Выбрать язык
Книги Ветхого Завета
Книги Нового Завета
с русским текстом1Кузё-Инмар Моисейлы тазьы вераз, тазьы шуиз:2«Израиль пиослы косон сётыса шу: ”Мон азьын ческыт ӵын поттыны сётӥськись ваем салам-кузьымдэс, курбон няньдэс ас дыраз вае Мыным”.
3Соослы тазьы шу: ”Тани та курбонэз тӥ Кузё-Инмарлы сётыны кулэ: одӥг аресъем, чик шектэм кык ыжпи, нуналлы быдэ соосты, тылын сутыса, курбон сётыны кулэ;4одӥгзэ ыжпиез ӵукна курбон сёт, нош мукетсэ – ӝыт;5ефалэн дасэтӥ люкетаз поныса, салам няньлы чабей пызь [вай], пызьдэ гинлэн ньылетӥ люкетаз понэм вӧйпу мульыысь пызьыртэм вӧйын сура;6та котьку но сётӥськись, тылын сутӥськись курбон, со Сӥнай гурезь выжыын сётэмын вал, Кузё-Инмарлы ярамон ческыт зын поттӥсь курбон;7ыжпилы быдэ, сое курбон сётыкуд, гинлэн ньылетӥ люкетысьтыз винаез курбон-саламлы кисьты, святой интыысен курбон-саламез кисьты, со Кузё-Инмарлы сӥзем вина.8Мукетсэ ыжпиез ӝыт курбон сёт, ӵукна кадь ик салам нянь вай, озьы ик курбон-салам вина кисьтыса сое курбон сёт, Кузё-Инмарлы ярамон ческыт зын мед поттоз.
9Нош субботае одӥг аресъем, чик шектэм кык ыжпиосты [курбон сётыны ваелэ], ефалэн кык дасмос люкетаз чабей пызь поныса вай, сое вӧйын сура но салам нянь пыж, соин ӵош курбон-салам вина кисьтыны вай:10та субботалы быдэ тылын сутӥськись суббота курбон, ялан сётӥськись тылын сутӥськись курбонъёс, курбон-салам вина кисьтонъёс вӧзы та ватсаськыса сётӥське на.
11Выль толэзь потыку но, Кузё-Инмарлы сӥзьыса, тылын сутыны курбонъёс ваелэ: сюро таза пудо пӧлысь кык ошпи, одӥг така, одӥг аресъем сизьым ыжпиосты курбонлы вае, шексы чик медаз лу,12ошпиез курбон сётыкуды, ефалэн куинь дасмос люкетаз чабей пызь поныса вае, сое вӧйын суралэ но салам нянь пыже; такаез курбон сётыкуды, ефалэн кык дасмос люкетаз чабей пызь поныса вае, сое вӧйын суралэ но салам нянь пыже;13ыжпиез курбон сётыкуды, ефалэн дасэтӥ люкетаз чабей пызь поныса вае, сое вӧйын суралэ но салам нянь пыже. Та тылын сутӥськись курбон ческыт зын поттэ, со Кузё-Инмарлы сӥзем курбон.14Ошпиез курбон сётыкуды, курбон-саламлы ӝыны гин вина кисьтоно; такаез курбон сётыку, гинлэн куинетӥ люкетысьтыз курбон-салам вина кисьтоно, ыжпиез курбон сётыку, гинлэн ньылетӥ люкетысьтыз курбон-салам вина кисьтоно. Ар куспысь вань толэзьёсы выль толэзь потыку тылын сутӥськись курбон сётон та.15Сьӧлыкъёс понна Кузё-Инмарлы курбон сётыны одӥг кечтака вае; тылын сутӥськись ялан сётӥськись курбонъёс вӧзы тае ватсаса сётоно на, сое курбон-салам вина кисьтонэн огдыре ортчытоно.
16Нырысетӥ толэзьлэн дас ньылетӥ нуналаз Кузё-Инмарлэн Пасхаез.17Та толэзьлэн дас витетӥ нуналаз ортчись праздник; сизьым нунал ӵоже юмал нянь сиыса улыны кулэ.18Нырысетӥ нуналаз вӧсяськонэ люкаське; номыр но эн ужалэ;19Кузё-Инмарлы, тылын сутыса, курбон сётэ: сюро таза пудо пӧлысь кык ошпи, одӥг така но одӥг аресъем сизьым ыжпиосты курбон сётэ; курбон пудоды шектэм мед луоз;20ошпиез курбон сётыку, ефалэн куинь дасмос люкетаз тырыса, чабей пызь вае, сое вӧйын суралэ но салам нянь пыже; такаез курбон сётыку, ефалэн кык дасмос люкетаз тырыса, чабей пызь вае, сое вӧйын суралэ но салам нянь пыже;21сизьым ыжпиосты курбон сётыкуды, котькуд ыжпи понна, ефалэн дасэтӥ люкетаз поныса, чабей пызь вае, сое вӧйын суралэ но салам нянь пыже;22сьӧлыкъёс понна, тӥледыз соослэсь сузян понна курбон сётыны кечтака вае;23котькуд нуналэ ӵукналы быдэ тылын сутыса сётӥськись курбон вӧзы таосты ватсаса сётэ на.24Тазьы ик сизьым нунал пӧлысь котькудаз курбон вае; со – нянь, со – курбон, со Кузё-Инмар азьын ческыт зын поттэ; тылын сутӥськись, ялан сётӥськись курбон вӧзы, соин ӵош курбон-салам вина кисьтыны вае.25Сизьыметӥ нуналэ тӥ вӧсяськонэ люкаське; номыр но эн ужалэ.
26Арняослэсь праздниксэс тӥ дорын ортчытъян дыръя нырысь кисьмам емышъёслэн нуналазы Кузё-Инмарлы выль салам нянь вайыкуды, тӥ вӧсяськонэ люкаське; номыр но эн ужалэ;27Кузё-Инмарлы ярамон ческыт зын поттон понна тылын сутыны курбон вае: сюро таза пудо пӧлысь кык ошпи, одӥг така но одӥг аресъем сизьым ыжпи, [шектэмесь мед луозы],28соосын ӵош салам нянь вае: ошпилы быдэ ефалэн куинь дасмос люкетаз вӧйын сурам чабей пызь вае; такалы быдэ – ефалэн кык дасмос люкетаз вӧйын сурам чабей пызь вае;29сизьым ыжпиос пӧлысь котькудӥз вӧзы ефалэн дасэтӥ люкетаз вӧйын сурам чабей пызь вае.30Тӥледыз сьӧлыкъёстылэсь сузян понна, [сьӧлык понна курбон сётыны] одӥг кечтака вае.31Тылын сутыса ялан сётӥськись курбонъёс сяна, салам нянь сяна, соос вӧзы кисьтоно курбон-саламъёс [Мыным] вае; курбон пудоосты шектэмесь луыны кулэ”».
Глава 28