Выбрать язык
Книги Ветхого Завета
Книги Нового Завета
без русского текстаНЕЕМИЯЛЭН КНИГАЕЗ | КНИГА НЕЕМИИ |
5-тӥ ЛЮКЕТ | Глава 5 |
| 1Калык пушкын, кышнооссы пӧлын, иудей агай-вынъёссылы пумит бадӟым ӝожъяськон кутскиз. | 1И сделался большой ропот в народе и у жен его на братьев своих Иудеев. |
| 2Тазьы шуисьёс но вал: «Ми, милям пиосмы, нылъёсмы трос кузя, милям нянь шедьтэммы, кӧтмес тыреммы, улэммы потэ». | 2Были такие, которые говорили: нас, сыновей наших и дочерей наших много; и мы желали бы доставать хлеб и кормиться и жить. |
| 3Тазьы шуисьёс но вал: «Бусыосмес, виноград бакчаосмес, коркаосмес, сютэм улонлэсь утиськон вылысь, нянь басьтон понна пунэмлы сётӥськомы». | 3Были и такие, которые говорили: поля свои, и виноградники свои, и домы свои мы закладываем, чтобы достать хлеба от голода. |
| 4Тазьы шуисьёс но вал: «Эксэйлы выт тырон понна ми пунэмен азвесь басьтӥськомы, со понна бусыосмес, виноград бакчаосмес пунэмен сётӥськомы. | 4Были и такие, которые говорили: мы занимаем серебро на подать царю под залог полей наших и виноградников наших; |
| 5Милям мугоръёсмы агай-вынъёсмылэн мугоръёссы кадесь ик, милям пиосмы соослэн пиоссы кадесь ик, нош тани ми пиосмес, нылъёсмес ляльчие сётоно луиськомы, нылъёсмы пӧлысь куд-огез ляльчи луэмын ини. Киуламы соосты басьтыны номырмы но ӧвӧл; бусыосмы но, виноград бакчаосмы но мурт киулэ сётэмын ни». | 5у нас такие же тела, какие тела у братьев наших, и сыновья наши такие же, как их сыновья; а вот, мы должны отдавать сыновей наших и дочерей наших в рабы, и некоторые из дочерей наших уже находятся в порабощении. Нет никаких средств для выкупа в руках наших; и поля наши и виноградники наши у других. |
| 6Соослэсь таӵе ӝожъяськонзэс, таӵе кылъёссэс кылэм берам мынам туж юн воже потӥз. | 6Когда я услышал ропот их и такие слова, я очень рассердился. |
| 7Сюлмы бугырскиз но мон нимо-даноослы, кузёйыръёслы чурыт кылме верай: «Агай-вынъёстэс тӥ мултэс тырытӥськоды». Таослы пумит мон бадӟым кенеш люкай но | 7Сердце мое возмутилось, и я строго выговорил знатнейшим и начальствующим и сказал им: вы берете лихву с братьев своих. И созвал я против них большое собрание |
| 8соослы шуи: «Кӧня кужыммы вал, соин ми агай-вынъёсмес, иудейёсты, мурт калыкъёс кие вузамъёсты, дун тырыса берыктылӥмы, нош тӥ асьтэ агай-вынъёстэс вузаськоды, соос асьме кие вузасько-а?» Соос чус улӥзы, ответ сётыны кыл ӧз шедьтэ. | 8и сказал им: мы выкупали братьев своих, Иудеев, проданных народам, сколько было сил у нас, а вы продаете братьев своих, и они продаются нам? Они молчали и не находили ответа. |
| 9Соку мон шуи: «Умойтэм тӥ лэсьтӥськоды. Тушмонъёсмы, мурт калыкъёс, асьме сярысь урод кылъёс медаз вералэ шуыса, Инмармылэсь кышканэн тӥ улыны кулэ ӧвӧл-а? | 9И сказал я: нехорошо вы делаете. Не в страхе ли Бога нашего должны ходить вы, дабы избегнуть поношения от народов, врагов наших? |
| 10Мон но, агай-вынъёсы но, мон бордын ужась-тыршисьёс но соослы пунэмен азвесь но, нянь но сётӥмы: соослэсь тыронзэс ум ни басьтэ. | 10И я также, братья мои и служащие при мне давали им в заем и серебро и хлеб: оставим им долг сей. |
