лгите и не обманывайте друг друга. |
| 12Ӧрекчаськыса Мынам нимыным кыл эн сётэ, аслад Инмаредлэсь нимзэ эн сантэма. Мон Кузё-Инмар, [тӥляд Инмарды]. | 12Не клянитесь именем Моим во лжи, и не бесчести имени Бога твоего. Я Господь. |
| 13Матысьтэ эн ултӥя, солэсь ваньбурзэ эн тала. Медъям муртэдлы дун тырондэ вуоно ӵукнаозьлы эн кельты. | 13Не обижай ближнего твоего и не грабительствуй. Плата наемнику не должна оставаться у тебя до утра. |
| 14Пельтэм муртэ лек кылын эн куареты, синтэм мурт мед канжаськоз шуыса, солэн азяз номыр но эн поны – Инмаредлэсь [Кузё-Инмарлэсь] кышкаса ул. Мон Кузё-Инмар, [тӥляд Инмарды]. | 14Не злословь глухого и пред слепым не клади ничего, чтобы преткнуться ему; бойся Бога твоего. Я Господь. |
| 15Судын ужъёсты сэрттыкуды-пертчыкуды, шонертэм эн лэсьтэ; куанер адями азьын эн чеберъяськы, сӥё-дано муртлы кельшыны эн тыршы; матысьтэ судить кариськод ке, шонер судить кар. | 15Не делайте неправды на суде; не будь лицеприятен к нищему и не угождай лицу великого; по правде суди ближнего твоего. |
| 16Ас калыкед пӧлтӥ кыл нуллыса эн ветлы, матыседлэсь улонзэ быдтыны эн малпа. Мон Кузё-Инмар, [тӥляд Инмарды]. | 16Не ходи переносчиком в народе твоем и не восставай на жизнь ближнего твоего. Я Господь. |
| 17Сюлмыныд агай-выныныд тушмонъяськыса эн улы; матысь муртэдлэсь шексэ солэн азяз ик вера, соку со понна сьӧлык уд басьты. | 17Не враждуй на брата твоего в сердце твоем; обличи ближнего твоего, и не понесешь за него греха. |
| 18Ас калыкед пӧлысь нокин вылэ но йыркуръяськыса эн улы, уродлы пумит уродэн пунэмзэ эн берыкты; астэ кызьы яратӥськод, матысьтэ но озьы ик яраты. Мон Кузё-Инмар, [тӥляд Инмарды]. | 18Не мсти и не имей злобы на сынов народа твоего, но люби ближнего твоего, как самого себя. Я Господь. |
| 19Мынэсьтым пуктон-косонъёсме быдэсъяса улэ; аслэсьтыд пудодэ мукет выжыысь пудоен эн ворттылыты; бусыдэ кык пумо будос кидысэн эн кизьы; кык пумо шортъёслэсь – ыжгонэн етӥнлэсь – куэм дӥсянэз эн дӥся. | 19Уставы Мои соблюдайте; скота твоего не своди с иною породою; поля твоего не засевай двумя родами семян; в одежду из разнородных нитей, из шерсти и льна, не одевайся. |
| 20Кышнолы курам ляльчи нылмуртэн пиосмурт изиз ке, нош со нылмурт понна йырдон тыремын ӧвӧл на яке солы эрик сётэмын ӧвӧл на ке, соосты вӧсь карыны кулэ, но виыны кулэ ӧвӧл, малы ке шуоно со ляльчи ныл эрике лэземын ӧй вал на; | 20Если кто переспит с женщиною, а она раба, обрученная мужу, но еще не выкупленная, или свобода еще не дана ей, то должно наказать их, но не смертью, потому что она несвободная: |
| 21со пиосмурт янгыш ужез понна Кузё-Инмарлы вӧсяськон скинияе пырон доры курбон сётыны така мед ваёз; | 21пусть приведет он Господу ко входу скинии собрания жертву повинности, овна в жертву повинности своей; |
| 22янгыш уж понна курбонлы ваем така вирын священник сое Кузё-Инмар азьын лэсьтэм сьӧлыкезлэсь чылкытатоз-сузялоз, лэсьтэм сьӧлыкез куштӥськоз. | 22и очистит его священник овном повинности пред Господом от греха, которым он согрешил, и прощен будет ему грех, которым он согрешил. |
