Horan ohjandajale. Davidan psalm. 1Minä vauvatan Ižandaha. Kut tö voit sanuda minun hengele: «Pagene mägehe kuti lind!» 2Ved’ jumalatomil om jo vaumiž taug i nol, jände om kingitadud, miše ampta pimedas tozioiktoid. 3Konz alandused om muretud, midä voib tehta tozioiged?
4Ižand om ičeze pühäkodiš, hänen valdištim om taivhas. Hänen sil’mäd kacuba gol’l’aha, kodvden mehiden südänt. 5Ižand kodvib tozioiktan melid, a jumalatont i vägivaldan navedijad hän ei tirpa. 6Vihman kartte hän valab jumalatomiden päle palabid hilid, lämoid da rikid. Poltab tullei – nece om heiden jom mal’l’aspäi. 7Ižand om tozioiged, navedib tot, hänen sil’mäd nägeba tozioiktan.
с русским текстом