| 11Али ик соослэсь бусыоссэс, виноград, вӧйпу садъёссэс, коркаоссэс асьсэлы берыктэ, азвесь понна, нянь, вина, вӧй понна басьтэм ваньбурез, кудъёссэ тӥ тырыны тупатӥды, берыктэ». | 11Возвратите им ныне же поля их, виноградные и масличные сады их, и домы их, и рост с серебра и хлеба, и вина и масла, за который вы ссудили их. |
| 12Соос шуизы: «Берыктомы, соослэсь ум ни куре; лэсьтомы озьы, кызьы тон шуиськод». Мон священникъёсты ӧти, соосты кыл сётытӥ, тазьы лэсьтозы шуыса. | 12И сказали они: возвратим и не будем с них требовать; сделаем так, как ты говоришь. И позвал я священников и велел им дать клятву, что они так сделают. |
| 13Дӥськутме курткыса, мон шуи: «Сётэм кылзэ быдэстӥсьтэм муртэ Инмар тазьы ик мед курткоз, коркасьтыз но, юртъерысьтыз но, тазьы солэн ваньмыз курткемын мед луоз, буш мед кылёз!» Кенеше люкаськем вань калык шуиз: «Аминь». Инмарез данъязы; аслэсьтыз верам кылзэ калык быдэстӥз. | 13И вытряхнул я одежду мою и сказал: так пусть вытряхнет Бог всякого человека, который не сдержит слова сего, из дома его и из имения его, и так да будет у него вытрясено и пусто! И сказало все собрание: аминь. И прославили Бога; и народ выполнил слово сие. |
| 14Эшшо: Иудей музъеме улосвылэн кивалтӥсе монэ пуктэм дырысен, Артаксеркс эксэйын кызетӥ арысен куамын кыкетӥ арзэ пукыку, дас кык ар ӵоже мон но, агай-вынъёсы но улосвылэн кивалтӥсь луонлэсь няньзэ ӧм сие. | 14Еще: с того дня, как определен я был областеначальником их в земле Иудейской, от двадцатого года до тридцать второго года царя Артаксеркса, в продолжение двенадцати лет я и братья мои не ели хлеба областеначальнического. |
| 15Нош мынэсьтым азьвыл улосвылэн кивалтӥсьёс калыкез ӝикатыса возизы, соослэсь ньыльдон азвесь сӥкльзэс гинэ ӧз октылэ, няньзэс, виназэс но октылӥзы; соослэн медооссы гинэ но калыкен кузёяськыса улӥзы. Нош мон, Инмарлэсь кышкаменым, озьы ӧй лэсьты. | 15А прежние областеначальники, которые были до меня, отягощали народ и брали с них хлеб и вино, кроме сорока сиклей серебра; даже и слуги их господствовали над народом. Я же не делал так по страху Божию. |
| 16Со виын ик борддор ӝутон ужез нуыны юрттӥськи; бусыос но ми ӧм басьтэ, мынам вань медоосы отчы ужаны люкаськылӥзы. | 16При этом работы на стене сей я поддерживал; и полей мы не закупали, и все слуги мои собирались туда на работу. |
| 17Мынам ӝӧк сьӧрам сю витьтон муртэн иудейёс, кузёйыръёс, та ёросын улӥсь калыкъёсты лыдъятэк, люкасько вал. | 17Иудеев и начальствующих по сто пятидесяти человек бывало за столом у меня, кроме приходивших к нам из окрестных народов. |
| 18Тани одӥг нуналлы мар дасямын луэ вал: одӥг ош, куать таза ыжъёс, тылобурдоос мон дорын дасясько вал; дас нуналлы быдэ трос пӧртэм пумо вина бырылӥз. Озьы ке но улосвылэн кивалтӥсьлэсь няньзэ курыса ӧй улы, уго секыт ужано-тыршоно луылӥз та калык. | 18И вот что было приготовляемо на один день: один бык, шесть отборных овец и птицы приготовлялись у меня; и в десять дней издерживалось множество всякого вина. И при всем том, хлеба областеначальнического я не требовал, так как тяжелая служба лежала на народе сем. |
| 19Инмаре, буре вай, ӟечлы мыным мед луоз та калыклы мар мон лэсьтӥ. | 19Помяни, Боже мой, во благо мне все, что я сделал для народа сего! |
Глава 5