Выбрать язык
Книги Ветхого Завета
Книги Нового Завета
с русским текстом1Кузё-Инмаре, шонерлыко Судья Тон,
но озьы ке но мон Тынэсьтыд шонерлыко суд сярысь юало:
малы бен сьӧлыклэсь кышкасьтэмъёслэн сюрессы азинлыко,
малы вань кескич муртъёс майбыр уло?
2Тон соосты мерттӥд но, соос выжы лэзизы,
будӥзы но емыш ваё ни.
Соос кылынызы-ымынызы Тыныд матын уло,
нош сюлмынызы кыдёкын сыло.
3Кузё-Инмаре, Тон монэ тодӥськод, монэ адӟиськод,
сюлэмме чакласькод-эскериськод – кызьы со Тон пала кариське.
Вандыны дасям ыжъёсты кадь соосты висъя,
вандон нуналлы соосты дася!
4Кема на-а музъем ӝожтӥськыса улоз,
вань лудъёсысь-возьёсысь турын куасьмоз?
Сьӧлыклэсь кышкатэк улэмзы понна
пудо-живот но, тылобурдоос но быро;
соос шуо уго: «Со уз адӟы, мар асьмемын луоз».
5Пыдын ожмаськисьёсын ӵош тон ӵошатскыса бызид,
но соос тонэ жадьытӥзы ке,
кызьы бен соку тон валъёсын ӵошатскод?
Тупаса улӥсь шаерын тон усьылӥськод ке,
мар бен карод Иордан дурысь куакъёс пӧлын?
6Тынад агай-вынъёсыд но, атай юртэд но
тыныд пумит кескич ужъёс лэсьто,
тынад бӧрсяд бадӟым куараен кесясько.
Соос тыныд ӟечсэ вераку но, соослы эн оскы.
7Мон аслэсьтым юртме кельтӥ; басьтэм люкетме куштыса кошки;
Аслам лулылэсь самой дунозэ-мусозэ
солэн тушмонъёсызлэн киязы сётӥ.
8Мынам басьтэм люкетэ нюлэскысь лев кадь луиз;
Мон вылэ куаразэ будэтӥз: со понна Мон сое адӟемпотостэм кари.
9Мынам басьтэм люкетэ пӧртэм буёло тылобурдо выллем луиз,
кудӥз вылэ котыр ласянь сьӧсь тылобурдоос урдскизы.
Лудысь вань пӧйшуръёс, лыктэлэ, люкаськелэ –
мынэлэ сое сиыны.
10Трос пудо возьмасьёс виноград бакчаме саптазы,
удысме пыдынызы лёгазы;
мынэсьтым яратоно удысме тырттэм кыр интылы пӧрмытӥзы,
11кыр дуннелы сое пӧрмытӥзы,
таркаськыса-пазяськыса улэменыз, со Мон азьын бӧрдэ;
быдэс музъем таркамын, одӥг адями но тае сюлэм бордаз уг басьты.
12Кыр дуннеысь вань гурезьёсы таркасьёс лыктӥзы;
Кузё-Инмарлэн мечез музъемлэн огпал пумысеныз мукет палозяз
ваньзэ сие-ньылэ:
одӥг муртлы но каньыллык ӧвӧл.
13Соос чабей кизизы, нош бышкись жаг турын аразы;
курадӟытозязы тыршизы, нош нокыӵе но пайда ӧз басьтэ.
Кузё-Инмарлэн вожпотонэз ӝуатскем понна
сыӵе люканъёслэсь возьдаське ук.
14Ас калыкелы, Израильлы сётэм люкетэ вылэ урдскись вань лек бускельёсы сярысь тазьы шуэ Кузё-Инмар: «Тани, Мон соосты музъем вылысьтызы выжытэм быдто, Иудалэсь юртсэ но соослэн пӧлысьтызы ишкалтыса кушто.15Нош собере, соосты куштэм берам, соосты берен ваё, сьӧлыксэс кушто но ваньзэс ас басьтэм люкетазы ваё, котькудзэс ас музъем вылазы берыкто.16Нош соос Мынам калыкелэн сюресэзлы дышизы ке, ”Инмар понна” шуыса Мынам нимыным кыл сётыны дышизы ке, кызьы азьвыл соос Мынэсьтым калыкме Вааллэн нимыныз кыл сётыны дышетӥзы, соку Мынам калыке пӧлы улыны интыяськозы.17Нош ӧз ке кылзӥське, соку Мон соосты выжытэм кельто, сыӵе калыкез чылкак быдто», – шуэ Кузё-Инмар.
Глава 12