Выбрать язык
Книги Ветхого Завета
Книги Нового Завета
с русским текстом1-тӥ книга
1Тазьы выжы нимъёссыя верамын вал вань израиль пиос, тани соос Израиль эксэйёслэн книгаязы гожтэмын. Иудей калык законлы пумит улэмез понна Вавилонэ улыны нуэмын вал.
2Асьсэ музъем вылын, Израильысь городъёсын улӥсь нырысьёсыз адямиос огшоры израиль калык, священникъёс, левитъёс, нефинейёс*а вал.3Иерусалимын улӥзы Иуда пиос пӧлысь, Вениамин пиос пӧлысь, Ефрем но Манассия пиос пӧлысь куд-огъёсыз.4Иудалэн Фарес пиезлэн пиосыз пӧлысь Ванийлэн Имрий пиезлэн, Омри пиезлэн Аммиуд пиезлэн Уфай пиез;5Шилонлэн пиосыз пӧлысь – нырысь вордскем Асаия пиосыныз.6Заралэн пиосыз пӧлысь – Иеуил но соослэн агай-вынъёссы, – куать сю укмыстон мурт;7Вениаминлэн пиосыз пӧлысь Гассенуялэн Годавия пиезлэн, Мешуллам пиезлэн пиез Саллу;8Иерохамлэн Ивния пиез, Михрийлэн Уззий пиезлэн Эла пиез, Ивниялэн Регуил пиезлэн Шефатия пиезлэн Мешуллам пиез,9соослэн агай-вынъёссы, выжыоссыя – укмыс сю витьтон куать мурт, ваньзы та пиосмуртъёс ас выжызылэн йыръёссы вал.
10Нош священникъёс пӧлысь: Иедаия, Иоиарив, Иахин,11Азария – Ахитувлэн Мераиоф пиезлэн, Садок пиезлэн, Мешуллам пиезлэн, Хелкия пиезлэн пиез, Инмар коркан кузёяськись;12Адаия – Малхиялэн Пашхур пиезлэн Иерохам пиезлэн пиез; Маасай – Иммерлэн Мешиллемиф пиезлэн Мешулламлэн Иахзер пиезлэн Адиеллэн пиез;13соослэн агай-вынъёссы но, ас выжыоссылэн йыръёссы; сюрс сизьым сю куатьтон мурт – Инмар коркан усто ужась-тыршисьёс.
14Нош левитъёс пӧлысь: Шемаия – Мерари пиос пӧлысь Хашавиялэн Азрикам пиезлэн Хашув пиезлэн пиез;15Вакбакар, Хереш, Галал но Матфания – Асафлэн Зӥхрий пиезлэн Миха пиезлэн пиез;16Овадия – Идифунлэн Галал пиезлэн Шемаия пиезлэн пиез; Берехия – Елканалэн Аса пиезлэн пиез, Нетофаысь гуртъёсын улӥсьлэн пиезлэн пиез.
