Выбрать язык
Книги Ветхого Завета
Книги Нового Завета
без русского текстаИСАИЯ ПРОРОКЛЭН КНИГАЕЗ | КНИГА ПРОРОКА ИСАИИ |
19-тӥ ЛЮКЕТ | Глава 19 |
| 1Египет сярысь азьпалзэ тодытыса веран. Тани, Кузё-Инмар капчи пилем вылэ пуксёз но Египетэ вуоз. Со азьын Египетлэн сульдэръёсыз-идолъёсыз куалекъялозы, Египетлэн сюлмыз пумоз. | 1Пророчество о Египте. –Вот, Господь восседит на облаке легком и грядет в Египет. И потрясутся от лица Его идолы Египетские, и сердце Египта растает в нем. |
| 2Египетын улӥсьёсты огзылы пумит огзэс султыто – агай-вынъёс ог-огенызы ваче пумит жугиськозы, эшез эшезлы пумит кариськоз; город городэн, эксэйлык эксэйлыкен ваче пумит жугиськозы. | 2Я вооружу Египтян против Египтян; и будут сражаться брат против брата и друг против друга, город с городом, царство с царством. |
| 3Египетлэн духез катьтэммоз, Мон солэсь кенешсэ куашкато, – соку соос сульдэръёссылы, син пӧртмасьёслы, кулэм муртлэсь духсэ ӧтьылӥсьёслы, туно-пеллёослы вазиськозы. | 3И дух Египта изнеможет в нем, и разрушу совет его, и прибегнут они к идолам и к чародеям, и к вызывающим мертвых и к гадателям. |
| 4Египетын улӥсьёсты жалянэз валасьтэм эксэй киулэ сёто, туж лек эксэй соосын кузёяськоз, – шуэ Кузё-Инмар, Саваоф Кузё-Инмар. | 4И предам Египтян в руки властителя жестокого, и свирепый царь будет господствовать над ними, говорит Господь, Господь Саваоф. |
| 5Зарезьысь вуос кулэсмозы, шурысь ву быроз, куасьмоз; | 5И истощатся воды в море и река иссякнет и высохнет; |
| 6шуръёсы ӧжыт ву кылёз, Египетысь арыкъёс лазегомозы, куасьмозы; камышен тростник будосъёс шуялозы. | 6и оскудеют реки, и каналы Египетские обмелеют и высохнут; камыш и тростник завянут. |
| 7Шур дурысь, шур вӧзысь бусыос куасьмозы, шурен артэ вань кизем ю-нянь куасьмоз, тӧлъя-буръя кошкоз, ышоз-быроз. | 7Поля при реке, по берегам реки, и все, посеянное при реке, засохнет, развеется и исчезнет. |
| 8Бӧрдозы чорыгасьёс, куараен зар бӧрдозы шуре визнан куштӥсьёс, казьзэс-сетьсэс вуэ пуктӥсьёс ӝоже усёзы; | 8И восплачут рыбаки, и возрыдают все, бросающие уду в реку, и ставящие сети в воде впадут в уныние; |
| 9етӥн мертчан согъясьёс, тӧдьы дэра куисьёс куалектозы; | 9и будут в смущении обрабатывающие лен и ткачи белых полотен; |
| 10казьёс-сетьёс кесяськозы, ваньмызлэн, чорыг кутылонын ужась медоослэн, мылкыдзы сӧриськоз. | 10и будут сокрушены сети, и все, которые содержат садки для живой рыбы, упадут в духе. |
| 11Озьы! Цоанысь кивалтӥсьёс визьзэс ыштӥзы; фараонлэн визьлыко визь-кенеш сётылӥсьёсызлэн кенешсы кулэтэм-ярантэм луиз. Кызьы тӥ фараонлы шуоды: «Мон – визьнодчиослэн пизы, вашкала эксэйёслэн пизы». | 11Так! обезумели князья Цоанские; совет мудрых советников фараоновых стал бессмысленным. Как скажете вы фараону: `я сын мудрецов, сын царей древних?' |
| 12Кытын соос? Кытын тынад визьнодчиосыд? Табере соос тыныд мед вералозы; мед валэктозы, Саваоф Кузё-Инмар Египет пумысен мар кутӥз-пуктӥз. | 12Где они? где твои мудрецы? пусть они теперь скажут тебе; пусть узнают, что Господь Саваоф определил о Египте. |
| 13Визьзэс ыштӥзы Цоанысь кивалтӥсьёс; янгышазы Мемфисысь кивалтӥсьёс, Египетэз выжыосызлэн йыръёссы сюрес вылысь мыдлане кожытӥзы. | 13Обезумели князья Цоанские; обманулись князья Мемфисские, и совратил Египет с пути главы племен его. |
