Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета про «Библия»содержание1-я книга Моисеева. Бытие2-я книга Моисеева. Исход3-я книга Моисеева. Левит4-я книга Моисеева. Числа5-я книга Моисеева. ВторозакониеИисус НавинСудьиРуфь1-я Книга Царств2-я книга Царств 3-я книга Царств4-я книга Царств1-я Паралипоменон2-я ПаралипоменонЕздраНеемияЕсфирьИовПсалтирьПритчиЕкклесиастПесня ПеснейИсаияИеремияПлач ИеремииИезекиильДаниилОсияИоильАмосАвдияИонаМихейНаумАввакумСофонияАггейЗахарияМалахия

Книги Нового Завета Выбрать книгупро «Библия»содержаниеот Матфеяот Маркаот Лукиот ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудак Римлянам1-е Коринфянам2-е Коринфянамк Галатамк Ефесянамк Филиппийцамк Колоссянам1-е Фессалоникийцам2-е Фессалоникийцам1-е Тимофею2-е Тимофеюк Титук Филимонук ЕвреямОткровениесловари

ПАРАЛИПОМЕНОН

1-тӥ книга

6-тӥ ЛЮКЕТ

1Левийлэн пиосыз: Гирсон, Кааф но Мерари.2Каафлэн пиосыз: Амрам, Ицгар, Хеврон, Узиил.3Амрамлэн нылпиосыз: Аарон, Моисей но Мариам. Ааронлэн пиосыз: Надав, Авиуд, Елеазар но Ифамар.4Елеазарлэсь вордскиз Финеес, Финееслэсь вордскиз Авишуй;5Авишуйлэсь вордскиз Буккий, Буккийлэсь вордскиз Озия;6Озиялэсь вордскиз Зерахия, Зерахиялэсь вордскиз Мераиоф;7Мераиофлэсь вордскиз Амария, Амариялэсь вордскиз Ахитув;8Ахитувлэсь вордскиз Садок, Садоклэсь вордскиз Ахимаас.9Ахимааслэсь вордскиз Азария, Азариялэсь вордскиз Иоанан.10Иоананлэсь вордскиз Азария, – та со, кин Соломонлэн Иерусалиме пуктэм храмаз священник луыса служить кариз.11Азариялэсь Амария вордскиз, Амариялэсь вордскиз Ахитув;12Ахитувлэсь вордскиз Садок, Садоклэсь вордскиз Селлум;13Селлумлэсь вордскиз Хелкия, Хелкиялэсь вордскиз Азария,14Азариялэсь вордскиз Сераия, Сераиялэсь вордскиз Иоседек.15Иудейёсты но Иерусалимын улӥсьёсты Кузё-Инмар Навуходоносорлэн киыныз мукет интые улыны выжытыку, Иоседек пленэ нуэмын вал.

16Тани Левийлэн пиосыз: Гирсон, Кааф но Мерари.17Тани Гирсонлэн пиосызлэн нимъёссы: Ливни но Шимей.18Каафлэн пиосыз: Амрам, Ицгар, Хеврон но Узиил.19Мерарилэн пиосыз: Махли но Муши. Тани Левийлэн пиосызлэн пиоссылэн выжыоссы.20Гирсонлэн пиез: Ливни, Ливнилэн пиез Иахав, Иахавлэн пиез Зӥмма;21Иоах, солэн пиез; Иддо, солэн пиез; Зерах, солэн пиез; Иеафрай, солэн пиез.22Каафлэн пиосыз: Аминадав, солэн пиез; Корей, солэн пиез; Асир, солэн пиез;23Елкана, солэн пиез; Евиасаф, солэн пиез; Асир, солэн пиез;24Тахаф, солэн пиез; Уриил, солэн пиез; Узия, солэн пиез; Саул, солэн пиез;25Елканалэн пиосыз: Амасай но Ахимоф.26Ахимофлэн Елкана пиез; Елканалэн Цофай пиез; Цофайлэн Нахаф пиез;27Елиаф, солэн пиез; Иерохам, солэн пиез; Елкана, солэн пиез; [Самуил, солэн пиез].28Самуиллэн пиосыз: нырысь вордскемез – Иоиль, кыкетӥез – Авия.29Мерарилэн пиосыз: Махли; Махлилэн пиез Ливни; Ливнилэн пиез Шимей; Шимейлэн пиез Уза;30Шима, солэн пиез; Хаггия, солэн пиез; Асаия, солэн пиез;31тани, Давидлэн Кузё-Инмарлэн корказ, отчы ковчег пуктэм дырысен, кырӟасьёслы кивалтӥсе пуктэм муртъёсыз.32Соломон Иерусалиме Кузё-Инмарлы корка пуктытозь, соос вӧсяськон скиния азьын кырӟаса-чирдыса улӥзы. Пуктон-косонъёссыя соос ужаса-тыршыса улӥзы.

