Выбрать язык
Книги Ветхого Завета
Книги Нового Завета
без русского текстаНЕЕМИЯЛЭН КНИГАЕЗ | КНИГА НЕЕМИИ |
6-тӥ ЛЮКЕТ | Глава 6 |
| 1Милям тушмонъёсмы Санаваллат, Товия но Аравияысь Гешем, мукетъёсыз но кылӥллям: мон борддорме лэсьтыса быдэстӥ, отчы сӧриськем интыосыз ӧз ни кыле – со дырозь капкаосы ӧсъёс ӧй на пуктылы на вал, – | 1Когда дошло до слуха Санаваллата и Товии и Гешема Аравитянина и прочих неприятелей наших, что я отстроил стену, и не оставалось в ней повреждений–впрочем до того времени я еще не ставил дверей в ворота, – |
| 2соку Санаваллатэн Гешем мыным вераны ыстӥзы: «Лыкты, Оно нёжалысь одӥгаз гуртын пумиськомы». Соос мыным урод уж лэсьтыны малпазы. | 2тогда прислал Санаваллат и Гешем ко мне сказать: приди, и сойдемся в одном из сел на равнине Оно. Они замышляли сделать мне зло. |
| 3Нош мон соос доры иворчиосты тазьы вераны ыстӥ: «Бадӟым уж лэсьтонэн вырисько, дыры ӧвӧл, пумиськыны уг быгаты; ужме куштыса, тӥ доры лыктысал ке, уж дугдысал». | 3Но я послал к ним послов сказать: я занят большим делом, не могу сойти; дело остановилось бы, если бы я оставил его и сошел к вам. |
| 4Таӵе ӧтёнэн ньыль пол мон доры вуылӥзы, нош мон соослы сыӵе ик ответ сётылӥ. | 4Четыре раза присылали они ко мне с таким же приглашением, и я отвечал им то же. |
| 5Соку мон доры Санаваллат витетӥ ползэ медозэ ыстӥз, солэн кияз усьтэм гожтэт вал. | 5Тогда прислал ко мне Санаваллат в пятый раз своего слугу, у которого в руке было открытое письмо. |
| 6Отын тазьы гожтэмын вал: «Калыкъёс пӧлын вераськон ветлэ, Гешем но шуэ, тон но, иудейёс но асьтэ понна кариськыны турттӥськоды, пе, со понна тон борддор лэсьтӥськод, пе, соослы тынад эксэй луэмед потэ, пе, – озьы верасько; | 6В нем было написано: слух носится у народов, и Гешем говорит, будто ты и Иудеи задумали отпасть, для чего и строишь стену и хочешь быть у них царем, по тем же слухам; |
| 7пророкъёсты но тон пуктӥд, соос тон сярысь Иерусалимын тазьы мед вераськозы шуыса: ”Иудеялэн эксэез!” Таӵе вераськонъёс эксэй доры вуозы. Соин ик лыкты, кенешомы». | 7и пророков поставил ты, чтоб они разглашали о тебе в Иерусалиме и говорили: царь Иудейский! И такие речи дойдут до царя. Итак приходи, и посоветуемся вместе. |
| 8Нош мон солы тазьы вераны ыстӥ: «Мар сярысь тон вераськод, номыр но сыӵе-таӵеез ӧй вал; тае тон ас визьмыныд малпад». | 8Но я послал к нему сказать: ничего такого не было, о чем ты говоришь; ты выдумал это своим умом. |
| 9Уго соос ялан милемыз кышкатъязы, тазьы малпаса: «Та ужез быдэстыны кизы уз ни ӝутӥськы, со уж уз ни быдэсмы»; нош мон ке аслэсьтым киосме эшшо но юнэсьгес кари. | 9Ибо все они стращали нас, думая: опустятся руки их от дела сего, и оно не состоится; но я тем более укрепил руки мои. |
