Выбрать язык
Книги Ветхого Завета
Книги Нового Завета
без русского текстаПСАЛТИРЬ | ПСАЛТИРЬ |
77-тӥ ПСАЛОМ | Глава 77 |
| Асафлэн дышетонэз. | Учение Асафа. |
| 1Калыке, кылзы мынэсьтым дышетэмме, ымысьтым потӥсь кылъёс пала пельдэс мыкыртэ. | 1Внимай, народ мой, закону моему, приклоните ухо ваше к словам уст моих. |
| 2Мадён вераны кутско, вашкала вакытысь визьмо веранъёсты усьто. | 2Открою уста мои в притче и произнесу гадания из древности. |
| 3Мар но ми ӧм кылэ, мар но ӧм тодэ, милям атайёсмы мар но милемлы ӧз вералэ! | 3Что слышали мы и узнали, и отцы наши рассказали нам, |
| 4Соослэн нылпиоссылэсь ум ватэ, вуоно выжыослы Кузё-Инмарлэсь данзэ, Солэсь кужымзэ, Солэсь лэсьтэм паймымон ужъёссэ ивортомы. | 4не скроем от детей их, возвещая роду грядущему славу Господа, и силу Его, и чудеса Его, которые Он сотворил. |
| 5Иаковлы Со курон-косон вайиз, Израильлы закон сётӥз, атайёсмылы асьсэлэн нылпиоссылы со сярысь вераны косӥз. | 5Он постановил устав в Иакове и положил закон в Израиле, который заповедал отцам нашим возвещать детям их, |
| 6Лыктӥсь выжы, вордӥськоно нылпиос мед тодозы, соос но, дыр вуиз ке, асьсэлэн нылпиоссылы мед вералозы шуыса, | 6чтобы знал грядущий род, дети, которые родятся, и чтобы они в свое время возвещали своим детям, – |
| 7Инмар вылэ оскиськыса мед улозы; Инмарлэсь ужъёссэ вунэтоно ӧвӧл, Солэсь курон-косонъёссэ утёно. | 7возлагать надежду свою на Бога и не забывать дел Божиих, и хранить заповеди Его, |
| 8Атайёсмылы укшаны уг яра – вогъяськись, бугыръяськись выжылы, сюлмынызы радъяськымтэ, духенызы Инмарлы оскиськымон луымтэ муртъёслы. | 8и не быть подобными отцам их, роду упорному и мятежному, неустроенному сердцем и неверному Богу духом своим. |
| 9Ефрем пиос, ожмаськон тӥрлык кутэмъёс, пукыӵен ыбылӥсьёс, ож нуналэ берлань чигназы. | 9Сыны Ефремовы, вооруженные, стреляющие из луков, обратились назад в день брани: |
| 10Соос Инмарлэсь сӥзён-косонзэ ӧз уте, Солэн законэзъя улонлэсь куштӥськизы; | 10они не сохранили завета Божия и отреклись ходить в законе Его; |
| 11соослы возьматэм ужъёссэ, паймымон ужъёссэ, соос вунэтӥзы. | 11забыли дела Его и чудеса, которые Он явил им. |
| 12Египет музъем вылын, Цоан бусыын, атайёсмылэн син азязы Со паймымон ужъёс лэсьтӥз. | 12Он пред глазами отцов их сотворил чудеса в земле Египетской, на поле Цоан: |
| 13Зарезез шори люкиз но соосты со пыр поттӥз, вуосты борддорез кадь султытӥз. | 13разделил море, и провел их чрез него, и поставил воды стеною; |
| 14Нуназе соосты пилем сьӧрын нуиз, нош быдэс уй ӵоже тыллэн югытэзъя валтӥз; | 14и днем вел их облаком, а во всю ночь светом огня; |
| 15кыр дуннеысен изэз шори ӵогиз – быдӟым пыдэстэм гуысь кадь потӥсь вуэн соосты сектаз. | 15рассек камень в пустыне и напоил их, как из великой бездны; |
| 16Изгурезьысь ву ӧр поттӥз – шур кадь вуос бызьыны кутскизы. | 16из скалы извел потоки, и воды потекли, как реки. |
