Выбрать язык
Книги Ветхого Завета
Книги Нового Завета
без русского текстаСОЛОМОНЛЭН МАДЁНЪЁСЫНЫЗ КНИГА | КНИГА ПРИТЧЕЙ СОЛОМОНОВЫХ |
14-тӥ ЛЮКЕТ | Глава 14 |
| 1Визьлыко кышномурт юртсэ кутыса возе, нош укылтэм кышномурт сое ас киыныз куашкатэ. | 1Мудрая жена устроит дом свой, а глупая разрушит его своими руками. |
| 2Шонерлыко сюрес вылтӥ мынӥсь мурт Кузё-Инмарлэсь кышка, нош кинлэн улон сюресэз кырыж, со Кузё-Инмар сярысь уг малпаськы. | 2Идущий прямым путем боится Господа; но чьи пути кривы, тот небрежет о Нем. |
| 3Укылтэмлэн кылыз – вылтӥяськонлэн сюлоез, нош визьлыкоослэн кылзы-ымзы соосты уте. | 3В устах глупого–бич гордости; уста же мудрых охраняют их. |
| 4Ошъёс ке ӧвӧл, тусьёс бушесь; ошъёс ке кужмоесь, трос пайда басьтыны луэ. | 4Где нет волов, там ясли пусты; а много прибыли от силы волов. |
| 5Тодэмзэ-адӟемзэ шонер верась уг ӧрекчаськы, нош адӟемзэ-тодэмзэ шонертэм верась алдаськон вӧлмытэ. | 5Верный свидетель не лжет, а свидетель ложный наговорит много лжи. |
| 6Укылтэм улӥсь визьлыкез утча, но уг шедьты, нош визьнодо муртлы тодон-валан капчиен сётӥське. | 6Распутный ищет мудрости, и не находит; а для разумного знание легко. |
| 7Укылтэм адями дорысь палэнскы, кинлэсь визьмо-нодо вераськемзэ уд кылӥськы. | 7Отойди от человека глупого, у которого ты не замечаешь разумных уст. |
| 8Визьлыко мурт сюрессэ тодэ, со бордын солэн визьлыкез, нош малпаськытэк улӥсьлэн укылтэм ужез йыромонэ нуэ. | 8Мудрость разумного–знание пути своего, глупость же безрассудных–заблуждение. |
| 9Укылтэмъёс сьӧлыкез серекъяло, нош шонер улӥсьёс пӧлын ӟеч эрик улэ. | 9Глупые смеются над грехом, а посреди праведных–благоволение. |
| 10Сюлэм аслэсьтыз куректон-кайгузэ адӟе, солэн шумпотон пӧлаз но уз пыриськы мукет мурт. | 10Сердце знает горе души своей, и в радость его не вмешается чужой. |
| 11Законлы пумит улӥсьёслэн юртсы куашкалоз, нош шонер улӥсьёслэн юртсы узырмоз. | 11Дом беззаконных разорится, а жилище праведных процветет. |
| 12Куд-ог сюресъёс адямилы шонересь кадь пото, нош соос кулонэ нуо. | 12Есть пути, которые кажутся человеку прямыми; но конец их–путь к смерти. |
| 13Серекъяку но кытӥ-отӥ сюлэм висе, шумпотон но кытӥ-отӥ ӝожомонэн йылпумъяське. | 13И при смехе иногда болит сердце, и концом радости бывает печаль. |
| 14Сӧриськем-азэм сюлэмо адями урод-лек ужъёсызлэн емышъёсыныз кӧтсэ тыроз, ӟеч мурт но аслаз улон сюрес вылаз будэтэм емышеныз кӧтсэ тыроз. | 14Человек с развращенным сердцем насытится от путей своих, и добрый–от своих. |
| 15Укылтэм мурт котькыӵе но кыллы оске, нош визьнодо адями улон сюрес вылаз сак улэ. | 15Глупый верит всякому слову, благоразумный же внимателен к путям своим. |
| 16Визьнодо мурт уродлэсь-леклэсь кышка, палэнске солэсь, нош укылтэм мурт – керӟегъяськись, ас вылаз оскиськыса улӥсь луэ. | 16Мудрый боится и удаляется от зла, а глупый раздражителен и самонадеян. |
| 17Керӟег мурт укылтэм уж лэсьтыны быгатэ; тодыса вылысь юри урод-лек уж лэсьтӥсь – синазькыль мурт. | 17Вспыльчивый может сделать глупость; но человек, умышленно делающий зло, ненавистен. |
