Выбрать язык
Книги Ветхого Завета
Книги Нового Завета
с русским текстом2-тӥ книга
1Езекиялэсь оскиськымон луэмзэ возьматӥсь таӵе ужъёс бере Ассириялэн Сеннахирим эксэез лыктӥз но Иудеяе пыриз, юнматэм городъёсты котыртӥз, малпаз соосты аслыз карыны.2Сеннахиримлэсь Иерусалимлы пумит ожмаськыны малпаса лыктэмзэ адӟыса, Езекия3аслаз кивалтӥсьёсыныз, ож ужен вырись муртъёсыныз город сьӧрысь ву потон интыосты ӵоксаны малпаз, соос солы юрттӥзы.4Туж трос калык люкаськиз но вань ошмесъёсты, та шаертӥ бызись шурез ӵоксазы, шуизы: «Ассириялэн эксэйёсыз, татчы лыктыса, трос ву медаз шедьтэ [медаз но юнматске]».5Мылкыдзэ лӧпкытӥз, куашкам борддорез выльысен тупатӥз, каланча дорозь сое ӝутӥз, сьӧртӥз мукет борддор лэсьтӥз, Давидлэн городысьтыз Миллоез юнматӥз, трос ожмаськон тӥрлык, щитъёс дасяз.6Калыклы ожен кивалтӥсьёсты пуктӥз, кар капка дорысь падвоже ас дораз соосты люказ но сюлмазы пырымон вераса шуиз:7«Юнэсь, кышкасьтэмесь луэ, Ассириялэн эксэезлэсь, соин ӵош вуэм трос ожгарчиосызлэсь эн курдалэ, эн куалектэ, малы ке шуоно асьмемын бадӟымгес кужым соин сярысь:8соослэн оскиськонзы – мугорлэн суйбыгытэз, нош асьмелэн юрттӥсьмы – Инмармы Кузё-Инмар, Со асьмемын ӵош нюръяськонъёсмы дыръя». Иудеялэн эксэезлэн Езекиялэн кылъёсыныз калык юнматскиз.
9Та бере Ассириялэн Сеннахирим эксэез аслэсьтыз ляльчиоссэ Иерусалиме Иудеялэн Езекия эксэез доры ыстӥз, ачиз со Лахислэн ваче бериназ сылӥз, солэн тросэз ожгарчиосыз соин огазьын вал. Иерусалимысь вань иудей калык доры со тазьы вераны ыстӥз:10«Тазьы шуэ Ассириялэн Сеннахирим эксэез: марлы оскиськыса тӥ Иерусалимысь изкар пушкын пукиськоды?11Сютэм возьыса, вутэк пашмытыса, тӥлесьтыд визьдэс тугаса, Езекия тӥледыз виыны уг малпа-а? Уг шу-а со: ”Асьмелэн Инмармы Кузё-Инмар асьмеды Ассириялэн эксэезлэн киулаз сюронлэсь утёз”?12Та Езекия ик ӧз куашкатылы-а Солэсь гурезь йыл вӧсяськонъёссэ, курбон сётон интыоссэ но ӧз шуы-а Иудеяен Иерусалимлы: ”Одӥг курбон сётон ӝӧк азьын гинэ йыбыртъялэ, со вылын гинэ ӵындытъянъёс ортчытылытэ?”13Тӥ уд тодӥське шат, мар мон лэсьтӥ, атайёсы мар лэсьтӥзы музъем вылъёсысь калыкъёсын? Музъем выл калыкъёслэн инмаръёссы быгатӥзы-а ас музъемъёссэс мынам киылэсь утьыны?14Мынам атайёсылэн быдтэм калыкъёслэн инмаръёссы пӧлысь кудӥз быгатӥз ас калыксэ мынам киылэсь утьыны? Кызьы бен тӥляд Инмарды быгатоз тӥледыз мынам киылэсь утьыны?15Та дыре Езекия тӥлесьтыд визьдэс медаз туга, со та амалэн тӥледыз шонер сюрес вылысь медаз палэнты; солы эн оске: одӥгезлэн но калыклэн, эксэйлыклэн одӥгез но инмарез мынам киылэсь, атайёсылэн кизылэсь калыксэ утьыны ӧз быгаты бере, соку тӥляд но Инмарды мынам киылэсь тӥледыз утьыны уз быгаты».
