Выбрать язык
Книги Ветхого Завета
Книги Нового Завета
с русским текстом1Сизьыметӥ толэзе, толэзьлэн нырысетӥ [нуналаз], вӧсяськонэ люкаське; номыр но эн ужалэ; та мед луоз гумыен пеллян нуналды;2Кузё-Инмарлы ярамон ческыт зын поттыны тылын сутӥськись курбон ваелэ: одӥг ошпи, одӥг така, одӥг аресъем сизьым ыжпи, соос шектэмесь мед луозы,3соос вӧзы салам нянь вае – вӧйын сурам чабей пызьлэсь со пыжемын мед луоз, ошлы быдэ, ефалэн куинь дасмос люкетаз тырыса, такалы быдэ, ефалэн кык дасмос люкетаз тырыса, пызь вае,4ыжпилы быдэ, ефалэн одӥг дасмос люкетаз тырыса, пызь вае, сизьым ыжпиос пӧлысь ваньзылы тазьы каре;5сьӧлыкъёстылэсь сузяськон понна одӥг кечтакаез курбонлы сётэ,6выль толэзь потыку тылын сутыса сётэм курбон, салам нянь вӧзы, нуналлы быдэ тылын сутыса сётэм курбон, салам нянь вӧзы, пуктон-косонъя, соосын ӵош курбон-салам вина кисьтон вӧзы, Кузё-Инмарлы ярамон, ческыт зын поттӥсь таӵе курбонъёс но ваёно.
7Сизьыметӥ толэзьлэн дасэтӥ [нуналаз] вӧсяськонэ люкаське: соку асьтэдыз зӥбыт-востэм возе, номыр но эн ужалэ;8ческыт зын поттӥсь тылын сутӥськись курбон Кузё-Инмарлы сётэ: одӥг ошпи, одӥг така, одӥг аресъем сизьым ыжпиос вае; та пудоосты шектэмесь мед луозы;9соос вӧзы салам нянь вае, со вӧйын сурам чабей пызьлэсь пыжемын мед луоз; ошпилы быдэ ефалэн куинь дасмос люкетаз пызь тырыса ваёно, курбон така вӧзы, ефалэн кык дасмос люкетаз тырыса, пызь ваёно,10сизьым ыжпиос пӧлысь котькудӥзлы ефалэн дасэтӥ люкетаз чабей пызь тырыса ваёно,11сьӧлык понна, [тӥледыз солэсь сузян понна] курбонлы кечтака вае. Сьӧлык понна ваем курбон сяна, тылын сутыса нуналлы быдэ сётӥськись курбон сётэм сяна, со вӧзы салам нянь, соосын ӵош кисьтоно курбон-саламъёс ваем сяна, [пуктон-косонъя Кузё-Инмарлы курбонлы, Солы ярамон, ческыт зын поттыны ваемъёс сяна], та курбонъёсты тӥ ватсаса сётыны кулэ на Чылкытатӥськон-сузяськон нуналэ.
12Сизьыметӥ толэзьлэн дас витетӥ нуналаз вӧсяськонэ люкаське; номыр но эн ужалэ, Кузё-Инмарлэсь праздниксэ сизьым нунал ӵоже шумпотыса-шулдыръяськыса ортчытэ;13Кузё-Инмарлы ярамон, ческыт зын поттӥсь, тылын сутӥськись курбон вае: дас куинь ошпи, кык така, одӥг аресъем дас ньыль ыжпи; шектэмесь соос мед луозы;14соос борды салам нянь вае, со вӧйын сурам чабей пызьлэсь мед луоз; котькудӥзлы – дас куинезлы ик ошпилы – ефалэн куинь дасмос люкетаз, кык такаос пӧлысь кыксылы ик, ефалэн кык дасмос люкетаз тырыса, пызь вайыны кулэ,15дас ньыль ыжпиос пӧлысь дас ньылезлы ик ефалэн дасэтӥ люкетаз пызь поныса вайыны кулэ,16сьӧлык понна одӥг кечтакаез курбонлы сётоно. Таосты тӥ тылын сутыса нуналлы быдэ сётӥськись курбон вӧзы, салам нянь вӧзы, кисьтоно курбон-салам вина вӧзы ватсаса сётыны кулэ на.
17Праздниклэн кыкетӥ нуналаз курбон сётыны дас кык ошпи, кык така, одӥг аресъем дас ньыль ыжпиос ваёно, соос шектэмесь мед луозы,18вань курбон ошпиослы, такаослы, ыжпиослы соосын ӵош, соослэн лыдзыя, пуктон-косонъя салам няньёс, кисьтоно курбон-салам вина ваёно,19сьӧлык понна курбон сётыны одӥг кечтака ваёно. Тылын сутыса нуналлы быдэ курбон сётэм сяна, салам нянь, кисьтоно курбон-салам вина сяна, таосты тӥ ватсаса сётыны кулэ на.
