Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ВИТ СЮРСÖС ВЕРДÖМ
Исус вуджис Галилея ты мöдлапöлö. Сэнi Сiйö кайис керöсö да пуксис сэтчö велöдчысьясыскöд.
Исус видзöдлiс да аддзис, мый Сы дiнö локтö уна йöз. Сiйö шуис Филиплы: «Кытысь миянлы ньöбны найöс вердмöн няньсö?» Исус шуис тайöс, медым тöдмавны Филиплысь эскöмсö. Но Ачыс Сiйö тöдiс нин, мый вöчны. Филип вочавидзис: «Кыксё динар вылö ньöбöм няньыд этша лоö, весиг ичöтиктор оз вичмы быдöнлы». Öндрей нима велöдчысь, Симон-Петырлöн вокыс, шуис Исуслы: «Танi öти зонкалöн эм вит ид нянь да кык чери. Тайö öмöй тырмас та мындаыслы?»
Исус шуис: «Тшöктöй йöзыслы пуксявны». Йöзыс пуксялiсны. Вит сюрс гöгöр морт вöлi. Исус босьтiс няньсö, аттьöалiс Енмöс да сетiс велöдчысьясыслы. Велöдчысьяс разöдiсны няньсö пукалысьяслы. Черисö тшöтш разöдiсны быдöнлы, кодi мыйта кöсйис. Кор йöзыс пöтiсны, Исус шуис велöдчысьясыслы: «Чукöртöй коляссö, нинöм энö воштöй». Велöдчысьяс чукöртiсны вит няньысь коляссö дас кык куд тыр.
Сэки найö, кодъяс аддзылiсны Исуслысь шензьöданатор вöчöмсö, шуисны: «Тайö збыльысь сiйö Пророкыс, кодлы колö вöлi локны муюгыдас».
Иоан 6:1-14
352 
