Выбрать язык
Выбрать рассказ Ветхого Завета
Выбрать рассказ Нового Завета
Тiйö кывлiтö шуöм: «Син понда син, пинь понда пинь». Ме тай висьтала тiянлö: лёк керисьлö паныт эн сувт. Веськыт пельбокат кö сöтасö, лöсьöт шульгатö. Судитчö кö тэкöт кинкö йöрнöстö босьтöм могись, сет сылö и вевдöрись паськöмтö. Тшöктö кö кинкö мунны сыкöт öтiк верста, мун сыкöт кыкö. Тэнчит корись мортлö сет, тэнчит одзöсалiсь мортсö эн вашöт.
Тiйö кывлiтö сэтшöм шуöм: «Матiсь мортöс сьöлöмат видз, лёк керисьöс сьöлöмсит вашöт». Ме тай висьтала тiянлö: Тiянлö лёк кериссесö радейтö, тiянöс ёрдiссес йылiсь бура баитö. Кöдна синöн оз адззö тiянöс, нылö бурö керö. Тiянöс дзерöтiсь-дзескöтiссез понда Енлö кеймö. Енöжись Айныт сэк сувтöтас тiянöс Аслас зоннэзö. Енöжись Айныт быдладорсянь бур! Сы моз олö!
Бурö керöмнытö йöз одзын эд мыччалö. Сiдз кö керат, Енöжись Айныт тiянлö козинсö оз сет. Кориссезлö сеттöн эн горöт-висьтась сы йылiсь йöзлö. Корисьлö отсавтöн веськыт киыт ась оз тöд шульга киытлiсь керöмсö. Тэнчит бур керöмтö ась мöдiккез озö тöдö. Тэнчит аскöттят керöмтö тöдöмöн Айыт тэныт бергöтас бурнас.
Эдö кеймö кык чужöма отир моз. Нiя тай вичкуэзын, туйвежжезын сулалöмöн кеймöны асьнысö мыччалöм могись. Веськыта тiянлö висьтала: нiя босьтiсö ни доннысö. Кеймыны пыр аслат жырö, ыбöстö пöднав. Кеймы аслат тыдавтöм Айытлö. Аскöття кеймöмтö Айыт казялас. Сiя тэныт сетас.
Кеймиканыт Ентöг олiссез моз уна эд сёрнитö. Кор тöдззаныт Айныт тöдö ни корöмнытö.
Кеймö сiдз:
Матвей 5:38-48, 6:1-8
Миян Ай, енöжын олiсь
Тэнчит вежа нимтö
ась быд морт видзö сьöлöмас.
Ась локтас Тэнат веськöтлöмыт.
Быдöс ась петö Тэ сьöртi
Му вылас енöжас моз.
Талун кежö вай миянлö колан няньсö.
Тэ простит миянлiсь умöль
керöммезнымöс,
миянлö умöльсö кериссесö мийö
эд проститiм.
Видз миянöс бöбасьöмись,
ылöтiсь, öштöтiсь дынiсь миянöс мезды.
Тэнат веськöтлöмыт, выныт пыр кежö.
Дугдывтöг Тэныт сьылöтöм-ошкöм.
Аминь
84 - 85 