| 18Визьнодтэмъёс укылтэмлыкез асьсэлы люкетлы басьто, нош визьнодоос тодонлыкен шобырско. | 18Невежды получают в удел себе глупость, а благоразумные увенчаются знанием. |
| 19Лек муртъёс лякыт муртъёслэн азязы йыбырттозы, нош сьӧлыклэсь кышкасьтэмъёс шонер улӥсьлэн капка азяз йырзэс мыкыртозы. | 19Преклонятся злые пред добрыми и нечестивые–у ворот праведника. |
| 20Куанер-начар улӥсез матысьёсыз но синазькыль каро, нош узырлэн трос эшъёсыз луо. | 20Бедный ненавидим бывает даже близким своим, а у богатого много друзей. |
| 21Матысьсэ синазькыль карись сьӧлыка, нош куанер улӥсез гажась-жалясь мурт шудо. | 21Кто презирает ближнего своего, тот грешит; а кто милосерд к бедным, тот блажен. |
| 22Урод уж лэсьтыны малпасьёс уг янгышало-а? [Урод лэсьтӥсьёс гажан-жалянэз, шонерлыкез уг тодо;] гажан-жалян, шонерлык ӟеч малпасьёс дорын уло. | 22Не заблуждаются ли умышляющие зло? но милость и верность у благомыслящих. |
| 23Котькудӥз но уж табыш сётэ, нош юнме супыльтон изъян гинэ вае. | 23От всякого труда есть прибыль, а от пустословия только ущерб. |
| 24Узырлык – визьнодоослэн венец изьызы, нош йӧнтэмъёслэн укылтэмлыксы укылтэмлык ик вань. | 24Венец мудрых–богатство их, а глупость невежд глупость и есть. |
| 25Адӟемзэ-кылэмзэ шонер верась лулъёсты уте, нош адӟемзэ-тодэмзэ шонертэм верась алдаськон вӧлмытэ. | 25Верный свидетель спасает души, а лживый наговорит много лжи. |
| 26Кузё-Инмар азьын кышканэн улон – юн оскиськон, Ас нылпиосызлы Со утиськон инты луэ. | 26В страхе пред Господом–надежда твердая, и сынам Своим Он прибежище. |
| 27Кузё-Инмарлэсь кышкан – улон сётӥсь ошмес, со кулонлэн сьӧлтэтъёсызлэсь палэнтэ. | 27Страх Господень–источник жизни, удаляющий от сетей смерти. |
| 28Трос калыкез луыку, эксэй бадӟымлыко луэ, нош калыкез ӧжыт луыку, эксэй понна шугадӟон вуэ. | 28Во множестве народа–величие царя, а при малолюдстве народа беда государю. |
| 29Чидась муртлэн трос визьмыз, нош керӟегъяськыса улӥсь аслэсьтыз укылтэм луэмзэ возьматэ. | 29У терпеливого человека много разума, а раздражительный выказывает глупость. |
| 30Бугыръяськисьтэм сюлэм мугорлэсь улонзэ кузятэ, нош вожъяськон – лыосты сисьтэ. | 30Кроткое сердце–жизнь для тела, а зависть–гниль для костей. |
| 31Куанер улӥсез ӝикатыса-ёртыса возись мурт солэсь Кылдытӥсьсэ ултӥя, нош Кылдытӥсез санэ понӥсь мурт ёрмыса улӥсьлы ӟеч лэсьтэ. | 31Кто теснит бедного, тот хулит Творца его; чтущий же Его благотворит нуждающемуся. |
| 32Сьӧлыклэсь кышкасьтэм уродэз-лекез понна сэрпалтэмын луоз, нош шонер улӥсьлэн кулон азяз но оскиськонэз вань. | 32За зло свое нечестивый будет отвергнут, а праведный и при смерти своей имеет надежду. |
| 33Визьлык визьнодо муртлэн сюлмаз улэ, укылтэмъёс пӧлын но со ачиз сярысь тодытэ. | 33Мудрость почиет в сердце разумного, и среди глупых дает знать о себе. |
| 34Шонер улӥсь калык вылӥе ӝутске, нош законлы пумит улӥсь калык ассэ сӥтэм-сантэм каре. | 34Праведность возвышает народ, а беззаконие–бесчестие народов. |
| 35Визьнодо ляльчилы эксэй ӟеч эриксэ возьматэ, нош сое сантэмасьлы йыркурзэ кисьтэ. | 35Благоволение царя–к рабу разумному, а гнев его–против того, кто позорит его. |
Глава 14