Alliluija! 1Kitkat Ižandad, Hän om hüvä, igähižed oma hänen armod. 2Kitkat jumaloiden Jumalad, igähižed oma hänen armod. 3Kitkat ižandoiden Ižandad, igähižed oma hänen armod.
4Hän üksnäze tegeb surid čudoid, igähižed oma hänen armod. 5Hän tegi melevašti taivhad, igähižed oma hänen armod. 6Hän leviti man veziden päle, igähižed oma hänen armod. 7Hän sädi sured vauktanandajad, igähižed oma hänen armod. 8Hän ladi päiväižen ižandoitmaha päiväd, igähižed oma hänen armod. 9Hän pani kudmaižen i tähthad emägoitmaha öd, igähižed oma hänen armod. 10Hän iški Egiptan, surmiči sen ezmäižed poigad, igähižed oma hänen armod. 11Hän vei izrail’aižed sigäpäi, igähižed oma hänen armod. 12Hän tegi sen vahval, korktas libutadud kädel, igähižed oma hänen armod. 13Hän jagoi Rogomeren kahthe, igähižed oma hänen armod, 14da vedi izrail’aižed sen poikpoli, igähižed oma hänen armod. 15Hän upoti faraonan i hänen saldatad Rogomerhe, igähižed oma hänen armod. 16Hän vedi ičeze rahvahan rahvahatoman man kal’t, igähižed oma hänen armod. 17Hän vägesti surid kunigahid, igähižed oma hänen armod. 18Hän surmiči vägevid kunigahid, igähižed oma hänen armod. 19Hän rikoi Amorrejan kunigahan Sigonan, igähižed oma hänen armod. 20Hän rikoi Vasanan kunigahan Ogan, igähižed oma hänen armod. 21Hän andoi heiden man jäl’gestuseks, igähižed oma hänen armod. 22Hän andoi sen jäl’gestuseks Izrail’ale, ičeze käskabunikale, igähižed oma hänen armod. 23Hän mušti meid, konz meid alenzoittihe, igähižed oma hänen armod.
24Hän päzuti meid meiden vihanikoišpäi, igähižed oma hänen armod. 25Hän andab sömišt kaikele eläbale, igähižed oma hänen armod. 26Kitkat taivhan Jumalad, igähižed oma hänen armod.
с русским текстом