Библия
Выбрать язык
Книги Ветхого Завета
Книги Нового Завета
с русским текстом
PSALMOIDEN KIRJ
137 Psalm
Davidan mödhe.1Minä kitän sindai kaikel südäimel,
pajatan sinei kitändpajon jumaloiden edes.
Sinä kulištid kaik minun sun sanad.
2Minä kumardamoi sinun pühäkodin edehe,
kitän sinun nimed sinun armoiden da toden täht,
sinä libutid ülemba kaiked sinun sanan i sinun nimen.
3Sil päiväl, konz kucuin sindai,
sinä kulištid mindai,
sinä ližazid minun henghe rohktut.
4Sur’ Sünduižem, sindai kitäba kaik man kunigahad,
konz kulištaba sinun sanad.
5Hö pajataškaba Ižandan matkoiš,
sikš ku sur’ i korged oled sinä, Ižand.
6Ižand om korktusiš, no hän nägeb hilläižen,
korgednenaižen tundištab edahanpäi.
7Konz minun matkad oma pahuden keskes,
ka sinä eläbzoitad mindai,
oigendad ičeiž käden minun vihanikoid vaste.
Sinun oiged käzi päzutab mindai.
8Midä Ižand om minei toivotanu,
hän tegeb sen!
Sinun armod, Sur’ Sünduižem, oma igähižed.
Ala jäta kesken ičeiž käziden tegoid.
Глава 137
