Выбрать язык
Книги Ветхого Завета
Книги Нового Завета
с русским текстом1-тӥ книга
1Давидлэн городаз со аслыз коркаос пуктӥз, Инмар ковчеглы инты дасяз, солы скиния пуктӥз.2Соку Давид шуиз: «Левитъёс сяна, нокин но Инмарлэсь ковчегзэ нуллыны кулэ ӧвӧл, малы ке шуоно соосты Кузё-Инмар бырйиз Инмарлэсь ковчегзэ нуллыны, Солы пумтэм вапумъёс ӵоже ужаны-тыршыны».3Вань израиль калыкез Давид Иерусалиме люказ Кузё-Инмарлэсь ковчегзэ солэн дасям интыяз пыртон понна.4Давид ӧтьыса вайытӥз Аарон пиосты но левитъёсты:5Кааф пиос пӧлысь Уриил кивалтӥсь йырез, солэсь агай-вынъёссэ – сю кызь муртэ;6Мерари пиос пӧлысь Асаия кивалтӥсь йырез, солэсь агай-вынъёссэ – кык сю кызь муртэ;7Гирсон пиос пӧлысь Иоиль кивалтӥсь йырез, солэсь агай-вынъёссэ – сю куамын муртэ;8Елицафан пиос пӧлысь Шемаия кивалтӥсь йырез, солэсь агай-вынъёссэ – кык сю муртэ;9Хеврон пиос пӧлысь Елиел кивалтӥсь йырез, солэсь агай-вынъёссэ – тямыстон муртэ;10Уззиил пиос пӧлысь Аминадав кивалтӥсь йырез, солэсь агай-вынъёссэ – сю дас кык муртэ.11Давид Садокен Авиафар священникъёсты ӧтьыса вайиз, левитъёсты: Уриилэз, Асаияез, Иоилез, Шемаияез, Елиелэз но Аминадавез.12Соослы шуиз: «Тӥ левит выжыослэн кивалтӥсь йыръёссы, тӥ асьтэос но, агай-вынъёсты но дун-чылкытэсь мед луоды, Израильлэн Инмарезлэсь Кузё-Инмарлэсь ковчегзэ мынам солы дасям интыям вае,13уго кызьы тӥ тае ӧд лэсьтэ азьвыл, со понна Инмармы Кузё-Инмар асьмеды погыртӥз, кызьы кулэ, озьы Сое утчамтэмы понна».
14Израильлэн Инмарезлэсь Кузё-Инмарлэсь ковчегзэ нуон понна священникъёс но, левитъёс но дун-чылкытэсь луизы.15Кузё-Инмарлэн верам кылызъя, кызьы косӥз Моисей, левитъёслэн пиоссы Инмарлэсь ковчегзэ, сюрыос вылэ ӝутыса, пельпум вылазы нуизы.16Левитъёслэн кивалтӥсь йыръёссылы Давид косон сётӥз, асьсэлэсь агай-вынъёссэс, кырӟасьёсты, крезьёсын, цитраосын, кимвалъёсын, пӧртэм шудон арбериосын султытыны, шумпотонэз бадӟым куараен мед тодытозы шуыса.17Левитъёс Иоильлэсь Еман пизэ пуктӥзы, озьы ик агай-вынъёсыз пӧлысь Верехиялэсь Асаф пизэ, нош Мерарилэн пиосыз пӧлысь, соослэн агай-вынъёссы пӧлысь Кушаиялэсь Ефан пизэ;18соосын ӵош соослэсь вылӥ сано луисьтэм агай-вынъёссэс: Захарияез, Бенэз, Иаазиилэз, Шемирамофез, Иехиилэз, Унниез, Елиавез, Ванеяез, Маасейез, Маттафияез, Елифлеуез, Микнеез но Овед-Едомез, Иеиелэз – капка возьмасьёсты.19Еман, Асаф но Ефан кырӟасьёс ыргон кимвалъёсын, бадӟым куара поттыса, шудӥзы.20Нош Захария, Азиил, Шемирамоф, Иехиил, Унний, Елиав, Маасея но Ванея – псалтирен, векчи куараен кырӟаса, шудӥзы.21Нош Маттафия, Елифлеуй, Микней, Овед-Едом, Иеиел но Азазия – кырӟан гур сётон понна тямыс сиё цитраосын шудӥзы.22Нош Хенания левитъёслэн кивалтӥсь йырзы вал, кырӟаны дышетӥсь, уго солэн та удысын быгатонлыкез вал.23Верехияен Елкана ковчег возён интылэн ӧс дораз возьмаськисьёс вал.24Шевания, Иосафат, Нафанаил, Амасай, Захария, Ванея но Елиезер священникъёс Инмарлэн ковчег азяз гумы пелляса улӥзы. Овед-Едом но Иехия ӧс дорын ковчегез возьмаса улӥзы.
25Озьы Давид, Израильлэн тӧроосыз, сюрс ожгарчиосын кивалтӥсьёс Кузё-Инмарлэсь сӥзён-косонэн ковчегзэ Овед-Едомлэн коркасьтыз нуыны шулдыръяськыса мынӥзы.26Кузё-Инмарлэсь сӥзён-косонэн ковчегзэ нуись левитъёслы Инмар юрттэм бере сизьым ошпи но сизьым така курбонлы сётӥзы.27Давид виссонлэсь вурем дӥськутэн дӥсяськемын вал, нош озьы ик ковчегез нуись вань левитъёс, кырӟасьёс, шудӥсьёслэн, кырӟасьёслэн кивалтӥсьсы Хенания но. Давид вылын дӥсямын на вал етӥнлэсь куэм ефод.28Озьы быдэс Израиль Кузё-Инмарлэсь сӥзён-косонэн ковчегзэ, бадӟым куараен кесяськыса, сюръёсын шудыса, гумы пелляса, кимвалъёсын, псалтирьёсын, цитраосын шудыса, Иерусалиме вайизы.
29Кузё-Инмарлэн сӥзён-косонэныз ковчегез Давидлэн городаз пырыку, Сауллэн Мелхола нылыз укноетӥ учкыса сылыкуз, тэтчаса, шулдыръяськыса лыктӥсь Давид эксэез адӟиз но сюлмыныз сое ултӥяз.
Глава 15