20Праздниклэн куинетӥ нуналаз курбон сётыны дас одӥг ошпи, кык така, одӥг аресъем дас ньыль ыжпи ваёно, соос шектэмесь мед луозы,21соос борды ватсаса – ошпиослы, такаослы, ыжпиослы быдэ – соослэн лыдзыя, пуктон-косонъя салам няньёс, кисьтоно курбон-салам вина ваёно,22сьӧлык понна курбон сётыны одӥг кечтака ваёно. Тылын сутыса нуналлы быдэ курбон сётон сяна, со борды салам нянь, кисьтоно курбон-салам вина сяна, таосты тӥ ватсаса сётыны кулэ на.
23Праздниклэн ньылетӥ нуналаз курбон сётыны дас ошпи, кык така, одӥг аресъем дас ньыль ыжпи ваёно, соос шектэмесь мед луозы,24соос борды ватсаса – ошпиослы, такаослы, ыжпиослы быдэ – соослэн лыдзыя, пуктон-косонъя салам няньёс, кисьтоно курбон-салам вина ваёно,25сьӧлык понна курбон сётыны одӥг кечтака ваёно. Тылын сутыса нуналлы быдэ курбон сётон сяна, со борды салам нянь, кисьтоно курбон-салам вина сяна, таосты тӥ ватсаса сётыны кулэ на.
26Праздниклэн витетӥ нуналаз курбон сётыны укмыс ошпи, кык така, одӥг аресъем дас ньыль ыжпи ваёно, соос шектэмесь мед луозы,27соос борды ватсаса – ошпиослы, такаослы, ыжпиослы быдэ – соослэн лыдзыя, пуктон-косонъя салам няньёс, кисьтоно курбон-салам вина ваёно,28сьӧлык понна курбон сётыны одӥг кечтака ваёно. Нуналлы быдэ тылын сутыса курбон сётон сяна, со борды салам нянь, кисьтоно курбон-салам вина сяна, таосты тӥ ватсаса сётыны кулэ на.
29Праздниклэн куатетӥ нуналаз курбон сётыны тямыс ошпи, кык така, одӥг аресъем дас ньыль ыжпи ваёно, соос шектэмесь мед луозы;30соос борды ватсаса – ошпиослы, такаослы, ыжпиослы быдэ – соослэн лыдзыя, пуктон-косонъя салам няньёс, кисьтоно курбон-салам вина ваёно,31сьӧлык понна курбон сётыны одӥг кечтака ваёно. Тылын сутыса нуналлы быдэ курбон сётон сяна, салам нянь, кисьтоно курбон-салам вина сяна, таосты тӥ ватсаса сётыны кулэ на.
32Праздниклэн сизьыметӥ нуналаз курбон сётыны сизьым ошпи, кык така, одӥг аресъем дас ньыль ыжпи ваёно, соос шектэмесь мед луозы,33соос борды ватсаса – ошпиослы, такаослы, ыжпиослы быдэ – соослэн лыдзыя, пуктон-косонъя салам няньёс, кисьтоно курбон-салам вина вайыны кулэ,34сьӧлык понна курбон сётыны одӥг кечтака ваёно. Тылын сутыса ялан сётӥськись курбон сётон сяна, салам нянь, кисьтоно курбон-салам вина сяна, таосты тӥ ватсаса сётыны кулэ на.
35Праздниклэн тямысэтӥ нуналаз праздникез келяны кулэ, номыр но эн ужалэ;36тылын сутыса, курбон сётэ, Кузё-Инмарлы ярамон, ческыт зын поттӥсь со мед луоз: одӥг ошпи, одӥг така, одӥг аресъем сизьым ыжпи курбон сётэ, соос шектэмесь мед луозы;37соос вӧзы ватсаса – ошпилы, такалы, ыжпилы быдэ – соослэн лыдзыя, пуктон-косонъя салам няньёс, кисьтоно курбон-салам вина ваёно,38сьӧлык понна курбон сётыны одӥг кечтака ваёно. Нуналлы быдэ тылын сутыса курбон сётон сяна, салам нянь, кисьтоно курбон-салам вина сяна, таосты тӥ ватсаса сётыны кулэ на.
39Тае тӥ Кузё-Инмарлы праздникъёсты дыръя, мае вайылӥськоды сӥзиськондэс быдэстыса яке асьтэлэн ӟеч мылкыдыныды, тылын сутӥськись курбонъёстэс, салам няньёстэс, кисьтоно курбон-салам винадэс, тупаса улонлы сӥзем курбонъёстэс ватсаса вайылэ.
Глава 29