| 17Нош соос Вылысь Инмар азьын ялан сьӧлыкаса улӥзы на, кыр дуннеысен Солэсь вожзэ поттыса улӥзы. | 17Но они продолжали грешить пред Ним и раздражать Всевышнего в пустыне: |
| 18Асьсэлэн кӧтсылы-сюлэмзылы кельшись сиён курыса, сюлмынызы Инмарлэсь визьзэ сынаса улӥзы, | 18искушали Бога в сердце своем, требуя пищи по душе своей, |
| 19Инмарлы пумит кылъёс вераса шуизы: «Кыр дуннеын Инмар сиён-юонэн ӝӧк пуктыны быгатоз-а?» | 19и говорили против Бога и сказали: `может ли Бог приготовить трапезу в пустыне?' |
| 20Тани, Со из вылэ шуккиз но, вуос бызьыны кутскизы, шуръёс ӧръяськизы. «Быгатоз-а Со нянь сётыны, быгатоз-а Аслаз калыкезлы сӥль сётыны?» | 20Вот, Он ударил в камень, и потекли воды, и полились ручьи. `Может ли Он дать и хлеб, может ли приготовлять мясо народу Своему?' |
| 21Кузё-Инмар кылӥз но йыркурен ӝуатскиз, Иаков пушкы тыл кенжиз, Израиль вылэ йыркур ӝутскиз, | 21Господь услышал и воспламенился гневом, и огонь возгорелся на Иакова, и гнев подвигнулся на Израиля |
| 22Инмарлы оскымтэзы понна, Солэн утёнэзлы оскиськымтэзы понна. | 22за то, что не веровали в Бога и не уповали на спасение Его. |
| 23Йылысен Со пилемъёслы косӥз но инлэсь ӧссэ усьтӥз, | 23Он повелел облакам свыше и отверз двери неба, |
| 24соос вылэ, сиыны шуыса, маннаез зор вуэз кадь кисьтӥз, соослы ин нянь сётӥз. | 24и одождил на них манну в пищу, и хлеб небесный дал им. |
| 25Кылчинъёслэсь няньзэс адями сииз, соослы Со кӧтсы тырымон сиён ыстӥз. | 25Хлеб ангельский ел человек; послал Он им пищу до сытости. |
| 26Инмын шундыӝужанысь тӧлэз Со ӝутӥз, Аслаз кужмыныз лымшор тӧлэз поттӥз. | 26Он возбудил на небе восточный ветер и навел южный силою Своею |
| 27Тузонэз выллем соос вылэ сӥль кисьтӥз, зарезь луоез выллем кыр тылобурдоосты вайиз. | 27и, как пыль, одождил на них мясо и, как песок морской, птиц пернатых: |
| 28Юртъёссы вӧзы, котыртэм шоразы соосты уськытылӥз. | 28поверг их среди стана их, около жилищ их, – |
| 29Соос сиизы, кӧтсы тыриз; соослы мар кулэ вал, ваньзэ сётӥз. | 29и они ели и пресытились; и желаемое ими дал им. |
| 30Соослэн копаськон мылкыдзы ӧз на ортчы вал, сиёнзы ымазы на вал, | 30Но еще не прошла прихоть их, еще пища была в устах их, |
| 31Инмарлэн вожпотонэз соос вылэ вуиз, самой куаем муртъёссэс вииз, Израильлэсь егит пиоссэ уськытъяз. | 31гнев Божий пришел на них, убил тучных их и юношей Израилевых низложил. |
| 32Озьы ке но соос эшшо сьӧлыкаса улӥзы на, Солэн паймымон ужъёсызлы ӧз оске. | 32При всем этом они продолжали грешить и не верили чудесам Его. |
| 33Соослэсь нуналъёссэс алекъяськон пӧлын быдтӥз, улоно аръёссэс – кышкан-куалекъян пӧлын. | 33И погубил дни их в суете и лета их в смятении. |
| 34Соосты виылыны кутске ке вал, соку соос Сое утчаны кутскылӥзы, Солы вазиськылӥзы, вазь ӵукнаысен ик Инмар доры лыктылӥзы. | 34Когда Он убивал их, они искали Его и обращались, и с раннего утра прибегали к Богу, |
| 35Тодазы вайизы, Инмар соослэн утиськон интызы, Вылысь Инмар соослэн Мозмытӥсьсы шуыса. | 35и вспоминали, что Бог–их прибежище, и Бог Всевышний–Избавитель их, |
