Выбрать язык
Книги Ветхого Завета
Книги Нового Завета
с русским текстом1Тани, Ханаан музъемысь израиль пиос люкетлы мар басьтӥзы, тани мар соослы Елеазар священник но Навинлэн Иисус пиез, израиль пиослэн выжыысьтызы улы-бечеосын кивалтӥсь кузёйыръёс люкетлы сётӥзы;2кызьы Кузё-Инмар Моисей пыр косӥз, озьы укмыс выжыослы, [Манассия] выжылэн ӝыны люкетызлы но, пус чӧлтыса, музъем люкылӥзы,3уго кык выжыослы, [Манассиялэн] ӝыны выжыезлы но Моисей Иордан шур сьӧры люкет музъем сётӥз, нош левитъёслы соос пӧлы люкет ӧз сёты;4Иосиф бордысь кык выжы потӥз: Манассия но Ефрем; соин ик левитъёслы музъем люкет ӧз сётэ, нош улыны городъёс, соос котыре пудооссэс возьманы, мукет пайдаё ужъёс быдэсъяны интыос сётӥзы,5кызьы Кузё-Инмар Моисей пыр косӥз, озьы израиль пиос музъемез люкылыса сётъяку лэсьтӥзы.
6Иуда выжыысь пиос Галгалэ Иисус доры лыктӥзы. Соку солы Кенезлэн Иефонний пиезлэн Халев пиез шуиз: «Кузё-Инмар Кадес-Варниысен Моисейлы, Инмарлэн адямиезлы, мон сярысь но, тон сярысь но мар вераз, тон тодӥськод.7Мыным ньыльдон арес вал Кузё-Инмарлэн Моисей ляльчиез монэ Кадес-Варниысен музъем учкыны ыстылыкуз, нош мон вань адӟеме сярысь солы ваньзэ чылкыт сюлмын ивортӥ.8Монэн огазьын ветлэм агай-вынъёсы калыклэсь сюлэмзэ ӝоже уськытылӥзы, нош мон Инмарелэсь Кузё-Инмарлэсь котьмар ласянь кылзӥськыса улӥ.9Со нуналэ Моисей кыл сётыса шуиз: ”Пыдыныд лёгиськем музъем выл – со тынад, тынад пиосыдлы пумтэм вапумъёс ӵожелы люкетлы сётӥськоз, уго тон Инмарелэсь Кузё-Инмарлэсь котьмар ласянь кылзӥськыса улӥд”.10Озьы тани, Кузё-Инмар монэ, кызьы Со вераз, улэп кельтӥз; Кузё-Инмарлэн Моисейлы та кылъёсты верамез дырысен, Израильлэн луоё кыр дуннеетӥ ветлон дырысеныз ньыльдон вить ар ортчиз ини; тани, табере мыным тямыстон вить арес ини.11Соку кадь ик, Моисей монэ ыстон вакытэ кадь ик, али но мон сыӵе ик кужымо: кӧня кужыме вал со виын, али но сомында ик ожмаськон понна, потон но пырон понна;12озьыен, та гурезез сёт мыным, кудӥз сярысь со нуналэ Кузё-Инмар вераз; уго тон со нуналэ кылӥд, отын Енаклэн пиосыз [уло] шуыса, соослэн бадӟымесь, юнматэм городъёссы вань; оло нош Кузё-Инмар мыным юрттоз но, мон соосты улляса лэзё, кызьы вераз Кузё-Инмар».
13Иисус бакель кариз сое, [Кенез выжыысь] Иефоннийлэн Халев пиезлы Хевронэз люкетлы сётӥз.14Озьы Хеврон Кенез выжыысь Иефоннийлэн Халев пиезлы люкетлы сюриз, туннэ нуналозь но озьы – Израильлэн Инмарезлэн Кузё-Инмарлэн [косонэзъя] туж шонер улэмез понна со.15Хевронлэн азьвыл нимыз Кириаф-Арба вал – енак пиос пӧлын одӥг быдӟым адямилэн таӵе нимыз вылэм.
Ожмаськонъёс-жугиськонъёс бере музъем выл каньылэн улыны кутскиз.
Глава 14