Выбрать язык
Выбрать рассказ Ветхого Завета
Выбрать рассказ Нового Завета
Канаан муö мунтöн еврей отир сувтчасö Моав муын. Моавись отирлö еврейес син вылö абу колöмась. Нылöн öксу корас дынас Валаам нима Енсянь юöртiсьöс*а , тшöктас ёрдны еврейесö. Юöртiсьыслö Еныс висьталöм: «Эн ёрд еврей отирсö. Ме нiйö эд Аслам бур кылöн видза». Валаам Енсö оз кывзiсь, мунас моав отир дынö. Ен андел сувтас Валаамыслö туй вылас паныт.
Валаам мунöм верзьöмöн осёл вылын. Сэтöн осёлыс туй вывсис казялöм анделсö, кöда киас видзöм шыпурт*б. Осёлыс кежас туй вывсис ыб вылö. Валаам пондöм вартлыны осёлсö, мöдас бергöтны туй вылас. Осёлыс казялöм анделсö, бöра кежöм туй вывсис. Сэсся водöм туй вылас. Валаам осёлсö бöра пондöм вартлыны. Сэтöн Ен сетас осёлыслö кыв сёрнитны морт моз. Осёлыс шуöм: «Мый нö ме тэныт кери, тэ эд менö куимöтпырся ни вартлан?» Ен осьтас Валаамлiсь синнэсö. Сэтöн вöлись сiя казялöм анделсö шыпуртнас. Валаам копыртчас муöдз. Андел шуас сылö: «Мый понда тэ вартлiн ассит осёлтö куимись ни? Ме петi паныт падмöтны тэнö лёк туйсит».
Валаам паныт шуас анделыслö: «Умöльö пыри ме. Эг эд тöд туй вылас паныт петöмтö. Умöльö кö ме кери тэ син одзын, сэк бöр берта». Анделыс сылö висьталöм: «Мун моав йöзкöт, дзир менчим кыввезöс висьтав».
Моав йöз казяласö ны дынö локтiсь Валаамсö, шуасö сылö: «Ёрд еврейесö». Валаам шуас паныт: «Ме ог вермы ёрдны нiйö. Ен оз ёрд нiйö». Сiдз Валаамыс ёрдан кылыс туйö куимись бур кыв висьталöм еврейес йылiсь.
Лыддянпассэз 22:3-35, 23:7-20
*а Енсянь юöртiсь – пророк
*б шыпурт – меч
50 