Выбрать язык
Выбрать рассказ Ветхого Завета
Выбрать рассказ Нового Завета
Исусыс висьтасяс отирыслö кöдзись йылiсь висьтас:
«Öтпыр морт мунас кöдзны. Кöдзикас кынымкö кöдзыс тусь усясö туй дорас. Сэтчö лэбзясö кайез, туссесö кокаласö. Кынымкö тусь усясö изъяинö. Сэтöн муыс етша вöлöма, нiя чожа чужасö. Вужныс тай нылöн вöлöма жеб, петöм бöрас шондiыс косьтас петассэсö. Кынымкö тусь усясö йöннэз коласö. Йöныс быдмикас петассэсö пöдтас. Мукöд тусьыс усясö бур муö. Нiя сетасö кöдзыс: öтiк – сёся унажык, мöдiк – кватьдасся, куимöт – куимдасся. Быд пеля морт ась кылас!»
Сыбöрын Исусыс велöтчиссеслö висьтасьöмсö вежöр тöтас:
«Морт кывзö Ен веськöтлöм йылiсь кывсö. Оз кö вежöрт сiйö, сы дынö бöбöтчись локтö, гусялö сы сьöлöмись кöдзöмсö. Сiя мыччалö туй дорö усьöм кöдзыс.
Изъяинö усьöм кöдзысыс мыччалö: морт кывсö кылö, сьöлöмас тэрмасьöмöн сiйö долыта босьтö. Сiя эд вужтöм, оз дыр верит. Кыв понда кö дзескöтöны-вöтлöны, сiя дугдö веритны.
Йöннэз коласö усьöм кöдзыс мыччалö: морт кывсö кылö, сылöн быдлунся тöждöмыс, бур олансö кошшöмыс кывсö пöдтö. Сэтöн воöмыс абу.
Бур муö кöдзöм кöдзыс мыччалö: морт кывсö кылö, сiйö вежöртö. Сэтöн бур воöмыс: öтiклöн – сёся унажык, мöдiк лöн – кватьдасся, куимöтлöн – куимдасся».
Матвей 13:3-9, 18-23
86 