Выбрать язык
Книги Ветхого Завета
Книги Нового Завета
с русским текстом1Вань ож кузёйыръёс, Карейлэн Иоанан пиез, Гошаиялэн Иезания пиез, вань калык, пичиысен кутскыса бадӟымозь, лыктӥз2но Иеремия пророклы шуиз: «Милям куронмы тынад азяд мед усёз, Кузё-Инмарлы Аслад Инмаредлы ми понна вӧсяськы, калык пӧлысь вань та кылем люкет понна, уго трос пӧлысь ми ӧжыт кылимы, кызьы тон ас синмыныд милемыз адӟиськод,3Кузё-Инмар тынад Инмаред милемлы сюрес мед возьматысал, кудтӥз милемлы мыноно, мар милемлы кароно шуыса».
4Соослы Иеремия пророк шуиз: «Кылӥсько. Тӥляд куремдыя Кузё-Инмарлы тӥляд Инмардылы вӧсясько. Тӥледлы мар вералоз Кузё-Инмар, ваньзэ тӥледлы верало, номырзэ но тӥлесьтыд уг ваты».5Соос Иеремиялы шуизы: «Кузё-Инмар асьмелы шонерлыко, зэмлыко дунъет сётӥсь мед луоз со бордын: ми ваньзэ ас дыраз быдэстомы, маин тонэ Кузё-Инмар тынад Инмаред ми доры ыстоз.6Ӟеч-а, урод-а со луоз, нош Кузё-Инмарлэсь асьмелэн Инмармылэсь верамзэ, Кин доры тонэ ыстӥськомы, кылзӥськомы, – Инмармылэсь Кузё-Инмарлэсь верамзэ кылзӥськисесь луимы ке, милемлы но умой мед луоз».
7Дас нунал ортчыса, Кузё-Инмар дорысь Иеремиялы верамын вал.8Со ас дораз ӧтиз Карейлэсь Иоанан пизэ но соин ӵош луэм вань ож кузёйыръёсты, вань калыкез – пичиысен кутскыса бадӟымозь,9но соослы шуиз: «Тазьы шуэ Израильлэн Инмарез Кузё-Инмар, Кин доры тӥ монэ ыстылӥды, асьтэлэсь вӧсяськемдэс мон Со азе мед вуттом шуыса:10”Та музъем вылэ кылиды ке, Мон тӥледыз интыяло – уг тарка; пуктыло, уг быдты, уго Мон жалясько, тӥледлы шугадӟон сётӥ шуыса.11Курдано Вавилон эксэйлэсь эн ни кышкалэ; эн кышкалэ ни солэсь, – шуэ Кузё-Инмар, – уго Мон тӥледын огазьын солэн киулысьтыз тӥледыз утён, мозмытон понна.12Тӥледлы гажан-жалянме возьмато но, со тӥледыз жалялоз, тӥледыз ас музъем вылады улыны берыктоз”.
13Нош тӥ шуиды ке: ”Та музъем вылын улэммы уг поты”, – Инмардылэсь Кузё-Инмарлэсь верамзэ ӧд ке кылзӥське, шуиды ке:14”Ӧвӧл, ми Египет музъеме мыномы, отысен ожмаськонэз ум адӟе, гумы куараез ум кылэ, сютэм ум улэ, отын уломы”, –15табере, тӥ, Иудалэн кылем люкетэз, кылзэлэ Кузё-Инмарлэсь верам кылзэ: ”Тазьы шуэ Израильлэн Инмарез Саваоф Кузё-Инмар: кылзӥськытэк ымнырдэс Египетэ мынон вылысь берыктӥды ке, отчы улыны кошкиды ке,16кышкано мечты тӥледыз отысен сутоз, Египет музъемысен, сютэм улон но, кудӥзлэсь тӥ куалекъяса улӥськоды, отын, Египет музъемын, ялан тӥ сьӧрын ветлоз, отчы ик кулоды-быроды но.17Ваньмыз Египетэ мыныны, отын улон вылысь ымнырзэс берыктэмъёс меч улын, сютэм улыса, сьӧдчерен висьыса бырозы, одӥгез но улэп уз кыльы, соос вылэ лэзем шугадӟонлэсь утиськыны уз быгаты.
18Уго тазьы шуэ Израильлэн Инмарез Саваоф Кузё-Инмар: кызьы Мынам вожпотонэ, йыркуре Иерусалимын улӥсьёс вылэ кисьтӥськиз, озьы ик Мынам йыркуре тӥ вылэ кисьтӥськоз, Египетэ пыриды ке; тӥ каргамъёс, кышкатон макеос луоды, серекъянлы, веранлы пӧрмоды, та интыез азьланяз уд ни адӟе”.19Тӥледлы, Иудалэн кылем люкетэз, Кузё-Инмар вераз: ”Египетэ эн мынэ”; ӟеч тодэ: мон тӥледлы туннэ тодытыса-оскытыса верай;20тӥ уго асьтэлы пумит асьтэос сьӧлыкады: тӥ монэ асьмелэн Инмармы Кузё-Инмар доры тазьы вераса ыстӥды: ”Инмармылы Кузё-Инмарлы ми понна вӧсяськы но ваньзэ, мае Инмармы Кузё-Инмар вералоз, милемлы тодыты, – нош ми быдэстомы”.21Мон туннэ тӥледлы ялӥ; нош тӥ асьмелэн Инмармылэсь Кузё-Инмарлэсь верамзэ санэ ӧд понэ, маин Со монэ тӥ доры ыстӥз, номыре но пеляды ӧд понэ.22Озьыен, тодэлэ: тӥ кулоды меч улын, сютэм улыса, сьӧдчерлэсь со интыын, кытчы улыны мыныны малпаськоды».
Глава 42