Выбрать язык
Книги Ветхого Завета
Книги Нового Завета
с русским текстом1Инмарзылэсь Кузё-Инмарлэсь вань кылъёссэ вань адямиослы Иеремия верам бере ваньзэ со кылъёсыныз соослэн Инмарзы Кузё-Инмар соос доры сое ыстӥз,2соку Осаиялэн пиез Азария, Карейлэн пиез Иоанан но ваньзы кышканэз валасьтэм адямиос Иеремиялы шуизы: «Шонертэм тон вераськод, милям Инмармы Кузё-Инмар ӧз ысты тонэ тазьы вераны: ”Египетэ улыны вылысь эн мынэ”;3нош Варух, Нириялэн пиез, тонэ милемлы пумит ӝутыны тырше милемды халдейёслэн киулазы сётон понна, соос милемды мед виылозы яке Вавилонэ милемды пленэ мед нуозы шуыса».
4Карейлэн пиез Иоанан но, вань ож кузёйыръёс но, вань калык но Иудей музъеме кыльыны кулэ шуыса, Кузё-Инмарлэсь верамзэ ӧз кылзэ.5Карейлэн пиез Иоанан, вань ож кузёйыръёс но, иудейёслэсь вань кылем люкетсэ, кудъёсыз вань калыкъёс пӧлысь берытскизы, кытчы соос улляса лэземын вал, Иудей музъемын улыны шуыса басьтӥзы.6Воргоронъёсты, кышномуртъёсты, нылпиосты, эксэйлэсь нылъёссэ – ваньзэс, кинъёсты мугор возьмасьёслэн кузёйырзы Навузардан Годолияен, Сафанлэн Ахикам пиезлэн пиеныз огазе кельтӥз, Иеремия пророкез но, Нириялэсь Варух пизэ но;7Кузё-Инмарлэсь верамзэ кылзӥськытэк, кошкизы Египет музъеме, Тафнис доры вуизы.
8Тафнисысен Иеремиялы Кузё-Инмар дорысь верамын вал:9«Киосад бадӟымесь изъёс басьты но соосты нелькем горд сюй пӧлы Тафнисысь фараонлэн корказ пырон азе, иудейёслэн син азязы, ват.10Соослы шу: ”Тазьы шуэ Израильлэн Инмарез Саваоф Кузё-Инмар: тани, Мон ысто но Аслэсьтым ляльчиме Навуходоносорез, Вавилонлэсь эксэйзэ, басьто, солэсь престолзэ та ватэм изъёс вылэ пукто, со вылэ со аслэсьтыз туж чебер ын тылыссэ возъялоз,11лыктоз но Египет музъемез пазьгоз: кин кулоно, со кулоз; кин пленэ сюроно, со пленэ мыноз; кин меч улэ шедёно, со меч улэ шедёз.12Египет калыклэн инмаръёсызлэн куалаосазы тыл ӝуато; со соосты сутоз, нош соосты асьсэдыз пленэ басьтоз, Египет музъемен дӥсяськоз, кызьы пастук ас вылаз дӥськутсэ дӥся, отысь каньылэн потоз;13Египет музъемысь, Беф-Самисысь, сульдэро юбоосты куашкатоз, египет инмаръёслэсь куалаоссэс тылын сутоз”».
Глава 43