Выбрать язык
Выбрать рассказ Ветхого Завета
Выбрать рассказ Нового Завета
Öтпыр Исусыс каяс керöс вылö, пуксяс сэтчин, пондас велöтны:
Ен понда олiссез шудаöсь:
Енöжын кар лöсьöтöм ны понда.
Бöрдiссес шудаöсь:
Ен нiйö бурöтас.
Раммес шудаöсь:
ны киö вуджас кöсйöм муыс.
Шудаöсь, кинлöн ловныс тшыгьялö, косьмö Еныс кывтöг:
нiя пöтасö.
Шудаöсь, лöгнысö озö кö видзö, отсасьöны кö:
Ен сетас нылö бур сьöлöмсянь.
Сöстöм сьöлöмаэс шудаöсь:
нiя Енсö адззасö.
Йöзöс бурöтiссес шудаöсь:
Ен нiйö аслас зоннэзö пуктас.
Ен кыв сьöртi олöм понда вашöтöммес шудаöсь:
Ен Карыс лöсьöтöма ны понда.
Ме понда тiянöс пондасö кö видны, вашöтны, быдпöлöс умöльсö весись висьтавлыны, тiйö шудаöсь. Долыта лолыш тö, гажмö: енöжын тiянлö ыджыт козиныс. Сiдз дзескöт лöмась одзжык олiсь Енсянь юöртiссесö.
Отирлö тiйö югытыс. Керöсын сулалан кар сайöвтчыны оз вермы. Öзтöм бисö озö пуктывлö гырнич увтö, сiйö пешалöны. Сэк керкуын биыс югдöтö быдöнлö. Сiдз ась тiян югытныт тыдалö отирыслö. Ась нiя адззöны тiянлiсь бур керöмнытö да ошкöны Енöжись Айнытö.
Матвей 5:3-16
80 