17Нош капка возьмасьёс: Шаллум, Аккув, Талмон но Ахиман но соослэн агай-вынъёссы; Шаллум йырзы вал.18Туннэ нуналозь но та капка возьмасьёс эксэй капка дорын сыло, шундыӝужан палаз, Левийлэсь пиоссэ возьмаськыса уло.19Шаллум – Корейлэн Евиасаф пиезлэн Корелэн пиез, ас выжыысьтыз ик агай-вынъёсыз, Корей пиос, соос ас ужзыя скинияе пырон ӧс дорын возьмаськисьёс вал, нош соослэн атайёссы Кузё-Инмарлэн станаз пыронын возьмаськисьёс вал.20Елеазарлэн Финеес пиез азьвыл соослэн кивалтӥсь йырзы вал, Кузё-Инмар сое бордысьтыз ӧз кушты.21Мешелемиялэн Захария пиез вӧсяськон скиниялэн ӧс дораз возьмаськись вал.22Ӧс доръёсы возьмаськыны пуктэмъёс ваньмыз кык сю дас кык кузя вал. Соос гуртъёссыя списокъёсы пыртэмын. Соосты пуктӥз Давид но азьпалзэ адӟись Самуил оскиськымонэсь луэмзы понна.23Соос асьсэос но, соослэн пиоссы но Кузё-Инмарлэн корказ, вӧсяськон скинияе пыран капка доры возьмаськисе пуктэмын вал.24Ньыль палаз ик капка дорын возьмаськисьёс вал – шундыӝужан, шундыпуксён, уйпал, лымшор палъёсаз.25Нош соослэн агай-вынъёссы гуртъёсазы улӥзы, дырыз вуыса, соос доры сизьым нуналлы лыктылӥзы.26Капка дорын возьмаськисьёслэн та ньыль кивалтӥсь йыръёссы, левитъёс, оскиськыны ярамонэсь вал; соос ик улон интыос борды, Инмар юртлэсь дуно арбериоссэ возьманы пуктэмын вал.27Инмар корка котырын соос уйзэс ортчытылӥзы, уго соослы возьмаськон оскемын вал, ӵукналы быдэ соос капкаосты усьяны кулэ вал.28Соос пӧлысь огъёсыз вӧсяськон сосудъёсты возьманы пуктэмын вал, озьыен, соосты лыдъяса возьманы басьтылӥзы, лыдъяса ик сётылӥзы но.29Мукетъёсызлы мукет арбериосты возьман оскемын вал, вӧсяськонын вань кулэ макеос: устоез пызь, вина, вӧй, ладан, мукет ческыт зыно макеос.
30Священникъёслэн пиоссы пӧлысь куд-огъёсыз ческыт зыно арбериосысь миро поттыса дасяллязы.31Левитъёс пӧлысь Маттафиялы – Корей выжыысь Селлумлэн нырысь вордскем пиезлы – таба вылын куарняньёс дасян оскемын вал.32Кааф пиос пӧлысь куд-ог агай-вынъёслы курбон нянь дасян оскемын вал, субботалы быдэ со дасямын мед луоз шуыса.33Нош кырӟасьёс, левит выжыысь йыръёс, храмлэн комнатаосаз ужанлэсь мозмытэмын вал, малы ке шуоно соос уй но, нунал но асьсэлэн ужано уженызы вырыны кулэ вал.34Та левит выжыысь йыръёс ас выжыосазы но йыръёс вал. Иерусалимын улӥзы.
35Гаваонын улӥзы: Гаваон карлэн атаез, Иеил, кышноезлэн нимыз – Мааха.36Со городын ик улӥзы солэн нырысь вордскем пиез, Авдон, озьы ик Цур, Кис, Ваал, Нер, Надав,37Гедор, Ахио, Захария но Миклоф.38Миклофлэсь вордскиз Шимеам. Соос но агай-вынъёссы бордын Иерусалимын улӥзы.39Нерлэсь вордскиз Кис, Кислэсь вордскиз Саул, Сауллэсь вордскиз Ионафан, Мелхисуа, Аминадав но Ешбаал.40Ионафанлэн пиез Мериббаал; Мериббааллэсь вордскиз Миха.41Михалэн пиосыз: Пифон, Мелех, Фарей [но Ахаз].42Ахазлэсь вордскиз Иаера; Иаералэсь вордскизы Алемеф, Азмавеф но Замврий; Замврийлэсь вордскиз Моца.43Моцалэсь вордскиз Бинея, Рефаия Бинеялэн пиез, Елеаса Рефаиялэн пиез, Ацел Елеасалэн пиез;44Ацеллэн куать пиосыз вал, тани соослэн нимъёссы: Азрикам, Бохру, Исмаил, Шеария, Овадия но Ханан. Та Ацеллэн пиосыз.
*а 9:2 нефиней – храмын огшоры ужась-тыршись, юрттӥськись мурт
Глава 9