| 10Мегетавеллэн Делаия пиезлэн Шемаия пиезлэн корказ мон лыктӥ, нош со ворсаськиз но шуиз: «Ойдо Инмарлэн корказ мыном, храмлэн пушказ пыром но бӧрсямы храмлэсь ӧсъёссэ ворсаломы, уго тонэ виыны лыктозы, тонэ виыны уйин лыктозы». | 10Пришел я в дом Шемаии, сына Делаии, сына Мегетавелова, и он заперся и сказал: пойдем в дом Божий, внутрь храма, и запрем за собою двери храма, потому что придут убить тебя, и придут убить тебя ночью. |
| 11Нош мон шуи: «Мон кадь адями пегӟыны быгатоз-а? Мон кадь адями улэп кылён понна храме пырыны быгатоз-а? Уг мыны». | 11Но я сказал: может ли бежать такой человек, как я? Может ли такой, как я, войти в храм, чтобы остаться живым? Не пойду. |
| 12Мон тодӥсько вал, сое Инмар ӧз ысты шуыса, Товияен Санаваллат сое, дун тырыса, асьсэ пала каризы, мыным азьпалзэ тодытыса мед вералоз шуыса. | 12Я знал, что не Бог послал его, хотя он пророчески говорил мне, но что Товия и Санаваллат подкупили его. |
| 13Соин со, дун тырыса, асьсэ пала каремын вал: мон мед куалектом но озьы мед лэсьтом, мед сьӧлыкалом, мон сярысь урод малпан мед кылдоз, со понна монэ пыкылыса, улляса мед возёзы. | 13Для того он был подкуплен, чтоб я устрашился и сделал так и согрешил, и чтобы имели о мне худое мнение и преследовали меня за это укоризнами. |
| 14Эй, Инмаре, Товияен Санаваллатэз соослэн лэсьтэм ужзыя, нош озьы ик Ноадия пророк кышномуртэз, монэ куалектытыны малпась мукет пророкъёсты но тодад вай! | 14Помяни, Боже мой, Товию и Санаваллата по сим делам их, а также пророчицу Ноадию и прочих пророков, которые хотели устрашить меня! |
| 15Борддор ӝутон Елул толэзьлэн кызь витетӥ нуналаз, витьтон кык нунал куспын йылпумъямын вал. | 15Стена была совершена в двадцать пятый день месяца Елула, в пятьдесят два дня. |
| 16Та сярысь вань тушмонъёсмы кылэмзы бере, тае ми котырын улӥсь вань калыкъёслэн адӟемзы бере асьсэ син азьын улэ усизы но тодӥзы, та ужез Инмармы лэсьтӥз шуыса. | 16Когда услышали об этом все неприятели наши, и увидели это все народы, которые вокруг нас, тогда они очень упали в глазах своих и познали, что это дело сделано Богом нашим. |
| 17Та сяна, со нуналъёсы нимо-дано иудейёс трос гожтэтъёс гожъяллязы но Товиялы ысъяллязы, нош Товиялэн гожтэтъёсыз соос доры вуылӥзы. | 17Сверх того в те дни знатнейшие Иудеи много писали писем, которые посылались к Товии, а Товиины письма приходили к ним. |
| 18Уго Иудеяын тросэз, кыл сётыса, соин кусып возьылӥзы, малы ке шуоно со Арахлэн Шехания пиезлэн эмеспиез вал, нош солэн Иоханан пиез Верехиялэсь Мешуллам пиезлэсь нылзэ аслыз кышно басьтӥз. | 18Ибо многие в Иудее были в клятвенном союзе с ним, потому что он был зять Шехании, сын Арахова, а сын его Иоханан взял за себя дочь Мешуллама, сына Верехии. |
| 19Мон азьын солэн ӟеч сямо луэмез сярысь но соос вераськылӥзы, мынэсьтым верам кылъёсме со доры вуттылӥзы. Монэ кышкатон понна Товия гожтэтъёс ыстылӥз. | 19Даже о доброте его они говорили при мне, и мои слова переносились к нему. Товия присылал письма, чтоб устрашить меня. |
Глава 6