Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ПСАЛОМЪЯС
Библияын медся ёна лыддяна небöг – тайö Псаломъяс. Сэтчö пырö 150 псалом, мöд ногöн кö, 150 кывбур да сьыланкыв. Псаломъяс пиысь унджыксö гижис Давид öксы. Псаломъясын висьталöма эскысь мортлöн сьöлöм кылöмъяс йылысь: сылöн сьöкыдалöм, мыж вöчöм вöсна шогсьöм, Енлань бергöдчöм, Енсянь отсöгсö да мездöмсö виччысьöм йылысь.
– Шуда сiйö морт,
кодi оз ов Ентöг олысьяслöн велöдöм серти,
оз ветлы мыж вöчысьяслöн туйöд
да оз пукав Енсö омöльтысьяслöн чукöртчанiнын.
Сылöн кöсйöмыс – овны Господьлöн Индöд серти,
сiйö мöвпалö та йылысь лун и вой.
Сiйö лоö ю дорын быдмысь пу кодь,
кодi ас кадö вайö вотöс,
да кодлöн коръясыс оз косьмыны.
Быд удж сылöн кутас артмыны.
Но лёк вöчысьяслöн оз ло тадзи,
öд найö тöлöн нöбöдöм бус кодьöсь.
Ентöг олысьясöс лоö мыждöма,
мыж вöчысьяс оз лоны веськыда олысьяслöн чукöрын.
Господь тöдö веськыда олысьяслысь туйсö,
а лёк вöчысьяслöн туйыс нуöдö кулöмö.
– Видзöда ме керöсъяслань.
Кысянь виччысьны меным отсöгсö?
Отсöгыс воас меным Господьсянь,
енэжсö да мусö Вöчысьсянь.
Сiйö оз сет лигышмунны тэнад кокъяслы,
оз ойбырт тэнö Видзысь.
Оз вуграв да оз узь Израильöс Видзысь.
Господь видзö тэнö, сайöдö тэнö быд боксянь.
Луннас шондiыс оз сот тэнö,
войнас тöлысьыс оз вöч тэныд лёксö.
Господь видзö тэнö быд лёкысь, Сiйö видзö тэнсьыд олöмтö.
Господь видзас тэнсьыд мунöм-локтöмтö öнi да нэмъяс чöж.
ПСАЛОМЪЯС 1 да 120
254 
