Выбрать язык
Книги Ветхого Завета
Книги Нового Завета
с русским текстом1Кузё-Инмар дорысь Иеремиялы верамын вал:2«Та сӥзён-косонлэсь кылъёссэ кылзэлэ но Иудеяысь воргоронъёслы, Иерусалимын улӥсьёслы вералэ.3Соослы шу: ”Тазьы шуэ Израильлэн Инмарез Кузё-Инмар: ”Та сӥзён-косонлэсь кылъёссэ санэ понӥсьтэм адями каргамын.4Сое Мон тӥляд атайёстылы сӥзи, Египет музъемысь, корт гурысь, соосты поттыкум, верай: ”Мынэсьтым верамме кылзэлэ, лэсьтэ ваньзэ, мае Мон тӥледлы косо, соку тӥ Мынам калыке луоды, Мон тӥляд Инмарды луо,5атайёсты азьын сӥзьыса сётэм кылме быдэсто: соослы йӧлын но чечыен бызись музъем сёто. Со сӥзёнэ туннэ быдэсмиз ни”». Мон Солы шуи: «Зэм ик, Кузё-Инмаре!»6Кузё-Инмар мыным шуиз: «Ваньзэ та кылъёсты Иудеяысь городъёсын, Иерусалимлэн ульчаосаз иворты, тазьы шу: ”Та сӥзён-косонлэсь кылъёссэ пеляды понэ, быдэсъялэ соосты.7Уго Египет музъемысь поттэм нуналысен кутскыса туннэ нуналозь атайёстылы дугдылытэк валэктыны тырши; вазь ӵукнаысен соосты сюлворыса кури: ”Мынэсьтым верамме кылзэлэ”.8Нош соос ӧз кылзӥське, пельзэс ӧз мыкыртэ, лек сюлэмзылэн вогъяськон сямызъя улӥзы: соослы сӥзем косонъёсме быдэсъямтэзы понна сӥзён-косонам вань верам вӧсь каронъёсты соос вылэ лэзи”».
9Кузё-Инмар мыным шуиз: «Иудеяысь воргоронъёс но Иерусалимын улӥсьёс куспын лушкемен урод уж лэсьтон сярысь тупанзы вань:10соос нош ик Мынэсьтым кылъёсме кылзӥськонлэсь куштӥськем вашкала пересь атайёссылэн законлы пумит улонзы пала берытскизы, мурт инмаръёслэн пытьы кузязы кошкизы, соослы ужаса-тыршыса улӥзы. Израиль юрт, Иуда юрт Мынэсьтым соослэн атайёсынызы тупатэм сӥзён-косонме сӧризы».
11Соин ик Кузё-Инмар тазьы шуэ: «Соос вылэ Мон шугадӟон лэзё, солэсь соос мозмытскыны уз быгатэ, нош Мыным вазиськизы ке, соосты уг кылзӥськы.12Соку Иудеяысь городъёс, Иерусалимын улӥсьёс мынозы но йыбыртъяно инмаръёссылы вазиськозы, нош соос шугадӟон нуналъёсазы соослы чик уз юрттэ.13Уго кӧня тынад городъёсыд, сомында ик инмаръёсыд, Иуда; Иерусалимын кӧня ульчаос, сомында ик возьыттэмлы, Вааллы, курбон сётонъёс, ӵындытыны курбон сётоно интыос пуктылӥды.14Нош тон та калык понна эн куры, эн вӧсяськы, эн куриськы: курадӟонэ сюрыса, Мыным тэльмыризы ке но, Мон соосты уг кылы.
15Мынам гажанэлы Мынам коркам мар кулэ,
отын со трос юрӟым ужъёс лэсьтэ бере?
Вӧсям сӥльёс тыныд уз юрттэ,
лек ужъёс лэсьтыса, шумпотӥськод ке.
16Синмаськымон, емышъёсыныз чеберъяськись,
вожектӥсь вӧйпу шуыса нима вал тонэ Кузё-Инмар.
Нош али огыр-бугыръяськонлэн кужмо куашетэмез улсын
Солэн котыраз Со тыл кенжытӥз но,
солэн вайёсыз ӝуаса усьылӥзы.
17Израиль юртлэн, Иуда юртлэн лек ужъёссы понна, Вааллы ӵындытыса, курбон сётыса, Мынэсьтым вожпотонме ӝуатыса улэмзы понна тонэ мерттӥсь Саваоф Кузё-Инмар тонэ вӧсь кароз».
18Кузё-Инмар мыным усьтӥз, Со мыным возьматӥз но, табере мон тодӥсько соослэсь ужъёссэс.19Нош мон, вандыны нуиськись, востэм ыжпи кадь, ӧй но тоды, мыным пумит соос уж малпало шуыса, соос шуо: «Солэн сиён пӧлаз ядо пу пономы но улэпъёслэн музъем вылысьтызы сое донгытомы, солэсь нимзэ но тодэ медаз ни вае».20Саваоф Кузё-Инмаре, шонерлыко суд Лэсьтӥсь, сюлэмъёсты но пушъёсты Эскерись! Аслэсьтыд соослы пунэм берыктэмдэ мыным возьматы, уго мон аслэсьтым ужме Тон кие сётӥ.21Анафофаысь тынэсьтыд лулдэ утчась воргоронъёс шуо: «Кузё-Инмарлэн нимыз понна азьпалзэ тодытыса эн вера, милям киынымы тон виемын медад луы шуиськод ке».22Нош Саваоф Кузё-Инмар соин ик соос сярысь тазьы шуэ: «Мон соосты вӧсь каро: егит пиоссы тӥр-пурт улын бырозы, нылъёссы, пиоссы сютэм улыса кулозы.23Лыктон арам Анафофаысь воргоронъёс вылэ курадӟон лэзё но, соку пичи люкетэз но улэп уз ни кыльы».
Глава 11