Библия
Выбрать язык
Книги Ветхого Завета
Книги Нового Завета
с русским текстом
PSALMOIDEN KIRJ
149 Psalm
Alliluija!1Pajatagat Ižandale uz’ pajo,
pajatagat hänele ülenzoituzpajo pühäkodin suimas!
2Ihastugha Izrail’ ičeze Tegijas,
Sionan eläjad pidägaha ilod ičeze Kunigahas.
3Kitkaha hänen nimed tancuides,
vätes hänele timpanal i liral.
4Ižand armastab ičeze rahvast,
čomenzoitab sanankundlijaižid päzutandal.
5Pajatagha hänen pühäd ülenzoituzpajoid
hänen suren eloarvon täht,
ihastugha hö öl-ki ičeze magaduzsijoil.
6Olgha heiden hulil kitändpajod Jumalale,
heiden kädes kaks’teraine sur’ veič,
7miše hö voižiba aznoita man rahvahile,
opeta kovas rahvazrodud,
8panda čapihe heiden kunigahid,
valdmehiden jaugad panda raudoihe
9da sudida heid kirjutadud sudal.
Nece sur’ azj om pandud pühile.
Alliluija!
Глава 149
