Выбрать язык
Выбрать рассказ Ветхого Завета
Выбрать рассказ Нового Завета
Тöдат тiйö важын олiсь йöзлö шуöмсö: «Эн вий!» «Быд мортвийись шедö судö». Ме эд висьтала тiянлö: воныс вылö быд лöгалiсьыс шедас судö. Аслас вонлö «абутöм тэ» шуисьöс вайöтасö öксянö*а бöрйисьны. Вонöс «бöбöлöн» шуисьыс куслытöм биö шедас. Енлö козинтö вайтöн езъяланiн*б дорын тöдвылат уськöтан кö вонытлiсь тэ вылö лöгалöмсö, сэтчö козинтö коль. Мун воныт дынö бурöтчыны, сэсся вöлись лок сетны козинтö.
Тiйö тöдат тшöктöм: «Эн пыр гозъя коласö!» Сэтчö Ме висьтала тiянлö: кин инька вылö видзöттöн мыйкö пыртас юрас сыкöт узьтöдз, сiя ас сьöлöмын эд гозъя коласын олансö дзугис ни. Висьталöма тай: “Инькасö чапкиськолисьыслö колö сетны иньыслö янсöтчан гижöт”. Ме тай тiянлö висьтала: мöдiккöт инькаыс гозыс сайсянь эз ветлöт, айкаыс тай чапкöм сiйö. Сiдз сiя ыстö иньсö гозъя коласын олöм дзугны-разьны. Чапкöм инькаöс босьтiсьыс ачыс дзугö гозъя коласын олöмсö.
Тöдат тiйö важын олiссезлö сэтшöм шуöм: «Сетöм кывтö эн вунöт! Ен одзын сетöм кывтö видз!» Висьтала тай тiянлö: кыв сеттöг ов! Кывтö сеттöн енöжсö эн касьтыв – сiя Ен пукаланiныс. Кывтö сеттöн мусö эн касьтыв – сiя Ен кокувт. Кывтö сеттöн Ерусалимсö эн касьтыв – сiя ыджыт Öксулöн кар. Эн пукты юртö кывтö сеттöн: тэ эд он вермы нельки öтiк юрситылöп чочкомö-сьöдö пöртны. Кывныт ась лоас чорыт, öтпыр висьталö: «сiдз», öтпыр висьталö: «ог». Ны дынö мöдiк содтöм кыввес – умöльсянь ни.
Матвей 5:17-37
Йöзсянь
Тiйö видзчисят
аслыныт
бур керöм.
И асьныт нылö
бурсö керö.
Матвей сьöртi бур юöр 7:12
*а öксян – совет, синедрион
*б езъяланiн – жертвенник
82 - 83 