33Тани, кинъёс пиосынызы ӵош султылӥзы: Каафлэн пиосыз пӧлысь кырӟась Еман, Самуиллэн Иоиль пиезлэн пиез,34Самуил Елканалэн пиез, Елкана Иерохамлэн пиез, Иерохам Елииллэн пиез, Елиил Тоахлэн пиез,35Тоах Цуфлэн пиез, Цуф Елканалэн пиез, Елкана Махафлэн пиез, Махаф Амасайлэн пиез,36Амасай Елканалэн пиез, Елкана Иоильлэн пиез, Иоиль Азариялэн пиез, Азария Цефаниялэн пиез,37Цефания Тахафлэн пиез, Тахаф Асирлэн пиез, Асир Евиасафлэн пиез, Авиасаф Корейлэн пиез;38Корей Ицгарлэн пиез, Ицгар Каафлэн пиез, Кааф Левийлэн пиез, Левий Израильлэн пиез.39Еманлэн Асаф братэз, солэн бурпалаз сылӥсь, – Асаф, Шималэн Берехия пиезлэн пиез,40Шима Михаиллэн пиез, Михаил Ваасеялэн пиез, Ваасея Малхиялэн пиез,41Малхия Ефнийлэн пиез, Ефний Зерахлэн пиез, Зерах Адаиялэн пиез,42Адаия Ефанлэн пиез, Ефан Зӥммалэн пиез, Зӥмма Шимийлэн пиез,43Шимий Иахафлэн пиез, Иахаф Гирсонлэн пиез, Гирсон Левийлэн пиез,

44Нош Мерарилэн пиосыз, соослэн братъёссы – паллян палаз: Ефан, Кишийлэн пиез, Киший Авдийлэн пиез, Авдий Маллухлэн пиез,45Маллух Хашавиялэн пиез, Хашавия Амасиялэн пиез, Амасия Хелкиялэн пиез,46Хелкия Амцийлэн пиез, Амций Ванийлэн пиез, Ваний Шемерлэн пиез,47Шемер Махлийлэн пиез, Махлий Мушийлэн пиез, Муший Мерарилэн пиез, Мерари Левийлэн пиез.48Соослэн левий выжыысь братъёссы Инмар коркан ортчись вань службаосы пыриськыны лэземын.

49Нош Аарон но солэн пиосыз курбон сётон ӝӧк вылын тылын сутӥськись курбонъёсты сутылӥзы, ӵындытон курбон сётон ӝӧк вылын ческыт зыно арбериос ӝуатылӥзы; Святойлэсь но Святой интыын вань лэсьтӥськись ужъёсты быдэсъязы, Израилез дун-чылкыт карон понна, кызьы косӥз Инмарлэн ляльчиез Моисей, ваньзэ озьы лэсьтӥзы.50Тани Ааронлэн пиез Елеазар, солэн пиез Финеес, солэн пиез Авишуй,51солэн пиез Буккий, солэн пиез Уззий, солэн пиез Зерахия,52солэн пиез Мераиоф, солэн пиез Амария, солэн пиез Ахитув,53солэн пиез Садок, солэн пиез Ахимаас.

