Выбрать язык
Книги Ветхого Завета
Книги Нового Завета
с русским текстом1Седекиялэн, Иудей эксэйлэн, дасэтӥ арзэ эксэйын пукыкуз, укмысэтӥяз толэзе Иерусалим доры аслаз быдэс армиеныз Вавилонлэн эксэез Навуходоносор лыктӥз но сое котыртӥз.2Нош Седекиялэн эксэйын пуконэзлэн дас одӥгетӥ араз, ньылетӥ толэзе, толэзьлэн укмысэтӥ нуналаз город киултэмын вал.3Вавилон эксэйлэн вань кивалтӥсьёсыз отчы пыризы но шоретӥ капка доры интыяськизы, Нергал-Шарецер, Самгар-Нево, Сарсехим, евнухъёслэн кузёйырзы, Нергал-Шарецер, туно-пеллёослэн кузёйырзы, Вавилон эксэйлэн ваньмыз мукетъёсыз кивалтӥсьёсыз.
4Седекия, Иудей эксэй, вань ожгарчиос соосты адӟизы но, – соос бызьыса кошкизы, эксэй сад вамен, кык борддоръёс вискысь капка пыр городысь уйин потӥзы но нёжалысь сюрес кузя кошкизы.5Нош халдей армия соос сьӧры уйиськиз; Иерихон нёжалысен Седекияез сутӥзы, киултӥзы сое но Вавилонлэн эксэез Навуходоносор доры, Емаф музъемысь Ривла каре, нуизы, отысен солы со суд лэсьтӥз.6Ривлаысен Вавилон эксэй Седекиялэсь пиоссэ солэн син азяз бышказ, Иудеялэсь вань кузёйыръёссэ Вавилон эксэй бышказ-вииз;7нош Седекиялэсь синъёссэ бышкаса поттӥз, Вавилонэ нуон вылысь жильыетэ дуриз сое.8Эксэйлэсь юртсэ, калыклэсь коркаоссэ халдейёс тылын сутӥзы, Иерусалимлэсь борддоръёссэ куашкатӥзы.9Нош городэ кылем калыкез, Вавилон эксэй пала выжисьёсты, но мукет кылем калыкез Навузардан, мугор возьмасьёслэн кузёйырзы, Вавилонэ улыны нуиз.10Нош куанеръёсты, кинъёслэн номырзы но ӧй вал, Навузардан, мугор возьмасьёслэн кузёйырзы, Иудей музъеме кельтӥз, соку ик соослы виноград бакчаос, бусыос сётӥз.
11Нош Иеремия пумысен Вавилонлэн эксэез Навуходоносор Навузарданлы, мугор возьмасьёслэн кузёйырзылы, таӵе косон сётӥз:12«Кут сое, чакласа возь, солы номыр но уродзэ эн лэсьты, солы озьы кар, мар со тыныд вералоз».13Мугор возьмасьёслэн кузёйырзы Навузардан, евнухъёслэн кузёйырзы Навузазван, туно-пеллёослэн кузёйырзы Нергал-Шарецер, Вавилон эксэйлэн вань кивалтӥсьёсыз14Иеремияез возьмаськисьёслэн азбарысьтызы мозмытыны ыстӥзы, Сафанлэн Ахикам пиезлэсь Годолия пизэ косӥзы сое дораз нуыны. Со калык пӧлын улыны кылиз.
15Эшшо пытсэт юртлэн азбараз возьыкузы, Иеремиялы Кузё-Инмар дорысь верамын вал:16«Мын, Авдемелехлы, эфиоп пилы, вера: ”Тазьы шуэ Израильлэн Инмарез Саваоф Кузё-Инмар: тани, та город пумысен верам кылъёсме уродлы берыкто, солы со ӟечлы уз луы, тынад син азяд со нуналэ соос быдэсмозы.17Нош со нуналэ Мон тонэ мозмыто, – шуэ Кузё-Инмар, – со кышкано адямиосыдлэн киулазы тон сётэмын уд луы.18Мон тонэ мозмыто, меч улын тон уд быры, тынад лулыд ас бордад кылёз ожын поттэм байлык интые, малы ке шуоно тон Мон вылэ оскиськыса улӥд, – шуэ Кузё-Инмар”».
Глава 39