Выбрать язык
Книги Ветхого Завета
Книги Нового Завета
с русским текстом1Табере пус усиз Иосиф пиослы: соослэн музъемзы Иерихон дорысь Иордан дурысен шундыӝужанысь Иерихон вуос доры кыстӥське, Иерихон дорысен со кыр дуннетӥ Вефиль гурезь дорозь тубе;2Вефиль дорысен кунгож Луз пала мынэ но архиослэн музъем дорозязы Атарофозь мынэ,3отысен Иафлет выжылэн улон инты палаз, зарезь дуре, ваське, улӥ Беф-Орон ёросозь, отысен кунгож Газер дорозь мынэ, зарезь дурысен йылпумъяське.4Тае асьсэлы люкетлы басьтӥзы Иосиф пиос: Манассия но Ефрем.
5Ефрем пиослэн улы-бечеоссылэн люкет музъемзы тазьы интыяськемын вал: шундыӝужанпал ласянь кунгожзы ортчиз Атароф-Адар дорысен вылӥе интыяськем вылӥ Беф-Оронозь, [Газарозь но];6собере кунгож кыстӥське зарезь пала, Михмефафлэн уйпалтӥз, собере кожытске Фаанаф-Сӥломлэн шундыӝужан палаз, сое ортче Ианохлэн шундыӝужан палтӥз;7Ианохысен Атароф но Наараф пала лэзиське, Иерихон вӧзы вуэ, Иордан дорозь вуэ;8Таппуахысен кутскыса кунгож зарезь пала мынэ, Кан ӧр пала, зарезь борды пыкъяське. Тани Ефрем пиослэн выжыысьтызы улы-бечеослэн люкетлы басьтэм музъемзы.9Ефрем пиослы Манассия пиослэн люкет музъемысьтызы куд-ог городъёс висъямын, вань та городъёс гуртъёсынызы валче сётэмын.
10[Ефрем пиос] Газерын улӥсь хананей калыкез ӧз уллялэ, соин ик туннэ нуналозь но хананейёс Ефрем пиос пӧлын уло но соослы выт тыро. [Нош бӧрысь Египетлэн эксэез, фараон, лыктӥз, городэз киултыса тылын сутӥз; хананейёсты, ферезейёсты, Газерын улӥсьёсты виылӥзы, фараон сое нылызлы йырдун интые сётӥз.]
Глава 16