Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ПСАЛОМЪЯС ВЕЛÖДÖНЫ-ЫШÖДÖНЫ МИЯНÖС
Тэнсьыд нимтö тöдысьяс пондасны Тэ вылö лача кутны, öд Тэ, Господьöй, он эновт Тэнö корсьысьясöс. (9:11)
Енэжыс висьталö Енлöн дзирдлуныс йылысь, енэжвевтыс юöртö Сы киöн вöчöмторъяс йылысь. (18:2)
Став муыс мед дзöрö Господь водзын, муюгыдын став олысьыс мед полö-тiралö Сыысь. (32:8)
Тöдмалöй, и аддзанныд, кутшöм бур Господь! Шуда сiйö морт, кодi лача кутö Сы вылö. (33:9)
Сет Господьлы ассьыд олан туйтö да лача кут Сы вылö, и Сiйö тöждысяс тэ вöсна. (36:5)
Шыась Ме дiнö сьöкыд кадö. Сэки Ме мезда тэнö, и тэ кутан нимöдны Менö. (49:15)
Енмöй, сöстöммöд менсьым сьöлöмöс, выльмöд да вынсьöд менсьым лолöс. (50:12)
Войтыр, кутöй лача Ен вылö быд кадö, личöдöй Сы водзын сьöлöмнытö. Ен миянлы дзебсянiныс. (61:9)
Керöсъяс артмытöдз, мусö да ентыкöласö вöчтöдз, Енмöй, Тэ вöлiн нин да лоан пыр. (89:3)
Господь – менö Дорйысьыс, менам Енмöй – меным зумыд сайöдчанiныс. (93:22)
Ошкы Господьöс, менам лолöй, да эн вунöд Сылысь став бур вöчöмсö. (102:2)
Кутшöм ыджыд коластыс енэжа-му костын, сэтшöм ыджыд Господьлöн буралöмыс Сыысь полысьяс дiнö. (102:11)
Мывкыдлуныс чужö Господьысь полöмсянь. (110:10)
Господь ме дор, меным нинöмысь повнысö. Мый вермас вöчны меным морт (117:6)
Кыдзи том мортлы видзны асьсö сöстöмöн? Овны Тэнад Кыв серти. (118:9)
Синва сорöн кöдзысьяс пондасны вундыны долыдпырысь. (125:5)
Господь матын Сы дiнö отсöгла шыасьысьяслы, матын налы, кодъяс шыасьöны Сы дiнö сьöлöмсяньыс. (144:18)
Тэнад Кывйыд –
югдöдысь би
менам кокъяслы
да югыдыс
менам туй вылын.
Пс. 118:105
256 
