Выбрать язык
Выбрать рассказ Ветхого Завета
Выбрать рассказ Нового Завета
Баля видзöтiсь моз Мездöтiсь Исусыс видзöтö Сы тшöктöммез сьöртi олiссез сьöрын, сьöлöмын Сiйö видзиссез сьöрын. Исусыс Асьсö пуктö баля видзöтiсь туйö. Ачыс висьтавлöм сiдз:
«Висьтала тiянлö: Ме баляэслö ыбöс. Ме одзын вовлiссез вöлiсö гусясись-нöбöтiссез. Баляэс тай эзö кывзiсьö нiйö. Ме – ыбöс: Ме пыр пырисьыс лоас мездöм. Сiя пырас-петас, коланасö адззас. Гусясисьыс локтö гусявны, вийны, разьны. Ме локтi сетны олан, сетны олансö тырмöмви.
Ме – баляэз сьöрын бур Видзöтiсьыс. Баляэз сьöрын бур видзöтiсьыс ассис ловсö пуктö баляэс понда. Медалöм видзöтiсьыс баляэс понда оз тöжды, баляэс абу сылöн да. Казялас кö сiя кöинöс, коляс баляэсö, ачыс пышшас. Кöиныс гусялас баляэсö, вашöтас нiйö öтмöдöрö.
Ме – баляэз сьöрын бур Видзöтiсь. Ме тöда Ассим баляэсö, Менам баляэзö тöдöны Менö. Айö тöдö Менö, Ме тöда Айöс. Ассим оланöс пукта баляэзö понда. Эмöсь эд Менам и мöдiк баляэз, нiя мöдiк йöрись. Меным колö вайöтны и нiйö. Нiя кыласö Менчим шыöс, сэк лоас öтiк чукöр. Сiдз лоас баляэз сьöрын öтiк Видзöтiсь.
Ме эд сета Ассим оланöс бöр босьтны сiйö. Сiйöн Ме Айöлöн сьöлöмшöрыс. Менчим оланöс озö мырддьö, Ме эд Ачым сета Ассим оланöс. Ме верма сетны оланöс, верма бöр босьтны сiйö. Сiдз тшöктiс Меным Айö».
Иван 10:7-18
98 