Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета про «Библия»содержание1-я книга Моисеева. Бытие2-я книга Моисеева. Исход3-я книга Моисеева. Левит4-я книга Моисеева. Числа5-я книга Моисеева. ВторозакониеИисус НавинСудьиРуфь1-я Книга Царств2-я книга Царств 3-я книга Царств4-я книга Царств1-я Паралипоменон2-я ПаралипоменонЕздраНеемияЕсфирьИовПсалтирьПритчиЕкклесиастПесня ПеснейИсаияИеремияПлач ИеремииИезекиильДаниилОсияИоильАмосАвдияИонаМихейНаумАввакумСофонияАггейЗахарияМалахия

Книги Нового Завета Выбрать книгупро «Библия»содержаниеот Матфеяот Маркаот Лукиот ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудак Римлянам1-е Коринфянам2-е Коринфянамк Галатамк Ефесянамк Филиппийцамк Колоссянам1-е Фессалоникийцам2-е Фессалоникийцам1-е Тимофею2-е Тимофеюк Титук Филимонук ЕвреямОткровениесловари

СУДЬЯОСЛЭН КНИГАЗЫ

10-тӥ ЛЮКЕТ

1Авимелех бере Израилез утён понна Иссахар выжыысь Додолэн Фуа пиезлэн Фола нимо пиез султӥз. Со Ефрем гурезьысь Шамир карын улӥз.2Израиль калыклы со кызь куинь ар судья вал; кулӥз но, сое Шамире ватӥзы.

3Со бӧрсьы потӥз Галаадысь Иаир, Израильын со кызь кык ар судья вал.4Солэн куамын [кык] пиосыз вал, соос куамын [кык] пинал ишак вылын ветлӥзы, соослэн куамын [кык] городзы вал; та дырозь Галаадын соосты Иаирлэн гуртъёсыз шуо.5Иаир кулэм бере сое Камонэ ватӥзы.

6Кузё-Инмар азьын израиль пиос ялан сьӧсь ужъёс лэсьтыса улӥзы: ваалъёслы, астартаослы, арамей калыклэн инмаръёсызлы, сӥдонъёслэн инмаръёссылы, моав калыклэн инмаръёсызлы, аммон калыклэн инмаръёсызлы, филистим калыклэн инмаръёсызлы йыбыртъязы; Кузё-Инмарез вунэтӥзы, Солы ужамысь-тыршемысь дугдӥзы.7Кузё-Инмарлэн йыркурез Израиль вылэ ӝуатскиз, соосты Со филистим калыклэн, аммон калыклэн киулазы сётӥз.8Со арысен кутскыса, дас тямыс ар ӵоже Иордан шур сьӧрын Галаадысь Аморрей музъемын улӥсь ваньзэс израиль пиосты соос ӝикатыса, курадӟытыса возизы.9Табере аммонъёс Иорданлэн та палаз выжизы Иудаен, Вениаминэн, Ефрем выжыен нюръяськон понна. Израиль пиослэн улонзы туж ӝикыт-ёркыт луиз.

10Соку израиль пиос Кузё-Инмарлы сюлворыса тазьы вазиськизы: «Тон азьын ми сьӧлыкамы, асьмелэсь Инмармес вунэтӥмы но ваалъёслы йыбыртъяса улыны кутскимы».11Кузё-Инмар израиль пиослы шуиз: «Ултӥяса-сантэмаса ӧз возе-а тӥледыз египет калык, аморрейёс, аммон калык, филистим калык,12Сӥдон калык, амалик калык, моав калык? Тэльмырыса Мыным вазиськыкуды, соослэн киулысьтызы Мон тӥледыз ӧй мозмытылы-а?13Нош тӥ Монэ вунэтӥды, мукет инмаръёслы йыбыртъяса улыны кутскиды, – Мон тӥледыз уг ни мозмыты:14мынэ табере, асьтэлы быръем инмаръёстылы вазиське, ӝикаса-ёрмыса улон дыръяды соос тӥледлы мед юрттозы».

15Израиль пиос Кузё-Инмарлы шуизы: «Сьӧлыкамы ми; милемлы мар лэсьтэмед потэ, лэсьты, но только уть али милемыз».16Мурт инмаръёсты-сульдэръёсты соос дорысьтызы палэнтӥзы но Кузё-Инмарлы [гинэ] вӧсяськыса улыны кутскизы. Соку Израильлэн курадӟемез шоры учкыса улыны Со ӧз ни чида.

17Аммонъёс огазе люкаськизы но Галаадэ отрядъёсынызы интыяськизы; израиль пиос но отрядъёсынызы Массифа кар вӧзы султӥзы.18Калык но Галаадысь кивалтӥсьёс ог-огзылы шуизы: «Кин аммон калыклы пумит ожмаськыны кутскоз, со ваньмызлы Галаадын улӥсьёслы кузёйыр луоз».

 Глава 10