Выбрать язык
Книги Ветхого Завета
Книги Нового Завета
с русским текстом1Сизьыметӥяз толэзе, эксэй выжыысь Елисамлэн Нафания пиезлэн Исмаил пиез, эксэйлэн кузёйыръёсыз но соин ӵош дас мурт лыктӥзы Массифае Ахикамлэн Годолия пиез доры, отын, Массифаын, ӵош сиськизы.2Нафаниялэн пиез Исмаил но соин ӵош лыктэм дас мурт султӥзы но Годолияез, Сафанлэсь Ахикам пиезлэсь пизэ, мечен виизы, виизы сое, кинэ Вавилон эксэй та шаерлы кузёйыр карыса пуктӥз вал.3Исмаил виылӥз вань иудейёсты, кинъёс Массифаын Годолияен огазьын вал, отчы учырам халдейёсты, ожмаськись муртъёсты.
4Мукетаз нуналэ, Годолияез вием бере, куке та сярысь нокин но уг на тоды вал,5Сӥхемысь, Сӥломысь, Самарияысь мычем тушъёсын, кесяськем дӥськутэн, асьсэды яраё карыса, ческыт зыно ӵындытонъёсты, салам-кузьым вайыса, тямыстон мурт Кузё-Инмарлэн корказ лыктӥзы.6Нафаниялэн пиез Исмаил Массифаысен соослэн пумитазы потӥз, бӧрдыса мынӥз, соослы ваче пумит вуыса шуиз: «Мынэлэ Ахикамлэн Годолия пиез доры».
7Городлэн шораз гинэ вуизы, Нафаниялэн Исмаил пиез но соин огазьын луэм муртъёс соосты виизы но гопе куштӥзы.8Но соос пӧлысь дас мурт сюриз, кудъёсыз Исмаиллы шуизы: «Эн виылы милемыз, милям бусыын вань чабеен, йыдыен, вӧйын, чечыен лушкем кеносъёсмы». Соку со ассэ кутӥз но мукет агай-вынъёсынызы валче соосты ӧз виылы.9Нош Исмаиллэсь Годолия понна вием муртъёслэн шӧйёсынызы куям гопез лэсьтӥз вал, Аса эксэй Израильлэн Вааса эксэезлэсь кышкаса; Нафаниялэн Исмаил пиез со гопез вием муртъёсын тырмытӥз.10Исмаил киултӥз Массифае кылем калыклэсь быдэс люкетсэ, эксэйлэсь нылъёссэ но, Массифае кылем вань калыкез, кудзэ мугор возьмасьёслэн кузёйырзы Навузардан сётӥз вал Ахикамлэн Годолия пиезлы, соосты Нафаниялэн пиез Исмаил киултӥз но Аммон пиос доры кошкиз.
11Нош Карейлэн Иоанан пиез но соин ӵош луэм вань ож кузёйыръёс Нафаниялэн пиезлэн Исмаиллэн сьӧсь ужъёсыз сярысь кылэм беразы,12вань калыкез ӝутыса, Нафаниялэн Исмаил пиеныз ожмаськыны кошкизы, Гаваонысен, бадӟым вуос дурысен, сое сутӥзы.13Карейлэсь пизэ Иоананэз но соин ӵош луэм вань ож кузёйыръёсты адӟыса, Исмаил дорысь вань калык шумпотӥз;14Массифаысь Исмаиллэн пленэ нуэм вань адямиосыз палэнскизы, берытскизы но Карейлэн Иоанан пиез доры кошкизы;15нош Исмаил, Нафаниялэн пиез, тямыс муртэн ӵош, Иоанан дорысь пегӟыса, Аммон пиос доры кошкиз.
16Соку Карейлэн пиез Иоанан но соин ӵош луэм вань ож кузёйыръёс Массифаысь Нафаниялэн Измаил пиезлэн киулысьтыз мозмытэм вань кылем калыкез басьтӥзы; со вал Ахикамлэсь Годолия пизэ, Гаваонысь поттэм воргоронъёсты, ожмаськон удысысь адямиосты, кышноосты, нылпиосты, евнухъёсты вием бере.17Египетэ кошкыны потыкузы, Вифлеем вӧзысь Химам гурт доры вуыса дугдӥзы.18Соос халдейёслэсь кышкало вал, уго Нафаниялэн Исмаил пиез Ахикамлэсь Годолия пизэ вииз, нош сое Вавилон эксэй та шаерлы кузёйыр карыса пуктӥз вал.
Глава 41