Выбрать язык
Книги Ветхого Завета
Книги Нового Завета
с русским текстом1-тӥ книга
1Соку Тирлэн эксэез, Хирам, Давид доры адямиоссэ ыстӥз, кедырпу коръёс келяз, из ужен вырисьёсты, тӥрен ужасьёсты солы юрт пуктыны ыстӥз.2Кузё-Инмар сое Израильлы эксэе юнматэм, израиль калыкез понна солэн эксэйлыкез вылэ ӝутэмын шуыса, Давид тодӥз но,3Иерусалимысь со эшшо кышноос басьтӥз на, Давидлэн эшшо нылъёсыз, пиосыз вордскизы.4Тани солэн Иерусалимын вордскем нылпиосыз: Самус, Совав, Нафан, Соломон,5Евеар, Елисуа, Елфалет,6Ногаг, Нафек, Иафиа,7Елисама, Веелиада но Елифалеф,
8Филистим калык кылӥз, Давид, вӧйын зырӟыса, Израильлы эксэе пуктэмын шуыса, соку вань филистим калык Давидэз утчаны потӥз. Та сярысь Давид кылӥз но соослы пумит султӥз.9Филистим ожгарчиос лыктыса, Рефаим нёжалэ интыяськизы.10Давид вӧсяськыса Инмарлэсь тазьы юаз: «Филистим калыклы пумит мыным мыноно-а, соосты мон киулэ сётод-а?» Кузё-Инмар солы шуиз: «Мын, Мон соосты тон киулэ сёто».
11Соку соос Ваал-Перациме мынӥзы но, отысен Давид соосты погыртӥз; Давид шуиз: «Мынам киыным Инмар тушмонъёсме ӵыпетэз кырыса бызись ву кадь погыртӥз». Соин ик со интылы Ваал-Перацим ним сётӥзы.12Филистим ожгарчиос отчы инмаръёссэс кельтӥзы, соку Давидлэн косэмезъя соос сутэмын вал.
13Филистим калык нош ик лыктӥз но нёжалэ интыяськиз.14Давид нош ик Инмарлэсь вӧсяськыса юаз, Инмар солы шуиз: «Шонерак соос шоры эн мын, соослэн палэназы кож, соос доры тутпуос палтӥ мын;15тутпуос йылысь вамышъямлы укшась куараосты кылӥд ке, соку ожмаськыны кутскы; уго тынад азяд филистим ожгарчиосты погыртон понна Инмар потӥз».16Давид озьы лэсьтӥз, кызьы солы Инмар косӥз; филистим ожгарчиосты Гаваонысен Газерозь пазьгиз.17Давидлэн нимыз вань музъемъёсы вӧлмиз, Кузё-Инмар вань калыкъёсты солэсь кышкась кариз.
Глава 14