Выбрать язык
Книги Ветхого Завета
Книги Нового Завета
без русского текстаИСАИЯ ПРОРОКЛЭН КНИГАЕЗ | КНИГА ПРОРОКА ИСАИИ |
13-тӥ ЛЮКЕТ | Глава 13 |
| 1Амослэн Исаия пиезлэн Вавилонлэсь азьпал адӟонзэ тодытонэз. | 1Пророчество о Вавилоне, которое изрек Исаия, сын Амосов. |
| 2Гольык гурезь йылын знамя ӝутэ, куарадэс будэтэ; соослы киыныды шонтэ, кузёослэн капка пыртӥзы потыса мед лыктозы шуыса. | 2Поднимите знамя на открытой горе, возвысьте голос; махните им рукою, чтобы шли в ворота властелинов. |
| 3Аслам быръем муртъёсылы Мон косон сётӥ, вожпотонме возьматыны Аслэсьтым кужмо муртъёсме ӧти, соос шумпото-шулдыръясько Мынам быдӟым луонэлы. | 3Я дал повеление избранным Моим и призвал для совершения гнева Моего сильных Моих, торжествующих в величии Моем. |
| 4Трос калык люкаськон дыръя кадь гурезьёсын бадӟым куашетон кылӥське, огазе люкаськем калыкъёслэн но эксэйлыкъёслэн бугыръяськись куаш поттонзы: ожмаськыны дасяськем ожгарчиосты Саваоф Кузё-Инмар учке-чакла. | 4Большой шум на горах, как бы от многолюдного народа, мятежный шум царств и народов, собравшихся вместе: Господь Саваоф обозревает боевое войско. |
| 5Быдэс музъемез куашкатон понна инлэн пумысеныз, кыдёкысь шаерысь, Кузё-Инмар но Солэн вожпотонэзлэн ожмаськон тӥрлыкъёсыз лыкто. | 5Идут из отдаленной страны, от края неба, Господь и орудия гнева Его, чтобы сокрушить всю землю. |
| 6Викышъяса зар бӧрдэ, – Кузё-Инмарлэн нуналэз матын! Ваньмызлэсь Кужмо бордысь куашкатӥсь выллем кужым лыктэ. | 6Рыдайте, ибо день Господа близок, идет как разрушительная сила от Всемогущего. |
| 7Соин ик ваньмызлэн киоссы лэзиськизы, вань адямиослэн сюлэмзы куалектӥз. | 7Оттого руки у всех опустились, и сердце у каждого человека растаяло. |
| 8Дэймизы, сӥнырзы кысканы кутскиз, вӧсь луонъёс соосты шымыртӥзы; нуны вайись кадь курадӟо, абдраса огзы шоры огзы учко, ымныръёссы ӵыжектэмын. | 8Ужаснулись, судороги и боли схватили их; мучатся, как рождающая, с изумлением смотрят друг на друга, лица у них разгорелись. |
| 9Тани Кузё-Инмарлэн лек нуналыз вуэ, лекъяськонэн, гомаса ӝуась вожпотонэн лыктэ – музъемез кыр дунне карыны, сьӧлыко муртъёсты быдтыны. | 9Вот, приходит день Господа лютый, с гневом и пылающею яростью, чтобы сделать землю пустынею и истребить с нее грешников ее. |
| 10Инмысь кизилиос но, кизили люкъёс но ас бордысьтызы югыт уг сёто; шунды ӝужакуз кысэ, толэзь но ас югытэныз уг чиля. | 10Звезды небесные и светила не дают от себя света; солнце меркнет при восходе своем, и луна не сияет светом своим. |
| 11Дунне вылэз уродлык понна, сьӧлыклэсь кышкасьтэмъёсты законлы пумит ужъёссы понна вӧсь каро, вылӥ мылкыдоослэн вылтӥяськонзылы пум поно, ёртыса возисьёслэсь возьыттэмлыксэс сереме уськыто. | 11Я накажу мир за зло, и нечестивых–за беззакония их, и положу конец высокоумию гордых, и уничижу надменность притеснителей; |
| 12Озьы лэсьто: адямиос чылкыт зарнилэсь дуноесьгес луозы, воргоронъёсты но Офир зарнилэсь дуноесьгес каро. | 12сделаю то, что люди будут дороже чистого золота, и мужи–дороже золота Офирского. |
| 13Та понна инбамез сэзъяло, соку, Саваоф Кузё-Инмарлэн вожпотонэзлы чидатэк, Солэн вожпотонэзлэн гомаса ӝуась нуналаз музъем интыысьтыз вырӟоз. | 13Для сего потрясу небо, и земля сдвинется с места своего от ярости Господа Саваофа, в день пылающего гнева Его. |
| 14Соку котькудӥз, сьӧраз уйиськись кыркеч кадь, кузётэк кылем ыжъёс кадь, ас калыкез пала кариськоз, ваньзы ас музъемазы бызьыса кошкозы. | 14Тогда каждый, как преследуемая серна и как покинутые овцы, обратится к народу своему, и каждый побежит в свою землю. |
| 15Нош кин тушмонлэн киулаз сюриз ке, сое бышкалтозы, кинэ ке кырмизы ке, сое мечен ӵогозы. | 15Но кто попадется, будет пронзен, и кого схватят, тот падет от меча. |
| 16Вож нуныоссэс но син азязы виылозы; коркаоссэс таркалозы, кышнооссэс сантэмалозы. | 16И младенцы их будут разбиты пред глазами их; домы их будут разграблены и жены их обесчещены. |
| 17Тани соослы пумит Мон азвесез дунъясьтэм, зарни борды думиськымтэ мидян калыкез ӝуто. | 17Вот, Я подниму против них Мидян, которые не ценят серебра и не пристрастны к золоту. |
| 18Пукыӵъёссы егит пиосты погыртозы, кӧтпуш емышез уз жалялэ; синъёссы пичи муртъёс шоры жаляса уз учке. | 18Луки их сразят юношей и не пощадят плода чрева: глаз их не сжалится над детьми. |
| 19Вавилон – эксэйлыкъёслэн синчеберзы, халдейёслэн данъяськонзы, Содомен Гоморраез кадь тонэ Инмар погыртоз, | 19И Вавилон, краса царств, гордость Халдеев, будет ниспровержен Богом, как Содом и Гоморра, |
| 20нокин но отчы улыны уз интыяськы, выжыысь выжые отын улӥсез уз луы; Аравияын улӥсь отчы балаганзэ уз пукты, пудо возьмасьёс но уллёосынызы ӵош отын уз шутэтске. | 20не заселится никогда, и в роды родов не будет жителей в нем; не раскинет Аравитянин шатра своего, и пастухи со стадами не будут отдыхать там. |
| 21Кыр дуннеысь пӧйшуръёс отчы улыны интыяськозы, корка пушъёсын пелёкучыранъёс пачылаз улозы, страусъёс улыны интыяськозы, кузь гоноос отӥ тэтчаса ветлозы. | 21Но будут обитать в нем звери пустыни, и домы наполнятся филинами; и страусы поселятся, и косматые будут скакать там. |
| 22Юртъёсазы шакалъёс вузозы, шулдыръяськон коркаосазы гиенаос шуш куараен кесяськозы. | 22Шакалы будут выть в чертогах их, и гиены–в увеселительных домах. |
Глава 13