Библия
Выбрать язык
Книги Ветхого Завета
Книги Нового Завета
с русским текстом
ИОВЛЭН КНИГАЕЗ
25-тӥ ЛЮКЕТ
1Савхейысь Вилдад ответ сётыса шуиз:
2«Кужым Инмар киын, Солэсь кышкано;
Аслаз ӝужыт интыяз Со тупаса улонэз кылдытэ!
3Солэсь ин ожгарчиоссэ лыдъяны луоз-а?
Инмарлэн югытэз кин вылэ уг ӝужа?
4Адямилы Инмар азьын кызьы шонерлыко луоно,
кышномуртлэсь вордӥськемлы кызьы дун-чылкыт луоно?
5Тани, толэзь гинэ но югыт ӧвӧл, кизилиос но
Солэн син азяз дун-чылкытэсь ӧвӧл.
6Уката ик адями – нумыр, адямилэн пиез – кей».
Глава 25