| 23[Инмарлэн Кузё-Инмарлэн тӥледлы сётоно] музъемаз вуиды ке, отчы емыш сётӥсь кыӵе ке но писпу мерттӥды ке, солэсь емышъёссэ кырсесь, сиыны ярантэмесь шуыса лыдъялэ: куинь ар ӵоже солэсь емышъёссэ кырсесь шуыса лыдъялэ, соосты сиыны уг яра; | 23Когда придете в землю, которую Господь Бог даст вам, и посадите какое-либо плодовое дерево, то плоды его почитайте за необрезанные: три года должно почитать их за необрезанные, не должно есть их; |
| 24нош ньылетӥ араз солэн вань емышъёсыз Кузё-Инмарлэн праздникъёсызлы сӥземын луыны кулэ; | 24а в четвертый год все плоды его должны быть посвящены для празднеств Господних; |
| 25нош витетӥ араз солэсь емышъёссэ сиыны быгатӥськоды ини, солэсь будэтэм вань емышъёссэ асьтэлы бичаны быгатӥськоды. Мон Кузё-Инмар, тӥляд Инмарды. | 25в пятый же год вы можете есть плоды его и собирать себе все произведения его. Я Господь, Бог ваш. |
| 26Виро сиёнэз эн сие; эн тунаське, эн пелляське. | 26Не ешьте с кровью; не ворожите и не гадайте. |
| 27Котыр ласянь йырдэс эн ӵышке, тушедлэсь дуръёссэ эн сӧры. | 27Не стригите головы вашей кругом, и не порти края бороды твоей. |
| 28Кинды ке кулӥз ке, мугордэс эн вандылэ, мугор вылады номыр но эн гожъялэ. Мон Кузё-Инмар, [тӥляд Инмарды]. | 28Ради умершего не делайте нарезов на теле вашем и не накалывайте на себе письмен. Я Господь. |
| 29Юмшаны-калгыны лэзьыса, нылдэ эн сапта, музъем азыса-калгыса медаз улы, юрӟым-кырсь ужъёсын музъем медаз пачылмы. | 29Не оскверняй дочери твоей, допуская ее до блуда, чтобы не блудодействовала земля и не наполнилась земля развратом. |
| 30Мынэсьтым субботаосме уте, вӧсяськон интыме но сӥлы карыса возе. Мон Кузё-Инмар. | 30Субботы Мои храните и святилище Мое чтите. Я Господь. |
| 31Кулэмъёслэн лулъёссылы ӧтьыса вазиськисьёслы тӥ эн вазиське, туноос доры эн ветлэ, соосын асьтэдыз эн сапталэ. Мон Кузё-Инмар, тӥляд Инмарды. | 31Не обращайтесь к вызывающим мертвых, и к волшебникам не ходите, и не доводите себя до осквернения от них. Я Господь, Бог ваш. |
| 32Пурысьтам мурт пыриз ке, султы, пересь муртэ сӥлы кар, Инмаредлэсь [Кузё-Инмарлэсь] кышка. Мон Кузё-Инмар, [тӥляд Инмарды]. | 32Пред лицем седого вставай и почитай лице старца, и бойся Бога твоего. Я Господь. |
| 33Сьӧрлось лыктэм мурт тӥляд музъемады улыны интыяськиз ке, сое ӝикатыса-ёртыса эн возе; | 33Когда поселится пришлец в земле вашей, не притесняйте его: |
| 34сьӧрлось лыктыса тӥ доры улыны интыяськем мурт тӥ понна та музъемын пырак улӥсь муртэн одӥг радын мед сылоз; сое астэ кадь ик яраты, уго тӥ но вазен Египет музъемын сьӧрлось лыктэм калык вал. Мон Кузё-Инмар, тӥляд Инмарды. | 34пришлец, поселившийся у вас, да будет для вас то же, что туземец ваш; люби его, как себя; ибо и вы были пришельцами в земле Египетской. Я Господь, Бог ваш. |
| 35Судын шонертэм ужез эн лэсьтэ, – кузьдалаез-ӝуждалаез, секталаез, быдӟалаез мертакуды, эн ӧрекчаське. | 35Не делайте неправды в суде, в мере, в весе и в измерении: |
| 36Весъёсты шонер мед мерталозы, гираосты ярамонэсь-шонересь мед луозы, ефа шонер, гин оскиськымон мед луозы. Мон тӥляд Инмарды Кузё-Инмар, Египет музъемысь тӥледыз поттӥсь. | 36да будут у вас весы верные, гири верные, ефа верная и гин верный. Я Господь, Бог ваш, Который вывел вас из земли Египетской. |
| 37Мынэсьтым вань пуктон-косонъёсме быдэсъялэ, вань законъёсме но быдэсъялэ. Мон Кузё-Инмар, [тӥляд Инмарды]”». | 37Соблюдайте все уставы Мои и все законы Мои и исполняйте их. Я Господь. |
Глава 19