Выбрать язык
Выбрать рассказ Ветхого Завета
Выбрать рассказ Нового Завета
Яков бур кылöн иньдöтас зоннэсö туйö. Сiя нылö висьталас: «Дöсвермись Еныс ась небзьӧтас сылiсь сьöлöмсö. Ась сiя лэдзас гортö воннытö Веня миныскöт».
Сiдз воннэс Веняминыскöт локтасö Египетö. Öсип казялас Веняминсö, петöм мöдiк жырö, пондöм горзыны. Сыбöрын сiя чышкöм синваэсö, тшöктöм отсасисьыслö вайны бур сёян-юан воннэс понда. Веськöтлiсьыс бура панталöмсянь воннэс öшасö. Медбöрын Öсип оз ни вермы видзны асьсö. Сiя горöн бöрдчöмӧн воннэслö шуöм: «Ме эд Öсип. Ловья я айö?» Воннэс дзикöдз öшасö, паныт нем озö вермö висьтавны. Сэк Öсип шуас нылö: «Сибöтчö ме дынö». Нiя сибöтчасö. Сiя шуас одзлань: «Ме Öсип, тiян вон. Кöркö тiйö менö вузалiтö Египетö. Öнi сысянь эдö тöждiсьö. Тiйö эдö ыстö менö татчö. Еныс эд ыстöм менö тiян одзын Египетас, медбы отсавны овны тiянлö одзлань».
Египетас öксу кылас: Öсип дынö пö локтöмась воннэс. Сiя тшöктас сетны нылö доддялöм вöввез. Корас нiйö быдöннысö локны овны Египетас. Яковыс овны Египетас локтöм быдсöн увтырнас. Öсип Египетас сетöм нылö медбур муэсö, аслас увтырлö сетöм нянь да оланын быдöс коланасö.
Лоöм 43:1-34, 45:1-28, 46:1-7, 47:11-12
34 