Выбрать язык
Книги Ветхого Завета
Книги Нового Завета
с русским текстом1Пересьмем бераз Самуил аслэсьтыз пиоссэ Израильлы судьяе пуктӥз.2Бадӟым пиезлэн нимыз Иоиль, кыкетӥезлэн – Авия; соос Вирсавияын судья вал.3Но пиосыз солэн сюрестӥз ӧз мынэ, узырлык люкан пала мылкыдзэс берыктӥзы, кузьымъёс октылӥзы, мыдлань судить карылӥзы.
4Соку Израильлэн вань тӧроосыз, огазе люкаськыса, Рама каре Самуил доры лыктӥзы но5солы шуизы: «Тӥни, тон пересьмид, нош пиосыд тынад сюрестӥд уг мыно; милемлы эксэй пукты, мукет калыкъёслэн кадь ик со милемын мед кивалтоз».6Соослэн тазьы шуэмзы: «Вай милемлы эксэй, со милемыз судить мед кароз» – Самуиллы ӧз кельшы. Самуил Кузё-Инмарлы вӧсяськиз.
7Кузё-Инмар Самуиллы шуиз: «Калык мар вера, ваньзэ кылзӥськы; соос тонэ кулэтэм ӧз каре, соослы мон Кузё медам ни луы шуыса, соос Монэ кулэтэм каризы;8Египетысь поттэм нуналысеным та нуналозь соос Мынэсьтым куштӥськылӥзы, мурт инмаръёслы ужаса-тыршыса улӥзы, кызьы Мыным лэсьтылӥзы, тыныд но озьы ик лэсьто.9Озьыен, кылзы соослэсь верамзэс; но возьматы, вера соосын кивалтыны пуктэм эксэйлэн правоосыз сярысь».
10Кузё-Инмарлэсь вань верам кылзэ Самуил эксэй курись калыклы вераз.11Соослы со шуиз: «Тани тӥледын кивалтӥсь эксэйлы кыӵе эрик сётэмын луоз: кутоз но тӥлесьтыд пиостэс аслаз ожмаськон уробо бордаз султытоз, вал вылъёсаз пуксьытоз, соку соос ожмаськон уробо азьтӥ бызьылозы;12соосты сюрс адямиен, витьтон адямиен кивалтӥсь кароз; бусызэ мед кизёзы-гырозы, мед аралозы, солы ожмаськон тӥрлык, ожмаськон уробоезлы арбериос мед лэсьтозы шуыса;13нылъёстэс басьтоз, ческыт зыно арбериос мед лэсьтозы, сиён мед пӧзьтозы, нянь мед пыжозы шуыса;14умойзэгес бусыостэс, виноград бакчаостэс, вӧйпу садъёстэс басьтоз но аслаз медоосызлы сётъялоз;15кизем ю-няньдылэсь, виноград емыштылэсь дасэтӥ люкетсэ басьтоз но евнух пиосызлы, медоосызлы сётъялоз;16ляльчи пиостэс, ляльчи нылъёстэс, устоесьёссэ егит пиостэс, ишакъёстэс басьтоз но аслыз ярамон уже кутоз;17ыжъёстылэсь, кечъёстылэсь дасэтӥ люкетсэ аслыз кароз, тӥ солэн ляльчиосыз луоды.18Соку асьтэлы быръем эксэйды ваньысь ӝуштыны кутскоды, но тӥледлы Кузё-Инмар ответ уз сёты».
19Но калыклэн Самуиллэсь верамзэ кылзэмез ӧз поты, со шуиз: «Ӧвӧл, эксэй милемын кузё мед луоз.20Ми мукет калыкъёс кадь ик луомы: эксэймы милемын кивалтоз, со милям азьпаламы луоз, ожъёс нуоз».21Калыклэсь вань верамзэ Самуил кылзӥз но Кузё-Инмарлы вераз.22Соку Кузё-Инмар Самуиллы шуиз: «Соослэсь куремзэс санэ пон, соослы эксэй пукты». Самуил израиль калыклы шуиз: «Ваньды асьтэлэн городъёсады мынэ».
Глава 8