54Тани соослэн улон интыысьтызы городъёссы, гуртъёссы: пус усемъя Ааронлэн Кааф выжыысь пиосызлы55Иуда музъемысь Хевронэз но со котырысь пудо возьман интыосты сётӥзы;56нош та городлэсь бусыоссэ но гуртъёссэ Иефоннийлэн Халев пиезлы сётӥзы.57Ааронлэн пиосызлы озьы ик сётӥзы ватӥськон-пегӟон городъёсты: Хевронэз но Ливнаез котыр музъемъёсынызы валче, Иаттирез но Ештемоаэз котырысьтызы музъемъёсын валче,58Хиленэз но солэн котырысьтыз музъемез, Давирез но со котырысь музъемез,59Ашанэз но со котырысь музъемез, Вефсамисэз но со котырысь музъемез,60Нош Вениамин выжылэн музъемысьтыз Геваез но со котырысь музъемез, Алемефез но со котырысь музъемез, Анафофез но со котырысь музъемез: Аарон выжылы дас куинь город сётэмын.

61Та выжыысь семьяослы, Каафлэн мукет пиосызлы, пус чӧлтыса, Манассия выжылэн ӝыны люкетысьтыз дас городъёс сётэмын.62Гирсонлэн пиосызлэн выжыоссылы Иссахар выжылэсь, Асир выжылэсь, Неффалим выжылэсь, Манассия выжылэсь Васанысь городъёссэ – ваньзэ-ӧвӧлзэ дас куинь город сётэмын.63Мерарилэн пиосызлэн выжыоссылы дас кык городъёс сётэмын; соос Рувим выжылэсь, Гад выжылэсь, Завулон выжылэсь, пус чӧлтыса, басьтэмын вал.

64Тазьы Израиль пиос левитъёслы городъёсты но соос котырысь музъемъёсты сётылӥзы.65Соос, пус чӧлтыса, Иуда пиослэн выжызылэсь, Симеон пиослэн выжызылэсь, Вениамин пиослэн выжызылэсь вылӥ верам городъёссэс сётӥзы.66Нош Кааф пиослэн куд-ог выжыоссылы Ефрем выжыысь городъёс сётэмын вал.67Соослы ватӥськон-пегӟон городъёсты сётӥзы: Ефрем гурезьысь Сӥхемез но солэн котырысьтыз музъемез, Гезерез но со котырысь музъемез,68Иокмеамез но со котырысь музъемез, Беф-Оронэз но со котырысь музъемез,69Аиалонэз но со котырысь музъемез, Гаф-Риммонэз но со котырысь музъемез,70Манассия выжылэн ӝыны люкетысьтыз – Анерез но со котырысь музъемез, Билеамез но со котырысь музъемез сётӥзы. Та Каафлэн мукет пиосызлэн выжызылы сётэмын.71Гирсонлэн пиосызлы Манассиялэн ӝыны выжыезлэн люкетызлэсь Васанысь Голанэз но со котырысь музъемез, Аштарофез но со котырысь музъемез сётӥзы.72Иссахар выжылэсь – Кедесэз но со котырысь музъемез, Даврафез но со котырысь музъемез,73Рамофез но со котырысь музъемез, Анемез но со котырысь музъемез;74Асир выжылэсь – Машалэз но со котырысь музъемез, Авдонэз но со котырысь музъемез,75Хукокез но со котырысь музъемез, Реховез но со котырысь музъемез;76Неффалим выжылэсь Галилеяысь Кедесэз но со котырысь музъемез, Хаммонэз но со котырысь музъемез, Кириафаимез но со котырысь музъемез сётӥзы.77Нош Мерарилэн мукет пиосызлы Завулон выжылэсь Риммон но со котырысь музъем, Фавор но со котырысь музъем сётэмын.78Иорданлэн тупалаз, Иерихонлэн ваче бериназ, Иорданлэн шундыӝужан палаз, Рувим выжылэсь луоё кыр дуннеысь Восорез но со котырысь музъемез сётӥзы, Иаацаез но со котырысь музъемез,79Кедемофез но со котырысь музъемез, Мефаафез но со котырысь музъемез сётӥзы;80Гад выжылэсь Галаадысь Рамофез но со котырысь музъемез, Маханаимез но со котырысь музъемез,81Есевонэз но со котырысь музъемез, Иазерез но со котырысь музъемез сётӥзы.

 Глава 6