| 36Ымынызы Со азьын чеберъяськизы, нош кылынызы Со азьын пӧяськылӥзы. | 36и льстили Ему устами своими и языком своим лгали пред Ним; |
| 37Сюлэмзы Со азьын чылкыт ӧй вал, Солэн сӥзён-косонэзлы соос оскиськымонэсь ӧй вал. | 37сердце же их было неправо пред Ним, и они не были верны завету Его. |
| 38Нош Со гажаса-жаляса соослэсь сьӧлыксэс куштылӥз, ӧз быдтылы соосты; трос пол Аслэсьтыз йыркурзэ кысылӥз, вань вожпотонзэ ӧз поттылы. | 38Но Он, Милостивый, прощал грех и не истреблял их, многократно отвращал гнев Свой и не возбуждал всей ярости Своей: |
| 39Со тодаз возиз, соос лулмугор, лулбус луо шуыса, кудӥз кошке но уг ни берытскы. | 39Он помнил, что они плоть, дыхание, которое уходит и не возвращается. |
| 40Кӧня пол кыр дуннеысен соос Солы пумитъяськылӥзы, тырттэм дуннеын Солэсь вожзэ поттылӥзы! | 40Сколько раз они раздражали Его в пустыне и прогневляли Его в стране необитаемой! |
| 41Нош ик Инмарлэсь визьзэ сынаса улӥзы, Израильлэн Святоезлэсь вожзэ поттылӥзы. | 41и снова искушали Бога и оскорбляли Святаго Израилева, |
| 42Солэн киыныз лэсьтэм ужез тодазы ӧз ни вае, ултӥян улысь мозмытэм нуналзэ но вунэтӥзы, | 42не помнили руки Его, дня, когда Он избавил их от угнетения, |
| 43куке Со Египетын паймымон тодметъёс лэсьтылӥз, Цоан бусыын паймымон ужъёс возьматӥз. | 43когда сотворил в Египте знамения Свои и чудеса Свои на поле Цоан; |
| 44Юыны медаз быгатэ шуыса, шуръёссэс, ӧръёссэс вирлы пӧрмытӥз. | 44и превратил реки их и потоки их в кровь, чтобы они не могли пить; |
| 45Соос вылэ нымы-кибыосты ыстӥз – соос лекаськизы, эбекъёсты лэзиз – соос изъян вайизы. | 45послал на них насекомых, чтобы жалили их, и жаб, чтобы губили их; |
| 46Музъем вылысь будосъёссэс гоно нумыръёслы сётӥз, ужам ужзэс – саранчалы. | 46земные произрастения их отдал гусенице и труд их–саранче; |
| 47Виноградзэс йӧзорен шуккиз, сикоморпузэс пужмерен шобыртӥз. | 47виноград их побил градом и сикоморы их–льдом; |
| 48Пудооссэс йӧзор улэ сётӥз, пудо уллёоссэс чилекъясь тыл улэ кельтӥз. | 48скот их предал граду и стада их–молниям; |
| 49Соос вылэ йыркурезлэсь гомась тылзэ, вожпотонзэ, лекомонзэ, курадӟон, лек кылчинъёслэсь уллёзэс ыстӥз. | 49послал на них пламень гнева Своего, и негодование, и ярость и бедствие, посольство злых ангелов; |
| 50Йыркурзэ соос вылэ кисьтӥз, лулъёссэс кулонлэсь ӧз ни утьы, урод черен соосты погыртӥз. | 50уравнял стезю гневу Своему, не охранял души их от смерти, и скот их предал моровой язве; |
| 51Египетысь ваньзэ нырысь вордскем нуныосты быдтӥз – Хамлэн юртысьтыз кужымлэсь кутсконзэ. | 51поразил всякого первенца в Египте, начатки сил в шатрах Хамовых; |
| 52Ыжъёсты музэн Со калыксэ нуиз, пудо уллёез кадь соосты кыр дуннеетӥ валтӥз. | 52и повел народ Свой, как овец, и вел их, как стадо, пустынею; |
| 53Шурдытытэк соосты нуиз, соос ӧз кышкалэ, тушмонъёссэс зарезь ву ӝокатӥз. | 53вел их безопасно, и они не страшились, а врагов их покрыло море; |