16Солэн ляльчиосыз Инмарлы Кузё-Инмарлы, Солэн Езекия ляльчиезлы но трос пумит кылъёс веразы на.17Со гожтэтъёс гожтылӥз но Израильлэн Инмарез Кузё-Инмар сярысь сантэман кылъёс вералляз, Солы пумит таӵе кылъёс вералляз: «Кызьы музъем выл калыкъёслэн инмаръёссы мынам киылэсь ас калыкъёссэс ӧз утьылэ, озьы ик Езекиялэн но Инмарез Ас калыксэ мынам киылэсь утьыны уз быгаты».18Иерусалимысь борддор йылын сылӥсь калыклы, сое кышкатон, куалекъятон но озьы городэз киултон понна бадӟым куараен, иудей кылын, черекъязы.19Иерусалимлэн Инмарез сярысь, музъем выл калыкъёслэн киын лэсьтэм инмаръёсынызы оградэ пыртыса, вераллязы.20Езекия эксэй но Амослэн пиез Исаия пророк вӧсяськыса Ин пала вазиськизы.21Соку Кузё-Инмар Кылчинзэ ыстӥз но Ассирия эксэйлэн войскоысьтыз вань кышкасьтэм муртъёссэ, ожен кивалтӥсь йырез, ожгарчиосын кивалтӥсьёсты быдтӥз. Возьытэ вуыса, со вордскем музъемаз берытскиз; инмарезлэн корказ вуэм бере сое отысен макес куспысьтыз потэмъёс мечен виизы.22Тазьы утиз Кузё-Инмар Езекияез но Иерусалимын улӥсьёсты Ассириялэн Сеннахирим эксэезлэн киызлэсь, вань тушмонъёслэн киоссылэсь, котькытысен но соосты утиз.23Соку тросэз Кузё-Инмарлы Иерусалиме саламъёс вайылӥзы, Иудеялэн Езекия эксэезлы дуно тӥрлыкъёс вайылӥзы. Та бере вань калыкъёслэн син азязы солэн данэз ӝутскиз.
24Со нуналъёсы Езекия кулон висёнэн висьыны кутскиз. Со Кузё-Инмарлы вӧсяськиз но, Со сое кылӥз, солы паймымон тодмет сётӥз.25Нош Езекия солы ӟечлыкъёс сётӥськем понна ӟечен пунэмзэ ӧз берыкты, уго солэн сюлмыз вылтӥяськыны кутскиз. Со вылэ, Иудея вылэ но, Иерусалим вылэ но Инмарлэн вожез потӥз.26Но Езекия сюлмызлэсь вылтӥяськонзэ кысӥз, – ачиз но, Иерусалимысь калык но, – соку, Езекия улон нуналъёсы Кузё-Инмарлэн вожпотонэз соос вылэ ӧз васькы.27Езекиялэн узырлыкез но данлыкез трос гинэ вал; азвесь, зарни, дуно изъёс, ческыт зыно арбериос, щитъёс, олокыӵе но дуно сосудъёс возён шыкысъёс лэсьтӥз;28музъемлэсь емышъёссэ, ю-нянь, вина, вӧй возён кеносъёсыз вал, пӧртэм пудо-живот возён гидъёсыз, пудо возён азбаръёсыз вал.29Аслыз городъёс пуктылӥз. Сюро таза, сюро векчи пудо-животэз но солэн трос вал, уго Инмар солы туж трос ваньбур сётӥз.30Нош со, Езекия ик, Геон шурлэсь вылӥ пал бызёнзэ ворсаз, ву ӧрез Давид городлэн шундыпуксён палаз уллане лэзиз. Вань ужъёсаз Езекия азинлыко тыршиз.31Одӥг пол гинэ сое Инмар кельтӥз, – Вавилон эксэй дорысь вуэм муртъёс дыръя, кудъёсыз музъем вылын луэм тодмет сярысь юалляськыны лэземын вал, – сое эскерон но солэн сюлмаз маиз вань, сое тодон понна.
32Езекиялэн мукет ужъёсыз, ӟеч ужъёсыз Амос пилэн Исаия пророклэн адӟоназ гожъямын, Иудей но Израиль эксэйёслэн книгаязы гожъямын.33Езекия кулӥз но, сое атайёсыныз огазе Давид пиослэн шайгуазы ватӥзы, кулэм бераз вань иудейёс но Иерусалимын улӥсьёс сое сӥё-дано каризы. Солэн интыяз эксэе пуксиз солэн Манассия пиез.
Глава 32