Выбрать язык
Выбрать рассказ Ветхого Завета
Выбрать рассказ Нового Завета
Кытшöмкö кадö пилистим йöз лэбтiсяс еврейез вылö. Еврейес лöсьöтчасö сувтны паныт пилистим отирлö. Еврейеслöн сэк Саул öксу вöлi юралöм. Нiя сувтчасö керöс вылö.
Пилистим йöз коласын вöлöм ыджыт мыгöра морт. Сiйö шуасö Гöлиап. Вылас сылöн вöлöм кöртiсь паськöм, киас сiя видзöм кöрт йыла кузь зор да кöртiсь керöм сайöвтчан.
Гöлиапыс сералас еврейес вылын, умöль кыввезöн сёрнитас Еныс йылiсь. Еврейес коласiсь некин абу лысьтöм сыкöт петны тышкасьны. Еврейес коласын вöлöм Давид нима том морт. Сiя ваяс вöлi аслас гортiсь воннэслö нянь. Давидыс корсьöм петны тышкасьны Гöлиапыскöт. Саул öксуыс висьталас сылö: «Тэ томöв, а Гöлиапыс эд томсянь тышкасьö». Сэк Давидыс висьтасяс Саулыслö Ен отсöт йылiсь. Ен отсалöм вöлi Давидыслö баляэз сьöрын видзöттöн вермыны леввезöс да ошöс. Саулыс лэдзöм сiйö тышкасьны Гöлиапыскöт, пасьтöтöм сiйö кöртiсь паськöмö. Давидыслö сэтшöм паськöмнас умöль вöлöм вöрöтчыны. Сiя чöвтас сiйö, босьтас ассис бедьсö, бöрьяс шорись вит гöгрöса галя, пуктас нiйö пешоркаас, петас паныт Гöлиапыслö.
Гöлиапыс казялöм Давидсö, öдззöм серавны сы вылын: «Мый нö локтiн ме вылö паныт бедьöн? Ме эд абу пон». Давидыс сылö висьталас: «Тэ локтан ме вылö шыпуртöн. Ме муна тэныт паныт Израиль Ен нимöн». Сэтöн Давидыс кыскöм галясö, пуктöм сiйö галя шупкаланас да шупкöм Гöлиапыслö. Гöлиапыслö изыс инмöм кымöсас. Сiя усяс кулöм. Пилистим отир повзясö, пондöмась öтмöдöрö котрасьны-пышшыны. Сiдз еврейес нiйö вермöмась.
Öксуэзлöн одзза небöг 17:1-53
52 