Библия
Выбрать язык
Книги Ветхого Завета
Книги Нового Завета
с русским текстом
PSALMOIDEN KIRJ
81 Psalm
Asafan psalm.1Jumal tuli ezile jumaloiden suimas
i pidi sudan jumaloiden keskes:
2«Hätken-ik völ tö sudiškat värin
da linnet värintegijoiden polel?
3Olgat ozatomiden i armotomiden polel,
sudigat oiktal sudal ahtištusiš da gor’as olijoid.
4Pästkat valdale gollid da niššatoid,
tembaikat heid jumalatomiden käzišpäi.
5Tö et tekoi, et el’gekoi,
kävelet pimedas,
kaik man alandused säraidaba.
6Minä sanuin: tö olet jumalad,
tö kaik olet Ülähäižen poigad.
7Ka tö ved’ kolet-se, kut rahvaz koleb,
linnet surman sus kut kaikutte knäz’».
8Minun Jumal, libu, sudi mad!
Sinun oma kaik mirun rahvahad.
Глава 81
