Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета про «Библия»содержание1-я книга Моисеева. Бытие2-я книга Моисеева. Исход3-я книга Моисеева. Левит4-я книга Моисеева. Числа5-я книга Моисеева. ВторозакониеИисус НавинСудьиРуфь1-я Книга Царств2-я книга Царств 3-я книга Царств4-я книга Царств1-я Паралипоменон2-я ПаралипоменонЕздраНеемияЕсфирьИовПсалтирьПритчиЕкклесиастПесня ПеснейИсаияИеремияПлач ИеремииИезекиильДаниилОсияИоильАмосАвдияИонаМихейНаумАввакумСофонияАггейЗахарияМалахия

Книги Нового Завета Выбрать книгупро «Библия»содержаниеот Матфеяот Маркаот Лукиот ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудак Римлянам1-е Коринфянам2-е Коринфянамк Галатамк Ефесянамк Филиппийцамк Колоссянам1-е Фессалоникийцам2-е Фессалоникийцам1-е Тимофею2-е Тимофеюк Титук Филимонук ЕвреямОткровениесловари

ПАРАЛИПОМЕНОН

1-тӥ книга

7-тӥ ЛЮКЕТ

1Иссахарлэн пиосыз: Фола, Фуа, Иашув но Шимрон, ньыль кузя.2Фолалэн пиосыз: Уззий, Рефаия, Иериил, Иахмай, Ивсам, Самуил, Фолалэн выжыысьтыз йыръёс, ас выжыысьтызы кужмоесь ожмаськисьёс; Давид улон нуналъёсы соослэн лыдзы кызь кык сюрс куать сю вал.3Уззийлэн пиез: Израхия; Израхиялэн пиосыз: Михаил, Овадия, Иоиль но Ишшия, вить кузя. Ваньзы соос кивалтӥсь йыръёс.4Соослэн выжыосазы, ёзъёсазы ожмаськыны куамын куать сюрс ожгарчиоссы дасесь вал; уго соослэн трос кышнооссы, пиоссы вал.5Нош соослэн агай-вынъёссы, Иссахарлэн вань выжыосаз, кужмоесь ожмаськисьёс тямыстон сизьым сюрс вал, выжыез гожъян книгае пыртэмъёс.

6Вениаминлэн пиосыз: Бела, Бехер но Иедиаил, куинь кузя.7Белалэн пиосыз: Ецбон, Уззий, Уззиил, Иеримоф но Ири, вить кузя, выжыослэн йыръёссы, кужмоесь ожмаськисьёс. Выжы-кумыез гожъян книгае соос гожтэмын кызь кык сюрс куамын ньыль мурт.8Бехерлэн пиосыз: Земира, Иоаш, Елиезер, Елиоенай, Омри, Иремоф, Авия, Анафоф но Алемеф: ваньзы таос Бехерлэн пиосыз луо.9Выжы-кумыез гожъян книгаосы выжыослэн йыръёссыя, кужмоесь ожмаськисьёс гожтэмын кызь сюрс кык сю мурт.10Иедиаиллэн пиез: Билган, Билганлэн пиосыз: Иеус, Вениамин, Егуд, Хенаана, Зефан, Фарсис но Ахишахар.11Иедиаиллэн вань пиосыз асьсэ выжыен кивалтӥсь йыръёс, кужмоесь ожмаськисьёс вал; дас сизьым сюрс кык сю мурт вал солэн ожмаськонэ потӥсьёсыз.12Ирлэн пиосыз Шупим но Хупим; Хушим, Ахерлэн пиез;

13Неффалимлэн пиосыз: Иахцеил, Гуни, Иецер но Шиллем – Валлалэн пиезлэн пиосыз.

