Выбрать язык
Книги Ветхого Завета
Книги Нового Завета
с русским текстом1-тӥ книга
1Тани лыдзыя Израиль пиос, семьяослэн йыръёссы, сюрс ожгарчиосын кивалтӥсьёс, сю ожгарчиосын кивалтӥсьёс, мукет кивалтӥсьёс. Соос армиялэн оглюкетэныз, толэзьлы быдэ лыктыса, эксэйлэсь вань ужъёссэ быдэсъязы, солы ужаса-тыршыса улӥзы, собере кошкылӥзы. Быдэс ар ӵоже, вань толэзьёсы соос озьы карылӥзы. Котькуд люкетын (отрядын) быдэн кызь ньыль сюрс мурт вал.2Нырысетӥ толэзе нырысетӥ люкетэн кивалтӥз Завдииллэн Иашовам пиез; солэн люкетаз (отрядаз) кызь ньыль сюрс мурт;3со Фарес пиос пӧлысь потэмын, нырысетӥ толэзе ожен вань кивалтӥсьёслы со йыр вал.4Кыкетӥ отрядэн кыкетӥ толэзе кивалтӥз Ахохи выжыысь Додай; солэн отрядаз Миклоф покчи эксэй вал, солэн люкетаз кызь ньыль сюрс мурт.5Куинетӥ толэзьлы куинетӥ отрядэн кивалтӥсь йыр луиз Иодай священниклэн Ванея пиез, солэн отрядаз кызь ньыль сюрс мурт;6та Ванея куамын кышкасьтэмъёс пӧлысь одӥгез, соослэн йырзы, солэн отрядаз Аммизавад пиез вал.7Ньылетӥ толэзьлы ньылетӥ отрядэн кивалтӥсе пуксиз Иоавлэн братэз Асаил, со бере кивалтӥсе пуксиз солэн Завадия пиез, солэн отрядаз кызь ньыль сюрс мурт.8Витетӥ толэзьлы витетӥ отрядэн кивалтӥсе пуксиз Израх пи Шамгуф – покчи эксэй, солэн отрядаз кызь ньыль сюрс мурт вал.9Куатетӥ толэзьлы куатетӥ отрядэн кивалтӥсе пуксиз Иккешлэн пиез Ира, Фекоя пи, солэн отрядаз кызь ньыль сюрс мурт.10Сизьыметӥ толэзьлы сизьыметӥ отрядэн кивалтӥсе пуксиз Пелон пи Хелец, Ефрем пиос пӧлысь потэм мурт, солэн отрядаз кызь ньыль сюрс мурт.11Тямысэтӥ толэзьлы тямысэтӥ отрядэн кивалтӥсе пуксиз Зара выжыысь Хуша пи Совохай, солэн отрядаз кызь ньыль сюрс мурт.12Укмысэтӥ толэзьлы укмысэтӥ отрядэн кивалтӥсе пуксиз Вениамин пиос пӧлысь потэм Анафоф пи Евиезер, солэн отрядаз кызь ньыль сюрс мурт.13Дасэтӥ толэзьлы дасэтӥ отрядэн кивалтӥсе пуксиз Нетофаф пи Магарай, Зара выжыысь мурт, солэн отрядаз кызь ньыль сюрс мурт.14Дас одӥгетӥ толэзьлы дас одӥгетӥ отрядэн кивалтӥсе пуксиз Пирафон пи Ванея, со Ефрем пиос пӧлысь, солэн отрядаз кызь ньыль сюрс мурт.15Дас кыкетӥ толэзьлы дас кыкетӥ отрядэн кивалтӥсе пуксиз Нетофаф пи Хелдай, со Гофониил пиос пӧлысь, солэн отрядаз кызь ньыль сюрс мурт.
16Израиль выжыослэн-улыослэн кивалтӥсьёссы: Рувим пиослэн кивалтӥсь йырзы Елиезер вал, Зӥхрилэн пиез; Симеон пиослэн – Сафатия, Маахалэн пиез;17Левий пиослэн – Хашавия, Кемуиллэн пиез; Ааронлэн – Садок;18Иудалэн – Елиав, Давидлэн агай-вынъёсыз пӧлысь; Иссахарлэн – Омри, Михаиллэн пиез;19Завулонлэн – Ишмаия, Овадиялэн пиез; Неффалимлэн – Иеримоф, Азрииллэн пиез;20Ефрем пиослэн – Осия, Азазиялэн пиез; Манассиялэн ӝыны выжыезлэн – Иоиль, Федаиялэн пиез;21Манассиялэн Галаадысь ӝыны выжыезлэн – Иддо, Захариялэн пиез; Вениамин пиослэн – Иаасиил, Авенирлэн пиез;22Дан пиослэн – Азариил, Иерохамлэн пиез. Тани та Израиль выжыослэн азьвалтӥсьёссы.
23Кинлы кызь яке солэсь ӧжытгес арес вал, Давид сыӵеосты ӧз лыдъя, малы ке шуоно Кузё-Инмар шуиз, Со Израиль калыкез инмысь кизили мында кароз.24Саруялэн Иоав пиез лыдъян-ӵотан ортчытыны кутскем вал, но ӧз йылпумъя. Со понна Инмар Израильлы вожзэ поттӥз, со лыдъян-ӵотан Давидлэн история гожъян книгаяз ӧз пыры.
25Эксэй ваньбурез чакласа-утьыса возиз Адииллэн Азмавеф пиез, нош бусыысь, городъёсысь, гуртъёсысь, каланчаосын возиськись ваньбурез чакласа-утьыса улӥз Уззиялэн Ионафан пиез;26бусы ужъёсын, гырон-кизён ужъёсын вырисьёсын кивалтӥз Езрий, Хелувлэн пиез;27виноград бакчаосты чакласа-утьыса улӥз Шимей, Рама карысь мурт, нош виноград бакчаысь вина запасэз чаклась-утись вал Шефамысь Завдий;28нёжалын вӧйпуосты, смоквапуосты чакласа-утьыса улӥз Гедер пи Баал-Ханан, нош пу вӧй запасэн кузёяськиз Иоас;29Шаронын сюро таза пудоез чакласа-утьыса улӥз Шарон пи Шитрай, нош нёжалъёсын пудо-животэз чаклась-утись вал Адлайлэн Шафат пиез;30верблюдъёсын кузёяськиз Исмаил пи Овил; ишакъёсын – Мерониф пи Иехдия;31ыж, кеч уллёосын кузёяськиз Агарь выжыысь потэм пи Иазиз. Ваньзы соос Давидлэн юртаз ваньбурен кивалтӥсьёс вал;
32Ионафан, Давидлэн агаез, визь-нод сётӥсь, визьлыко, подъясь вал, Иехиил, Хахмонийлэн пиез, эксэй пиосты утьыса-чакласа улӥз;33Ахитофел эксэйлэн визь-нод сётӥсез вал; Архи пи Хусий эксэйлэн эшез вал;34Ахитофел бере Ванеялэн Иодай пиез но Авиафар эксэйлы визь-нод сётӥсьёс вал, нош Иоав эксэй дорын ожгарчиосын кивалтыса улӥз.
Глава 27