Библия
Выбрать язык
Книги Ветхого Завета
Книги Нового Завета
с русским текстом
ИОВЛЭН КНИГАЕЗ
26-тӥ ЛЮКЕТ
1Иов ответ сётыса шуиз:
2«Макем тон кужымтэмлы юрттӥд,
лябӟемлэсь суйбыгытсэ юнматӥд!
3Нодтэм муртлы кыӵе визь-кенеш сётӥд,
кызьы ужъюгдурез йылысеныз пумозяз валэктӥд!
4Кинлы тон та кылъёсты верад, кыӵе духен тон тае верад?
5Рефаимъёс*а куалекъяло вуос улын, отын улӥсьёс но.
6Со азьын дуннелэн пыдэсыз гольык каремын,
аваддонлы*б шобрет сюрымтэ.
7Уйпалэз буш азе вӧлъяз, музъемез номыртэм интые ошиз.
8Пилемъёсыз пушкы Со вуосты интыя, пилем соос улэ уг выйы.
9Со Аслэсьтыз престолзэ пуктӥз но со вылэ пилемзэ вӧлъяз.
10Инэн ву вискытӥ, югытэн пеймыт вискытӥ гож кыскиз.
11Ин юбоос куалекъяло, Солэн гудыръямезлэсь туж кышкало.
12Аслаз кужыменыз зарезез гыатэ,
Аслаз визьмыныз шимес раавез-китэз погыртэ.
13Солэн духез бордысь инлэн паймымон чеберлыкез кылдӥз;
Со Ас киыныз лобась кыез вииз.
14Тани, та Солэн ужъёсызлэн пичи гинэ люкетъёсыз;
но макем ӧжыт ми Со сярысь кылӥмы!
Нош Солэн быдӟымлыкезлэсь гудыризэ кин валаны быгатоз?»
*а 26:5 рефаим – татын: дунне пыдэсын улӥсь кулэмъёслэн лулъёссы
*б 26:6 аваддон – адлэн пыдэсыз; пыдэстэм дунне
Глава 26