14Манассиялэн пиосыз: Асриил – арамей калык пӧлысь ляльчи кышноезлэн ваем пиез; та кышномурт ик Галаадлэсь атайзэ Махирез вайиз.15Махир кышно вайиз Хупимен Шупимлэсь сузэрзэс, солэн нимыз – Мааха; кыкетӥ пиезлэн нимыз Салпаад. Салпаадлэн нылъёсыз гинэ вордскизы.16Махирлэн Мааха кышноез пи вайиз но солы Кереш [Фарес] ним сётӥз, нош братэзлэн нимыз – Шереш. Солэн пиосыз: Улам но Рекем.17Уламлэн пиез: Бедан. Тани Манассиялэн Махир пиезлэн Галаадлэн пиосыз.18Солэн Молехеф сузэрезлэсь вордскизы Ишгод, Авиезер, Махла.19Шемидалэн пиосыз: Ахиан, Шехем, Ликхи, Аниам.

20Ефремлэн пиосыз: Шутелах; Беред Шутелахлэн пиез, Фахаф Бередлэн пиез, Елеада Фахафлэн пиез, Фахаф Елеадалэн пиез.21Завад Фахафлэн пиез, Шутелах Завадлэн пиез; Езер но Елеад – Ефремлэн пиосыз. Соосты Геф музъемын улӥсьёс виизы соослэсь пудооссэс киултыны мынэмзы понна.22Соос понна Ефрем, атайзы, трос нуналъёс ӵоже бӧрдӥз, агай-вынъёсыз сое буйгатыны лыктылӥзы.23Собере со кышноез доры пыриз, со секытэн луиз но пи нуны вайиз, пиезлы Берия ним сётӥз, малы ке шуоно солэн юртаз куректон-кайгу пыриз.24Солэн Шеера нимо нылыз но вал. Со ныл улӥысьсэ но, вылӥысьсэ но Беф-Оронэз, Уззен-Шеераез пуктӥз.25Ефремлэн Рефай пиез, Решеф но Фелах Рефайлэн пиосыз, Фелахлэн пиез Фахан,26Лаедан Фаханлэн пиез, Аммиуд Лаеданлэн пиез, Елишама Аммиудлэн пиез,27Нон Елишамалэн пиез, Иисус Нонлэн пиез.28Ефрем выжыысь калык улӥз Вефильын но солы тэрытскись городъёсын, шундыӝужан палан Нааранын, шундыпуксён палан Гезерын но солы тэрытскись городъёсын; Сӥхемын но Гаёзь интыяськем солы тэрытскись городъёсын улӥз.29Манассиялэн пиосыз ласянь верано ке, соос Беф-Санын но солы тэрытскись городъёсын улӥзы, Фаанахын но солы тэрытскись городъёсын, Мегиддоын но солы тэрытскись городъёсын, Дорын но солы тэрытскись городъёсын улӥзы. Со городъёсын Израильлэн Иосиф пиезлэн пиосыз улӥзы.

30Асирлэн пиосыз: Имна, Ишва, Ишви но Берия, соослэн сузэрзы Серах.31Бериялэн пиосыз: Хевер но Малхиил. Со Бирзаифлэн атаез.32Хеверлэсь вордскизы Иафлет, Шомер но Хофам, соослэн сузэрзы Шуя.33Иафлетлэн пиосыз: Пасах, Бимгал но Ашваф. Тани Иафлетлэн пиосыз.34Шемерлэн пиосыз: Ахи, Рохга, Ихубба но Арам.35Солэн Гелем братэзлэн пиосыз: Цофах, Имна, Шелеш, Амал.36Цофахлэн пиосыз: Суах, Харнефер, Шуал, Бери, Имра.37Бецер, Год, Шамма, Шилша, Ифран но Беера.38Иеферлэн пиосыз; Иефунни, Фиспа но Ара.39Уллалэн пиосыз: Арах, Ханниил но Риция.40Ваньзы таос Асирлэн пиосыз, выжыослэн йыръёссы, быръем муртъёс, кужмоесь ожмаськисьёс, кивалтӥсьёслэн йыръёссы. Соос пӧлысь ожмаськыны ярась кызь куать сюрс мурт ӵыжы-кумыосты гожъян книгае гожтэмын.

 Глава 7