| 14Кузё-Инмар отчы кудӟонлэсь духсэ ыстӥз, соку Египет вань ужъёсыныз йыромиз, кудӟем муртлэн аслаз ӧскем вылтӥз ветлэмез кадь со улыны кутскиз. | 14Господь послал в него дух опьянения; и они ввели Египет в заблуждение во всех делах его, подобно тому, как пьяный бродит по блевотине своей. |
| 15Египетын йыр но быж, пальма но боды – нокудзы но, номыр но лэсьтыны уз ни быгатэ. | 15И не будет в Египте такого дела, которое совершить умели бы голова и хвост, пальма и трость. |
| 16Со нуналэ Египетын улӥсьёс кышномуртъёслы укшалозы, куалектозы но Саваоф Кузё-Инмарлэн соос вылэ ӝутэм ки вырӟытэмезлэсь кышкалозы. | 16В тот день Египтяне будут подобны женщинам, и вострепещут и убоятся движения руки Господа Саваофа, которую Он поднимет на них. |
| 17Иудалэн музъемезлэсь Египет туж кышкаса улоно луоз; кин ке со сярысь тодаз вайиз ке, со мурт, Саваоф Кузё-Инмарлэсь Египет пумысен кутэм-пуктэмзэ тодыса, куалекъялоз. | 17Земля Иудина сделается ужасом для Египта; кто вспомнит о ней, тот затрепещет от определения Господа Саваофа, которое Он постановил о нем. |
| 18Со нуналэ Египет музъемын вить городъёс ханаан кылын вераськыны, Саваоф Кузё-Инмарлы йыбыртъяны кутскозы; соос пӧлысь одӥгез ”Шундыкар” шуыса нимаськоз. | 18В тот день пять городов в земле Египетской будут говорить языком Ханаанским и клясться Господом Саваофом; один назовется городом солнца. |
| 19Со нуналэ Кузё-Инмарлы курбон сётон ӝӧк Египет музъемлэн шораз пуктэмын луоз, Кузё-Инмарлы сӥзем юбо солэн кунгож дураз пуктозы. | 19В тот день жертвенник Господу будет посреди земли Египетской, и памятник Господу–у пределов ее. |
| 20Египет музъемын со Саваоф Кузё-Инмар сярысь тодытӥсь, ивортӥсь луоз, малы ке шуоно ёртыса-ӝикатыса возисьёсын сэрен соос Кузё-Инмарлы вазиськозы но, соослы утисез, дурбасьтӥсез соосты мозмытыны Со лэзёз. | 20И будет он знамением и свидетельством о Господе Саваофе в земле Египетской, потому что они воззовут к Господу по причине притеснителей, и Он пошлет им спасителя и заступника, и избавит их. |
| 21Кузё-Инмар Ассэ Египетын возьматоз; со нуналэ Египетын улӥсьёс Кузё-Инмарез тодмалозы но курбонъёс, кузьымъёс ваёзы, Кузё-Инмарлы сӥзиськозы, сӥзиськемзэс быдэстозы. | 21И Господь явит Себя в Египте; и Египтяне в тот день познают Господа и принесут жертвы и дары, и дадут обеты Господу, и исполнят. |
| 22Кузё-Инмар Египетэз вӧсь кароз, – вӧсь кароз но бурмытоз: соос Кузё-Инмарлы вазиськозы, нош Со кылоз но соосты бурмытоз. | 22И поразит Господь Египет; поразит и исцелит; они обратятся к Господу, и Он услышит их, и исцелит их. |
| 23Со нуналэ Египетысь Ассирие бадӟым сюрес луоз, Ассирияысь калык Египетэ ветлылоз, нош Египетын улӥсьёс – Ассирияе; Египетысь калык Ассирияысь калыкен валче Кузё-Инмарлы служить карозы. | 23В тот день из Египта в Ассирию будет большая дорога, и будет приходить Ассур в Египет, и Египтяне–в Ассирию; и Египтяне вместе с Ассириянами будут служить Господу. |
| 24Со нуналэ Израиль Египетэн, Ассирияен огазьын, куинетӥез кун луоз; соос бакель каремын луозы музъемлэн шораз. | 24В тот день Израиль будет третьим с Египтом и Ассириею; благословение будет посреди земли, |
| 25Саваоф Кузё-Инмар соосты бакель кароз но шуоз: «Бакельлыко Мынам калыке – Египетысь калык, Мынам киылэн ужез – ассириецъёс, Мынам люкетэ – Израиль». | 25которую благословит Господь Саваоф, говоря: благословен народ Мой–Египтяне, и дело рук Моих–Ассирияне, и наследие Мое–Израиль. |
Глава 19