| 54Аслаз святой музъемаз соосты вайиз, бур киыныз басьтэм гурезь йылэ. | 54и привел их в область святую Свою, на гору сию, которую стяжала десница Его; |
| 55Син азьысьтызы калыкъёсты улляз, соослэсь музъемзэс люкетлы сётӥз, Израиль выжыосты соослэн юртъёсазы улыны интыяз. | 55прогнал от лица их народы и землю их разделил в наследие им, и колена Израилевы поселил в шатрах их. |
| 56Нош соос Инмарлэсь Вылысь Инмарлэсь ялан визьзэ сыназы, Солы пумитъяськылӥзы, Солэсь косонъёссэ кулэ ӧз каре. | 56Но они еще искушали и огорчали Бога Всевышнего, и уставов Его не сохраняли; |
| 57Атайёссы кадь чигналлязы, куштӥськылӥзы, кырыжмем пукыӵ кадь берлань берытскылӥзы. | 57отступали и изменяли, как отцы их, обращались назад, как неверный лук; |
| 58Курбон сётон гурезьёсынызы Солэсь вожзэ поттылӥзы, вӧлыса лэсьтэм сульдэръёсынызы Солэсь йырзэ кур карылӥзы. | 58огорчали Его высотами своими и истуканами своими возбуждали ревность Его. |
| 59Инмар кылӥз но йыркурен ӝуатскиз, Израильлы туж вожзэ поттӥз; | 59Услышал Бог и воспламенился гневом и сильно вознегодовал на Израиля; |
| 60Сӥломысь вӧсяськон тылысысь, калык пӧлын улон юртысьтыз Со кошкиз. | 60отринул жилище в Силоме, скинию, в которой обитал Он между человеками; |
| 61Аслэсьтыз кужымзэ пленэ кельтӥз, данзэ тушмонлэн киулаз сётӥз. | 61и отдал в плен крепость Свою и славу Свою в руки врага, |
| 62Калыксэ палаш улэ сётӥз, быръем люкетэзлы йырзэ кур кариз. | 62и предал мечу народ Свой и прогневался на наследие Свое. |
| 63Солэсь егит пиоссэ тыл ньылылӥз, егит нылъёсызлы сюан гуръёс ӧз кырӟалэ. | 63Юношей его поедал огонь, и девицам его не пели брачных песен; |
| 64Священникъёсыз палаш улын бырылӥзы, палкышноосыз бӧрдыны ӧз быгатэ. | 64священники его падали от меча, и вдовы его не плакали. |
| 65Соку Кузё-Инмар кӧлэмысь выллем султӥз, винаен вормем батыр кадь, | 65Но, как бы от сна, воспрянул Господь, как бы исполин, побежденный вином, |
| 66нош тушмонъёссэ берласянь погыртӥз, пырак ӵожелы серекъян-веранлы соосты кельтӥз. | 66и поразил врагов его в тыл, вечному сраму предал их; |
| 67Иосифлэсь юртсэ кулэтэм кариз, Ефремлэсь выжызэ ӧз бырйы. | 67и отверг шатер Иосифов и колена Ефремова не избрал, |
| 68Бырйиз Иудалэсь выжызэ, синмаськем Сӥон гурезез Аслыз бырйиз. | 68а избрал колено Иудино, гору Сион, которую возлюбил. |
| 69Ин кадь ӝужыт вӧсяськон инты пуктӥз, музъемез кадь сое пырак ӵожелы юнматӥз. | 69И устроил, как небо, святилище Свое и, как землю, утвердил его навек, |
| 70Со бырйиз Давидэз, Аслэсьтыз ляльчизэ, ыж гид азбарысь сое басьтӥз, | 70и избрал Давида, раба Своего, и взял его от дворов овчих |
| 71Аслэсьтыз калыксэ, Иаковез, Аслэсьтыз люкетсэ, Израилез, возьманы ыжпи нонтӥсьёс пӧлысь сое вайиз. | 71и от доящих привел его пасти народ Свой, Иакова, и наследие Свое, Израиля. |
| 72Чылкыт сюлмыныз соосты со возьмаз, визьмо киосыныз соосты нуллӥз. | 72И он пас их в чистоте сердца своего и руками мудрыми водил их. |
Глава 77