Выбрать язык
Книги Ветхого Завета
Книги Нового Завета
с русским текстом1Адямиос куспын ченгешон потӥз ке, соосты судэ вайыны кулэ, отын мед чаклалозы-эскерозы: шонер лэсьтӥсьсэ шонере мед поттозы, нош янгышозэ судить мед карозы;2янгыше сюрем мурт жугыны ярамон уж лэсьтэм ке, судья сое муз вылэ выдтыны мед косоз но аслаз азяз мед жугытоз, янгыш ужзэ лыдэ басьтыса, кӧня пол шукконо, сомында пол сое мед шуккозы;3ньыльдон пол сое шуккыны яра, тросгес уг яра, талэсь но тросгес пол шуккылыса, агай-выныдлэн тусбуез тынад син азяд тодмантэм медаз шушекты.
4Кутсаськись ошедлэсь ымзэ эн кортна.
5Агай-вынъёс огазьын улӥзы но соос пӧлысь одӥгез, пи кельтытэк, кулӥз ке, соку талэн кышноез палэнысь пиосмуртлы медаз бызьы, шыднарез со доры пырыны но сое аслыз кышно басьтыны кулэ, соин мед улоз, –6нырысь вордскем пизылы кулэм братсылэсь нимзэ мед сётозы, Израильын солэн нимыз медаз ӵушиськы.7Нош та пиосмуртлэн братэзлэсь палкышнозэ аслыз басьтэмез ӧз ке поты, соку та кышно кар капка доры, тӧроос доры, мед мыноз но мед шуоз: «Шыднаре братэзлэсь нимзэ Израиле кельтыны пумитъяське, монэ кышно басьтыны уг малпа»;8соку городысь тӧроос со пиосмуртэз ӧтьыса мед ваёзы, мед либатозы, нош соку со султыса тазьы шуиз ке: «Сое кышно басьтэме уг поты»,9соку та ичимень шыднарез доры мед мыноз но тӧроослэн син азязы солэсь пыдкутчанзэ мед кылёз но солэн ымныраз мед сялӟоз, мед шуоз: «Братэзлэсь выжызэ ӝутӥсьтэм муртэн [Израильын] тазьы каро»;10Израильын солэн выжыезлы таӵе ним сётозы: «Пыдкутчанзэ кылем муртлэн выжыез».
11Куспазы кык пиосмуртъёс жугиськыку, [соос пӧлысь] одӥгезлэн кышноез картсэ жугись муртлэн киулысьтыз таланы лыктӥз но, кизэ урдыса, жугись муртлэн кизян бордаз кутӥськиз ке,12соку та кышномуртлэсь кизэ ӵогыса кушты: синмыд [сое] медаз жаля.
13Пуйыяд кык пумо гираосыд медаз луэ – бадӟымгесъёсыз но, пичигесъёсыз но;14тынад коркад кык пумо ефаос медаз возиське – бадӟымез но, пичиез но;15гираед тынад шонер мертась мед луоз, ефаед но озьы ик чик алдасьтэм, шонер мертась мед луоз, соку Инмаредлэн Кузё-Инмарлэн тыныд [люкетлы] сётэм музъемаз улон нуналъёсыд кема кыстӥськозы;16котькудӥз но адями Инмаред Кузё-Инмар азьын шонертэмесь ужъёс лэсьтэ ке, юрӟым шуыса лыдъяське.
17Тодад вай, мар лэсьтӥз тонэн Амалик, Египетысь потыса, сюрес кузя мыныкуды;18кызьы со тонэ, жадем, калсырам калыкез, сюрес вылысен пумитаз но вань лябӟем муртъёсты, бертӥды лыктыса, жугыса виылӥз, Инмарлэсь ӧз кышка;19озьыен, котыр ласянь котыртэм вань тушмонъёсыдлэсь Инмаред Кузё-Инмар тыныд кышкатэк улон сётӥз ке, Кузё-Инмарлэн тыныд люкетлы, киулад возьыны сётэм музъем вылаз каньыллык луиз ке, амалик калыкез быдты, соосты тодэ ваёнэз но инбам улысь ӵуш, тае лэсьтыны эн вунэты.
Глава 25